Latifalar

Xotini kasal er yonida o'tirib, hamdardlik bildiryapti:
— Xotin, sen kasal bo'lguncha men bo'lmaymanmi? Azroil meni jonimni olsa ham mayli edi, - deb tursa, shu payt azroil kirib kelib qolibdi. Afandi shosha-pisha:
— Assalomu alaykum! Azroil hazratlari, kim kasal, kim sog' o'zingiz ko'rib turibsiz, - dermish.

Afandidan o'qituvchisi so'rabdi:
— "O'g'irladi" so'zi o'tgan zamonda qanday bo'ladi?
— "O'g'irlagan edi" bo'ladi.
— Kelasi zamonda-chi, qanday bo'ladi?
— "Qamoqda" bo'ladi, ustoz!

Juda ziqna, qizg'anchiq bolakaydan ustozi so'rabdi:
— Senda 6 ta olma bor edi, yarmini o'rtog'ingga bersang, qancha olmang qoladi?
— Besh yarimta qoladi ustoz, - debdi bolakay.

Qiz onasiga telefon qilib:
— Oyijon, meni o'g'irlab ketishvatti! - desa, onasi:
— Voy qizim, qanaqa mashinada? - so'rabdi.
— Malibu, - desa:
— Baxtli bo'l qizim! - dermish onasi.

Bir kishini uyiga o't ketibdi.
O't o'chiruvchilarga qo'ng'iroq qilsa, operator gapira boshlabdi:
"Oshxonangiz yonayotgan bo'lsa 1 raqamini bosing, mehmonxonangiz yonayotgan bo'lsa 2 ni bosing, yotoqxona yonayotgan bo'lsa 3 ni bosing, ..."
Haligi kishi shoshib-pishib bitta raqamni bosibdi. Operator yana gapiraveribdi:
"Operator bilan 10 daqiqadan so'ng bog'lana olasiz".
Uyi yonib kul bo'lgan kishi:
"Rahmat! Uyim yonib bo'ldi!" deb telefonni qizil tugmasini bosib qo'ygan ekan.

Toshkentdan Qashqadaryoga tekshiruvchi boribdi. Tekshiruvchini bugun bu choyxonada, ertaga u choyxonada. Xullas, bir hafta mehmon qilishibdi.
Yana choyxonaga olib kirishganda ofisiant kelib:
— Nima buyurasilar? - deb so'rabdi. Go'sht eyishdan charchagan tekshiruvchi:
— Uka, go'shtsiz ovqatlardan nima bor? - deb so'rabdi.
Ofisiant uylanib turib:
— Tabaka bor aka! - degan ekan.

G'ulomjonning ikkita balig'i bo'lgan ekan.
Bir kuni baliqlari soyga cho'milgani borib, oqib ketibdi.

Tiqilinch bozordagi do'konlardan biriga kirib, o'zimga pal'to tanlayotsam, sotuvchi birdaniga baqirib qoldi:
— Qani anavi ablah?! Hozirgina shu erda pal'tolarni olib kiyib ko'rayotgan edi. Qochib ketdimi???
— Shu erdaman! - dedim.
— Ha shu erdamidingiz? Tanimay qolibman sizni, - dedi sotuvchi.
Darhol egnimda turgan pal'toni sotib oldim. Men tanib bo'lmas darajada o'zgarib ketibman demak!!!

Bir bemor stomatologga kelsa, ichkaridan bittasi xursand chiqib ketayotganmush.
— Nega buncha xursandsiz? - desa, haligi odam tishini ushlab:
— Xudoga shukur, vrach yo'q ekan, - dermush.

18 yoshli qizlarga onasi yigitdan gap ochsa, qizlar: "Chiroylimi?" deb so'rashadi.
25 yoshga kirgan qizlarga gap ochishsa, "Yaxshi yigitmi?" degan savolni berishadi.
30 yoshga chiqganlarida esa "Yigit" deyishsa, "Qani? Qaerda?" deyisharkan.

<< < 791 792 793 794 795 796 797 > >>

Tavsiya qilamiz

Bosh sahifa