Latifalar

Choli-kampir televizor ko'rishyapti. Kampir boshqa kanalga olayotsa, futbol chiqib qolibdi.
— To'xta! Shuni ko'ramiz! - debdi chol. Kampiri:
— E, bu o'tib ketgan, eski o'yin-ku! - desa, chol ko'zoynagini taqib, televizorga biroz tikilib turib:
— Eski o'yinga shuncha muxlis kiribdimi-a!? - dermish.

Vrach qabuliga kelgan ikki qariya suhbatidan:
— Vrachlarning yozib bergan dorisiga sira tushunib bo'lmaydi.
— Bu yaxshi-ku!
— Nimasi yaxshi?
— Masalan, men vrach yozib bergan dori qog'ozi bilan bir yil avtobusda bepul yurdim. Yarim yil bepul teatr tomosha qildim.

Bir odam ko'zgu do'koniga ketayotsa, do'sti chiqib qolibdi:
— Qayoqqa ketyapsan?
— Yangi ko'zgu sotib olishga.
— Nega, eskisi sinib qoldimi?
— Yo'q, unisiga qarasam, nuqul belimgacha ko'rsatyapti.

Kasalxonada bemor bosh vrach yoniga shikoyat bilan kirdi:
— Palatadoshim tushida motosikl haydayverib, jonimga tegdi. Boshqa xonaga o'tkazsangiz!
Bosh vrach:
— Nima, sizga motosiklning ovozi yoqmayaptimi?
Bemor:
— Yo'q! Tutuni!!!

Bemorga vrach dori yozib beribdi-da, debdi:
— Bu dorilarni bir oy ichasiz. O'ttiz kundan keyin ichib bo'lgach yana ko'rishamiz.
Bemor uyga borgach:
— To'xta! Bu oy 31 kun-ku axir!!! - dermish boshi qotib!

Bir deputat ikkinchisidan so'rayapti:
— Nega xalq bizni bunchalik yomon ko'radi?
Ikkinchisi:
— Men ham hayronman...! Axir bizlar deyarli hech narsa qilmaymiz-ku!

Eri komandirovkaga ketgach, ayol jazmanini uyiga taklif qilibdi. Jazman o'zi bilan ikkta do'stini ham olib kelibdi. Ularga maboda eri qaytib kelib qolsa, deraza tagida palatka ochib turishni tayinlabdi.
Oradan ko'p o'tmay, ayolning eshigi taqqillab qolibdi. Jazman ayolning erim qaytib keldi deb o'ylab, shosha-pisha derazadan o'zini tashlabdi.
Ayol eshikni ochib qarasa, haligi ikkita do'sti ayolga qarab:
— Palatka ochilmayapti, - dermish.

Shifoxonaning travmotogiya bo'limiga tegishli kasallik tarixidagi yozuvdan:
— Bemor imi-jimida begona ayollarga qatnagan mahal xotini ham xuddi shunday imi-jimida karatega qatnaganini bilmagan ekan…

Milisiya bo'linmasida yarim kechasi telefon jiringlab qolibdi. Navbatchi trubkani ko'tarib:
— Milisiya navbatchisi eshitadi.
Narigi tomondan vahimaga to'la, qo'rquvdan qaltiragan ovoz kelibdi:
—Tezda Tolzor ko'cha 18-uyga naryad yuboringlar. Uyda qora mushuk yuribdi. Vajoxati juda yomon.
— Bir mushukni deb milisiyani bezovta qildingmi la'nati! Bu ishing uchun javobgarlikka tortilasan. Kimsan o'zing?
— To'timan men to'ti! - dermish trubkani u tomonidan.

— Yur Dildora, kinoga boramiz.
— Ketdik!
— Yigiting rashq qilmaydimi?
— Yo'q, uni erim urib, o'ldirib qo'ygan.

<< < 795 796 797 798 799 800 801 > >>

Tavsiya qilamiz

Bosh sahifa