Latifalar

Qish. Izg'irin sovuq. Qor yog'yapti. O'rmonda jahl otiga mingan ayiq u yoqdan bu yoqqa chopib qichqirardi:
— Nima uchun sentyabrda qahva ichdim-a?!

Agrar universitet domlasi talabadan imtihon olyapti:
— Hurmatli talaba, tasavvur qiling, siz fermer xo'jalik rahbarisiz. Bu yil ham kartoshka hosili nolga tushib qoldi. Sababi nimada deb bilasiz?
— Ob-havo noqulay kelgan bo'lishi mumkin.
— Yangiroq, ishonarliroq sabab topa olasizmi?
— Albatta.
— Ayting.
— Kartoshka ekish esimizdan chiqqan bo'lishi mumkin.

3456 - yil. O'zbekiston tarixi fani. O'qituvchi qizil tayoqni ko'rsatib, so'radi:
— Bolalar, bilasizlarmi bu nima?
O'quvchilar javob berdi:
— Ha bilamiz. Bu tayoq bilan GAI qabilasi ov qilgan va oilasini boqqan.

— Boshliqning xonasiga kirib, stolga qattiq mushtlab, maoshimni oshirishni talab qildim.
— Hӯsh, natijasi nima bӯldi?
— Hech nima, chunki boshliq xonasida yӯq edi.

Er xotiniga debdi:
— Xotin, mabodo men o'lib qolsam, kimga tegasan?
Xotini:
— Kimligini bilolmadim. Lekin telefon raqamini berib ketgan, - dermish.

Professor:
— 1565 yili nima bo'lgan?
Talaba:
— Shekspir tug'ilgan.
Professor:
- 1566 yilda-chi?
Talaba:
— Shekspir bir yoshga to'lgan.

Bir irimchi kishi yo'lda ketayotgan ekan, oldidan qora mushuk o'tib qolibdi.
Shoshilib orqasiga etti qadam yurgan ekan, mashina urib ketibdi.

Ikki dugona suhbatidan:
— E dugonajon, anchadan beri tobim yo'q. Juda mazam qochyapti. O'tib ketarmikan-a?
— Havotir olma, o'tib ketadi. O'tgan yili yon qo'shnim huddi shunaqa bo'lib yurgandi. Rahmatli, o'tib ketdi...

Hayvonot bog'i. Maymun turgan qafas yonida qizaloq oyisidan so'radi:
— Oyi, nega maymunlar yuzlarini bo'yab olishgan?
— Boshqa maymunlarni qo'rqitish uchun.
— Ie, unda siz dadamni qo'rqitish uchun bo'yanib olar ekansiz-da, a?
Yonida indamay ketayotgan dadasi javob berdi:
— Yo'q qizim. Onang ko'chadagi odamlarni qo'rqitib yubormaslik uchun bo'yanadi.

"O'pkasi yo'q" taksichi yo'lovchini olibdi-yu, mashinani 120km/s tezlikda hayday boshlabdi.
Qo'rqib ketgan yo'lovchi:
— Iltimos, sekinroq haydang, - deb qo'rqa boshlabdi.
Haydovchi bo'lsa:
— Qo'rqmang, meni farishtam bor. U meni asraydi, - debdi.
Yana ozgina yurgach:
— To'xtating, bo'ldi, shu erda tushib qolaman, - debdi yo'lovchi.
Taksichi mashinasida bir o'zi tezlikni yana oshirib, ketayotsa, orqa o'rindiqdan kimdir:
— To'xtating, men ham tushib qolaman, - debdi.
— Kimsan o'zi? - so'rabdi haydovchi.
— Seni farishtangman, - dermish boyagi ovoz.

<< < 796 797 798 799 800 801 802 > >>

Tavsiya qilamiz

Bosh sahifa