Latifalar

Yigit do'stiga dedi:
— Keyingi paytlarda kunduz kunlari dahshatli darajada bo'shashadigan bo'ldim. Nuqul uyqum kelaveradi. Tunda esa buni teskarisi. Rosmanasiga to'laqonli, haqiqiy erkakning umrini kechirayotganday bo'laman.
— Tunda nima ish qilasan o'zi?
— Uxlayman.

Zamonaviy urushlarda bahosi 100000 millionlik samolyotlar 5000000 million turadigan bombalarni atigi 200 ming turadigan chaylalar ustiga tashlaydi.

Bir erkak hamkasbiga dermish:
— Xotinimni anginasi og'rib qoldi. Bechoraga juda-yam rahmim kelyapti. Baqirgisi, men bilan janjal qilgisi kelyapti axir...

Bir kishi magazinga kirib Koka-kolani ko'rsatib:
— Sosa-sola qancha, - debdi. Sotuvchi:
— Bu sosa-sola emas, bu inglizcha Koka-kola deyiladi, - debdi.
Shunda xaridor:
— Anavi Komka qancha unaqada? - desa, sotuvchi:
— Bu Komka emas, Somsa, - dermish.

Ginekolog qabuliga homilador ayol kirib:
— Ul'tratovush tekshiruvidan o'tmoqchi edim, - debdi.
Vrach:
— Yaxshi. Siz hozir nechanchi oydasiz? - deb so'rabdi.
— Menmi? Men beshinchi oy - maydaman. Siz qaysi oyda yashayapsiz doktor? - dermish ayol.

Sinfdosh do'stlardan biriga dedi:
— Eshmat bilasanmi, sinfdoshimiz bor-ku Toshmat.
— Xo'sh?!
— Juda puldan qiynalib qolgan ko'rinadi.
— Yo'g'-e, nega? Qaerdan olding bu gapni?
— Kecha birrov ko'rib o'tay deb uyiga kiruvdim. Ishonasanmi, ikki qizi yonma-yon o'tirvolib bitta pianinoni chalyapti!

Er-xotin mashinada ketayotishsa, eri magnitofonni ovozini baland qilib, xotiniga "Eshit!", - debdi.
Sherali Juraevni ''Birinchi muhabbatim'' qo'shig'i yangray boshlabdi. Er goh rulga mushtlar, goh "uf-f" deb bosh chayqatar ekan.
Buni ko'rgan xotini janjal boshlabdi:
— Ha, qarigan chog'ingizda...?! Birinchi muhabbatingiz yodingizga tushib qoldimi!? Uyatsiz, beandisha, sharmanda...
Er bo'lsa yana bosh chayqatib:
— Eh xotin, nimalar deyapsan!? Chap tarafdagi kalonkadan "chars-chars" degan tovush chiqyapti. Yangisini olish kerak endi..., - dermish.

Xotin eridan so'rabdi:
— Azizim, agar men mabodo sizni tashlab ketsam, ko'z-yosh to'kmaysizmi?
Eri o'ylani-i-i-ib turib:
— Ko'z-yosh deysanmi? Har-har zamonda yig'lab tursam kerak...
Xotini arazlab:
— Nega endi har-har zamonda? Har doim emas?
Eri:
— Ovqatga piyozni har doim ham to'g'rayvermasam kerak...!?

Ikki aka-uka yo'lda ketayotib, olma daraxtiga ko'zi tushibdi. Qarasa daraxtda bir dona olma qolgan ekan. Aka olmani ukasidan oldin olaman deb shoshib daraxtga chiqib borayotsa, olma pastga tushib ketibdi. Ukasi olmani olib eb qo'yibdi.
— Akasi daraxtdan tushib, ukasiga
— Ko'rdingmi, men bilan yursang olma eysan, - dermish.

— Dugonajon qanday qilib bir oylik maoshni bir kunda sarflash mumkin?
— Maoshingni olgin, ko'rsataman!

<< < 803 804 805 806 807 808 809 > >>

Tavsiya qilamiz

Bosh sahifa