Latifalar

Ijtimoiy tarmoqlarda juda ko'p o'tirgan ota farzandli bo'libdi. Farzandi ulg'aygach, otasidan so'rabdi:
— Ada, meni ismimni kim qo'ygan?
— Tvitter, telegram, instagramm, ...
— Kim u qarindoshlarimizmi? Nega ular uyimizga kelishmaydi?

31 dekabr' ijtimoiy tarmoqlarda yil sarhisoblari kuni. To'xtatib bo'lmas yolg'on kuni

Mehmon mezbonga qarab debdi:
— Sahiyligingizga tasanno! Har safar piyolamga choyni to'ldirib quyyapsiz...
Mezbon bo'lsa:
— Ha, choyingizga shakar sola olmasligingiz uchun, - dermish.

Qiz va yigit arazlashib qolibdi:
— Oling mana uzugingiz. Menga boshqa qo'ng'iroq qilmang, - deb o'girilib ketayotgan qizning orqasidan yigit baqiribdi:
— Hoy!!!
Qiz yurib ketayotib, hozir kechirim so'raydi, to'xtatib yalinib-yolvoradi, deb o'ylasa, bir payt yigitning tovushi eshitilibdi:
— Uzukni shkatulkada bergandim, qani???

Doim komp'yuter qarshisida o'tiradigan bolaning gapidan:
“Uyda chiroq o'chib qoldi. Oilamdagilar bilan gaplashishga vaqtim bo'ldi. Ukam o'qishga kiribdi. Singlim turmushga chiqib ketibdi. Ota-onam qarib qolishibdi. Negadir buvim ko'rinmayaptilar?!”

Jinoyatda gumonlanuvchi shaxsning yoniga advokati kelib debdi:
— Senga ikkita yangiligim bor. Bittasi-yaxshi, bittasi-yomon!
— Yomonidan boshlang, - debdi gumondor.
— Jinoyat sodir bo'lgan joydan topilgan qon izlari seniki ekan.
— Yaxshisi-chi?
— Qoning toza, gemoglabining baland ekan.

Bir kuni afandi bir arava o'tin olib ketayotsa, qo'shnisi so'rabdi:
— Nima olib ketyapsiz afandi?
— Beda, - debdi afandi. Qo'shnisi:
— O'tin-ku, - desa, afandi:
— Bilsang, nega so'rayapsan? – degan ekan.

Bir kuni afandi anhor yonidan o'tib ketayotsa, suvga cho'kayotgan bolani ko'rib qolibdi.
Afandi suvga sakrab, uni qutqarib olib, uyiga olib boribdi.
Bolani tashlab ketayotsa, ota-onasi unga rahmat ham aytmabdi.
Afandi ko'chaga chiqsa, bir payt bolani otasi orqasidan yugurib chiqibdi.
Shunda afandi:
— Mayli, qo'yavering, hojati yo'q... Men bolangizga chin dildan yordam berdim, - desa, otasi:
— Bolamni boshida shapkasi bor edi, qani? – dermish.

Bir kun er-xotini urishib qolibdi.
Eri bir varroq qog'oz olib, xotiniga “Xotin, ertaga meni soat 8:00 da uyg'otgin” deb xat yozib stolga qo'yib uxlashga yotibdi.
Ertalab turib, soatga qarasa 10:00 bo'lganmish. Oshxonaga chiqib, stol ustida bir varoq qog'ozni ko'ribdi. Unga xotini shunday deb yozib ketgan ekan:
“Dadasi turing, soat 8:00 bo'ldi”.

Taksi bilan Buxoroga ketayotgan otaxon haydovchiga:
— Bolam, Sirdaryodan chiqishimiz bilan meni uyg'otib qo'ygin, - debdi-yu, uyquga ketibdi. Haydovchi Buxoroga etay deb qolganda cholning gapi esiga tushib, “Otaxon o'sha erda o'yg'otgin degandi” deb orqaga qaytib boribdi.
Sirdaryoga etib kelib otaxonni uyg'otsa, otaxon mashinadan tushib, harsangtoshni yonida rasmga tushibdi-yu, haydovchiga qarab:
— Bo'ldi! Endi Buxoroga hayda, - degan ekan.

<< < 837 838 839 840 841 842 843 > >>

Tavsiya qilamiz

Bosh sahifa