Latifalar

Ota-bola mehmonga borishibdi. Bolasi dasturxondagi uzumdan olib ebdi-da otasiga:
— Dada, uzumda “U” vitamini bor. Eb turish kerak! – debdi.
Yana birozdan so'ng:
— Dada, yong'oqda “Yo” vitamini bor. Eb turish kerak! – deb yong'oqni paqqos tushiribdi.
Mezbondan uyalib turgan dadasi, uy egasi tashqariga chiqishi bilan o'g'liga bir tarsaki tushiribdi-da, debdi:
— O'g'lim, tarsakida “T” vitamini bor. Eb turish kerak!

Bir kishi yangi zaporoj mashinasini sotib olibdi. Benzini tugab, mashina o't olmay qo'ibdi. Shunda haligi kishi zaporojni old kapotini ochsa, motor yo'q emish. U motorni kimdir o'g'irlab ketgan deb o'ylabdi-da, orqa kapotni ochib qarasa motor bor emish. “Hayriyat zahira motori bor ekan. Hozir olib joyiga o'rnataman” deb motorni echa boshlabdi...

Er-xotin televizor ko'rib o'tirsa, xotini:
— Voy, oyijon! – deb yuboribdi.
Eri bo'lsa:
— Rostan, o'xshar ekan! – dermish.

GreenCard yutib anchadan buyon vataniga qayta olmayotgan kishi tilla baliq tutib olibdi:
— Tila tilagingni ey odamzod!
— Meni O'zbekistonga qaytarib yubora olasanmi?
— Buni iloji yo'q! Agar iloji bo'lganida, o'zim ham Sirdaryoga qaytgan bo'lardim.

Stomatolog vrach vafot etibdi. Hamkasb do'stlari uning qabri ustiga katta tish haykalini qo'yishibdi. Vrachlardan biri kular emish.
— Nega kulyapsan? – deyishsa, vrach:
— Men o'lsam, qabrim ustiga nima qo'yishar ekan? - dermish.

Oshiq yigit hikoyasi:
Sevgan qizim kitob o'qishni juda yaxshi ko'rishini, har kuni kitob o'qishini aytdi. Uning tug'ilgan kuniga qiziqarli kitob sotib oldim-da, 10-sahifasiga sovg'a pul solib qo'ydim. Oradan 1 oy o'tsa ham, sevgan qizim pulga etib kelmayapti...

Xotin eriga:
— Dadasi, bugun tushimda menga Galaxy olib beribsiz.
— Xotinjon, senga necha marta aytaman, yomon tush suvga aytiladi, boshqa hech kimga aytilmaydi deb!

Norasmiy statistik ma'lumotlarga qaraganda, yoshlarning badjahl va asabiy bo'lib qolayotganiga asosiy sabab bu – “qotib ishlayotgan” internet ekan.

Er xotiniga:
— Kost'yumimni tozaladingmi?
Xotin:
— Ha, tozaladim.
Er:
— Shimimni tozaladingmi?
Xotin:
— Ha, tozaladim.
Er:
— Oyoq kiyimimni-chi?
Xotin:
— Axir uni cho'ntagi yo'q-ku?!

Bo'yi etgan yigit adasining kalishini ichiga sabzi solib, “dadam meni tushunib oladigan” degan hayol bilan institutga o'qishga ketibdi. Kechqurun qaytib kelsa, o'zini kalishini ichida to'lov-kontrakt shartnomasi turgan emish.

<< < 834 835 836 837 838 839 840 > >>

Tavsiya qilamiz

Bosh sahifa