Latifalar

Amerikalik turist o‘zbek bilan Samarqandni aylanib yurib:
— Bu yerlarda binolar past ekan, masalan manabu bino bizda bo‘lganida 10 barobar baland bo‘lardi, - debdi bir binoni ko‘rsatib.
O‘zbek:
— Ha, albatta axir bu jinnixonaku, - dermish.

Bir odam xotinini ishxonasidagi ziyofatga olib kelibdi. Bir oz turgach, xotini:
— Anavi sochini chiroylik turmaklagan ayol kim?,- deb so‘rasa. Eri:
— U boshliqning mashuqasi!, - debdi.
Xotini yana bir boshqasini ko‘rsatib:
— Anavi to‘lagina ayol kim?, - desa.
Eri:
— Bosh hisobchimizning mashuqasi, - debdi.
Xotini bir chekkada fujerda shampan vinosi ichayotgan ayolni ko‘rsatib:
— Bu ayol kimning mashuqasi?, deb so‘ragan edi.
Er:
— Bu ayol bo‘lim boshlig‘ining mashuqasi, - debdi.
Xotini ketvorgan bir yosh juvonni ko‘rsatib:
— Bu kimning mashuqasi, - desa.
Er kim bilan gaplashayotgani esida yo‘q:
— Bu meniki, meni asalim bu!, - debdi.
Xotini ham suhbatga o‘ta berilib ketganidan:
— Dadasi, bizniki hammasidan chiroyli ekan, - dermish

Xotinim semizligidan nolib:
— Ozishim uchun nima qilay?
— Tongda qirolichalardek, peshinda malikalardek va kechki vaqt gadolardek ovqatlan. Dedim.
Xotinim tongda huddi qirolichalardek uni yemayman, buni yemayman deb hech narsa yemaydi.
Peshinda huddi malikalardek bu qanday ekan, u qanday ta’m ekan deb bir-bir chimdiydi.
Kechki ovqat vaqti huddi gadoylarga o‘xshab ko‘zi nimani ko‘rsa yeydi.

Ishdan qaytgan ep xotiniga baqirdi:
— Yana ovkat tayyor emasmi? Men itday ochman! Bo‘ldi, restoranga ketdim!
— Xoy, besh daqiqa sabr qilib turing!
— Nima, besh daqiqada ovqatni tayyor qilishga ulgurarmiding?
— Yo‘q, kiyinishga ulguraman.

Bankga qurollangan o‘g‘rilar bostirib, kirishibdi. Xodimlarning hammasiga devor ostida qo‘llarini ko‘tarib turishni buyurishibdi. O‘g‘riboshi kassir ayoldan so‘rabdi:
— Ismingiz nima?
— Sharofat.
— Onamga adash ekansiz, mayli sizni o‘ldirmaymiz, deb o‘g‘ri 2—xodimdan ismini so‘rabdi.
— O‘zi ismim Qulpiddin. Ammo o‘rtoqlarim "Sharofat" deb chaqirishadi, dermish xodim qaltirab...

Boshliq:
— Toshmatboy, siz endi mening o‘ng qo‘limsiz!
Toshmat:
— Xo‘jayin, men o‘zimga yuklatilgan vazifadan biroz cho‘chiyapman...

Ikkita skilet ringa tushibdi. Biri ikkinchisiga qarab:
— Suyakka urish yo‘q, dermish.

Hamma joyda ko‘zimga GAI xodimlari ko‘rinadigan bo‘lib qolibdi:
— Xojatxonaga kirib, unitazda o‘tirsam, hayolimda go‘yo mashinamda man-ku, tualet qog‘ozini remen o‘rniga yelkam osha tortibman...

Dadasi tug‘ilgan kunimga, shunday narsa sovg‘a qilingki, oyoq qo‘yganimda raqamlar noldan yuzgacha ko‘tarilsin.
— Tarozimi xotin?

Tramvayda ketayotgan Afandi qarshisida o‘tirgan qizga tikilib turib, so‘radi:
— Yaxshi qiz, bir boqishda yaxshi ko‘rib qolish mumkinmi?
— Yo‘q,— dedi qiz.
— Unda, ertaga qayerda uchrashamiz,— debdi Afandi.

Afandi shirakayf holda yarim tunda uyga qaytibdi. Oxirgi zinada oyog‘i toyilib, peshanasidan darcha ochilibdi. Bir narsa qilib eshikni ochib kirib qon oqayotgan yarani yuvib netib oynaga qarab plastir yopishtirib uyquga ketibdi.
Tong saharda shundoq ko‘zini majburlab ochsa xotini baqirib yotibdi:
— Mayli nimaga kech kelding, deb so‘ramayman, Postel nimaga qon, deb so‘ramayman. Lekin javob ber: Nega oyim olib bergan toshoynaga to‘lik plastir yopishtirib chikding?

— Yaxshi yigit, sizga savolni 2 marta qaytardim. Yana qaytaraman! Siz savolga «Ha» yoki «yo‘q», - deb javob bering!
— Zaldagi odamlar sizni javobingizni kutaverib charchab ketishdi axir!
— Do‘stimga qo‘ng‘iroq qilsam bo‘ladimi?
— Bu sizga «Kim millioner bo‘lishni xohlaydi» o‘yini emas yigit, bu yer "Nikoh uyi"!

Advokat qamoqxonaga boy mijozning yoniga kelsa, mijoz:
— Mana shu chemodanda 1 million dollar bor, nima qilasan men bilmayman, shu pulni berib, sudyani ko‘ndirginki, qo‘rqib turibman uzoq muddatga qamaydimi deb, olgan puli evaziga menga bir yil qamoq jazo belgilasin, tushundingmi?, - debdi.
Advokat o‘ylanib chemodanni olib ketibdi.
Sud bo‘libdi, mijoz kutgandek 1 yil qamoq jazo muddati berilibdi.
Mijoz advokatga:
— Senga rahmat, sudyani ko‘ndirishing rossa qiyin bo‘lgan bo‘lsa kerak, a?, - desa.
Advokat:
— Haqiqatdan sudyani ko‘ndirish qiyin bo‘ldi, chunki u sizni butunlay oqlamoqchi edi, bergan pulingizga bir yilga zo‘rg‘a ko‘ndirdim, - degan ekan

Bir student yigit avtobusdan tushish paytida, haydovchiga qarab, amaki meni pulim yo‘q edi, - desa
Haydovchi yigitni orqasiga qarab bir tepib tushurib yuboribdi.
Bola haydovchiga qarab:
— Amaki yana bir teping, - debdi
Haydovchi yana bir tepibdi.
Bola avtobus ichiga qarab:
— Guli sangayam to‘ladim tushaver, - dermish

Avtobus liq to‘la. Odamlarni orasidan bir ayolning ovozi eshitildi:
— Voy yigitcha, nima qilyapsiz?
Jimlik. Birozdan so‘ng yana o‘sha ovoz:
— Nima qilyapsiz yigitcha?
Jimlik. qiziquvchan ovoz eshitildi orqadan:
— Ayt endi! Nima qilyapsan?

Bir kishi do‘konga kelib:
— Non bormi?
— Yo‘q.
— Choy bormi?
— Yo‘q.
— Shakarchi?
— Yo‘q.
— Do‘konlaringda hech nima yo‘q bo‘lsa, nega yopib qo‘ymaysizlar?
— Yopishga kalit ham yo‘q...

Ikki do‘st aroq ichib o‘tirishgan ekan, aroq tugab qolibdi, qarashsa pullari ham tugab qolibdi. Uyning egasi o‘rtog‘iga hozir yo‘lini qilaman debdida, qo‘shni xonaga o‘tib, kichkina stanokchasida, besh mingtalik pul chiqarib olibdi. Bu hol bir necha marta takrorlanibdi, rosa kayf qilishibdi va mehmonni kuzatib qo‘yib uxlabdi. Ertalab uy egasi hali uyqudan turmasidan departament xodimlari uyiga bostirib kirib stanokni musodara qilishmokchi bo‘lib qarashsa pul chiqaradigan stanokga uxshamasmish, uy egasidan so‘rashsa:
— Menda hammasi haqiqiy pullar edi. Faqat shu pullarni stanokdan nomiga o‘tkazib oldim xolos.
— Bu ish sizga nimaga kerak edi?
— Yanagi safar kim bilan ichishim kerakligini bilishim uchun.

Afandi tegirmonda bug‘doy torttirish uchun navbat kutib turar edi, turib-turib zerikdi. Boshqa qoplardan o‘zining qopiga hovuchlab bug‘doy sola berdi. Buni ko‘rib tegirmonchi so‘radi:
— Nima qilyapsiz, Afandi?
— Men tentakman!
— Tentak bo‘lsangiz, nega o‘z qopingizdan olib, birovlarnikiga solmaysiz - dedi tegirmonchi.
— Unda g‘irt jinni bo‘lar edim,— dedi Afandi.

Hayvonot bog‘ida o‘g‘li dadasiga:
— Dada, agar anavi sher chiqib sizni yeb qo‘ysa, qaysi avtobusda ketay?

Afandi qorong‘i kechada o‘rtoqlari bilan oshxo‘rlik qilib o‘tirgan edi, birdan shamol turib, chiroqni o‘chirib qo‘ydi.
Ulfatlardan biri:
— To chiroq yoqilguncha osh yeyish yo‘q! Hamma chapak chalib o‘tirsin, - dedi.
Afandi tizzasini yalang‘ochladi-da, uni, bir qo‘li bilan shappatilab o‘tirib, ikkinchisi bilan osh ustidagi go‘shtni paqqos tushirdi.

<< < 18 19 20 21 22 23 24 > >>

Jami 2090 ta latifa mavjud

Tavsiya qilamiz

Bosh sahifa