Latifalar

Neft bazasi direktori haydovchisidan:
— Mashinada benzin bormi? - deya so‘rabdi.
Haydovchi:
— Bak to‘la - deb javob beribdi.
Direktor hayron bo‘lib:
— Qiziq, nega bo‘lmasa odamlar benzin yo‘q, deya shov-shuv ko‘tarib yurishibdi?!

Poyezd kupesida er-xotin va yana ikki medik ketishyapti. Xotin rosa ko‘p gapirar ekan, har balo deb tinmay gapirib ketaveribdi. Xotin o‘z ehtiyoji bilan kupedan chiqqan ekan, mediklar erga:
— Voy og‘ayni bunaqa xotin bilan qanday yashab yuribsan? Bir umr buning diydiyosini eshitib o‘lib ketasanku. Yaxshisi hozir Moskvadagi bir xirurgni adresini beraman, xotiningni miyasini operatsiya qilib beradi, qarabsanki kamgap ajoyib xotinli bo‘lasan, narxi ham qimmat emas bori yo‘g‘i 1000$ga gaplashib beraman.
— Jinnimisilar qanaqa ming dollar, kavkazliklar bilan gaplashib qo‘yganman, atigi 200$ga otib tashasharkan. Usha yokka olib ketayabman.

Harbiy qismga yangi askarlar kelishdi. Ularga oshpaz tayinlamoqchi bo‘lib, qism komandiri so‘radi:
— Qani askarlar kim armiyagacha u-bu pishirgan bo‘lsa bir qadam oldinga.
Bir askar katta qadam bilan oldinga chiqibdi.
— Pishirgansanmi?
— Ha, pishirganman.
— Xo‘p yaxshi nima pishirgansan?
— Asfalt.

— Salom!
— Privet.
— Ahvolingiz qanday?
— Spasibo. Xorosho. Kak vashi dela?
— Yaxshi. Siz o‘zbekmisiz?
— Da.
— Unda nega o‘zbekcha gapirmaysiz?
— Ya po-uzbekski ponimayu, no ne umeyu govorit...
— Meni itimga o‘xsharkansizda...
— V smыsle?
— Mening itim ham tushunadi, biroq, gapira olmaydi.

Xotininga nima sovg‘a qilmoqchisan?
— O‘zimga qolsa, hech narsa. Xotinimga qolsa, butun "Otchopar" bozorini so‘raydi.

Bir yigit hech uylanmasmish. Onasi:
— Bolam nega ko‘rsatgan qizlarimni birortasini ham xohlamayapsan, desa,
O‘g‘il:
— Ona ularning hammasi g‘irt, debdi.
— Voy u nima degani, desa,
O‘g‘il:
— Nima deyishni bilmay, ishyoqmas, dangasa, uyquchi, deb tushuntiribdi.
Ona shunda:
— Voy 3 opang ham g‘irt edi, bib binoyi yashab ketdi, qolaversa manam rosa uchiga chiqqan g‘irt bo‘lganman. Adang sezmagan ham, dermish.

Falsafa fanidan imtixon bo‘lyapti...
Talaba: Domla keling yaxshisi men sizga bir savol beraman, topsangiz zachyotkamga bahoimni qo‘ymaysiz, topolmasangiz 5 baho qo‘yib berasiz.
O‘qituvchi: Ho‘p, eshitaylikchi...
Talaba: Nima qonuniy-yu, mantiqiy emas, nima mantiqiy-yu, qonuniy emas, nima qonuniy ham emas, mantiqiy ham emas?
O‘qituvchi savolga javob berolmay bahosini qo‘yib berdi.
O‘qituvchi: Qani endi javobni o‘zingizdan eshitaylikchi...
Talaba: Siz xotiningiz bilan ZAGSdan o‘tgansiz — bu qonuniy, lekin siz 70 yoshdasiz, xotiningiz 20 yoshda — bu mantiqqa to‘g‘ri kelmaydi. Sizning xotiningizni jazmani bor — bu mantiqiy, lekin qonunga xilof ish qilyapti — bu qonuniy emas. Siz hozirgina o‘sha xotiningiz jazmaniga baho qo‘yib berdingiz — bu qonuniy ham emas, mantiqiy ham emas.

Afandi bozorga boraman deb otini egarlayotsa, oti 1000 so‘m berib "Damas'da borib kelaver" deyarmish

Do‘stim seni xotining ham yoqtirgan ishlaringa qarshilik qiladimi?
— Yo‘q, qayta xursand bo‘ladi!
— Ha nima ish qilasan?
— Ovqat qilaman, sigir sog‘aman, choy damlayman.

— Doktor, ochko‘zlikka qarshi biror malxamingiz yo‘qmi?
— Bor, xozir men sizga dori yozib beraman.
— Faqat ko‘proq, ko‘proq...

Yigit qizdan so‘radi:
— Yaxshi qiz, bir ko‘rishda muhabbatga ishonasizmi?
— Albatta, menda bunaqangi vaziyat juda ko‘p bo‘lib turadi.

Bir kuni baliq o‘z sevgilisiga sevgisini isbotlash uchun o‘zini daryoga tashlabdi.

Bir yigit shoshilib hojatxonaga kirsa, yonidagi xonadan ovoz eshitilibdi:
— Qalaysan
— (hayron bo‘lib) Yaxshi — debdi
— Nima qilayapsan
— Hojatxonada o‘tiribman!
— (past ovozda) Keyinroq telefon qilaman...bir ahmoq men bilan gaplashyapti

Afandi bemahalda uyiga mehmon boshlab kelgan edi, xotini urishib berdi:
— Uyda hech narsa yo‘q-ku, mehmon boshlab kelasiz!
— Unday bo‘lsa,— dedi Afandi,— mehmon ko‘chada turibdi, chiqib Afandi yo‘q deya qol!
Afandining xotini yo‘lakka chiqib, eshik orqasidan:
— Xush kelibsiz, mehmon, uyga kiring desam, Afandi yo‘qlar, endi borlarida boshqa kelarsiz,— dedi.
Mehmon o‘shqirdi:
— Qanaqa bema’ni xotinsiz! Hozir holu jonimga qo‘ymay olib keldilar-ku. Hozir ko‘z oldimda uyga kirib ketdilar!
Afandi quloq solib tursan edi, eshikka yaqinroq borib dedi:
— Afandining eshigi bitta deb senga kim aytgan edi, narigi eshikdan chiqib ketgandir-da!

Titanikni ko‘rib ezilib yig‘lab o‘tirgan lo‘lidan so‘rashibdi:
— Film juda ta’sirlimi?
— E, e yo‘q, essiz shuncha metallom bekorga ketti, - dermish

Chol dengizdan tilla baliq tutib oldi. Tilla baliq tilga kirdi:
— Kampiring haliyam bormi?
— Ha.
— Unday bo‘lsa meni yeb qo‘yaver.

— Jek, sevgiling sening millionerning nabirasi ekanligingni bilgach, sendan voz kechgani juda g‘alati-ya.
— Nimasi g‘alati? Endi u menga buvi bo‘ldi.

Darvozadagi yozuv: "Eshik qo‘ng‘irog‘i ishlamayapti. Itning g‘ashiga teging, vovullashi bilan chiqamiz”.

Biznesmendan qanday qilib millioner bo‘lganini so‘rashdi.
— Xotinim tufayli.
— Qanaqasiga?
— Qancha pul topganimda xotinim pul yo‘qligidan nolishni to‘xtatishini bilmoqchi edim...

Afandi bozordan tog‘ora olib kelayotgan edi, yo‘lda birov duch kelib:
— Qani, taqsir, tog‘orani menga bering, ko‘tarishib ketay,— dedi-da, Afandining qo‘lidan tog‘orasini oldi.
Uyga yetdilar. Afandi odamgarchilik yuzasidan u kishini mehmon qilib jo‘natdi. Biroq bu kishi har kuni kelib, Afandi bilan so‘rashib:
— Xo‘sh, qalay, tog‘ora omonmi?—deb so‘raydigan bo‘lib qoldi.
Har gal kelganida, Afandi uni holi-qudrat mehmon qilib jo‘natardi. Bu holning uzluksiz davom etishidan Afandi juda zerikdi.
Kunlarning birida, u kishi yana kelib, eshik qoqqan edi, Afandi tog‘orani ko‘tarib chiqdi. U ham so‘rashib bo‘lgach:
— Ha, qalay, tog‘ora omonmi?—deb so‘ragan edi. Afandi tog‘orani yerga tashlab yubordi. U yerga tushib sindi.
— Ha, tog‘ora shu damgacha omon edi, hozir ko‘z oldingizda jon berdi,— deb Afandi uyga kirib ketdi.

<< < 2 3 4 5 6 7 8 > >>

Jami 2090 ta latifa mavjud

Tavsiya qilamiz

Bosh sahifa