Latifalar

— Oyijon, siz seriallarga qiziqanmisiz?
— Qizim Gvadelupa, menga bo‘lar-bo‘lmas savollarni beravermasdan. Jadini kiyintirib, ukang Jumongni o‘ynatib tur. Bir pastdan so‘ng singling Latifani olib kegani bog‘chaga boramiz.

Ikki kishi yo‘lda ketayotsa, biri birdan xoxolab kulvoribdi.
Sherigi:
— Nega kulding, - deb so‘rasa
— O‘zimga o‘zim latifa aytayotsam, ichidan eshitmaganim chiqib qoldi, - dermish.

O‘zbek mobil maqollari:
Eldan chiqsang ham, xizmat doirasidan chiqma.
Yigit kishiga 40 sim-karta ham oz.
Yangi raqam olmay, eskisini sotma!

Qizlar yigitila ichmasa, chekmasa, qizla bilan gaplashmasa, har yarim soatda tel qilib tursa, SMSilaga hali dostavleno kemasidan otvet yozsa, silarga xiyonat qilmasa, ko‘chada daydib yurmasa, faqat silani sevsa, ertalabdan kechgacha yonilada yursa, ko‘zi boshqa qizlarni ko‘rmasa --> turtib ko‘rilachi o‘lib qomaganmikan.

Afandi sartarosh bo‘lib podshoning sochini olar edi. Qo‘rqqanidan qo‘li qaltirab, podshoning boshini kesib oldi.
Podsho qichqirdi:
— Ko‘zingga qara, yaramas, boshimni kesding!
— Tovba, kesilgan boshning gapirishini umrim bo‘lib endi ko‘rishim,— dedi ajablanib Afandi.

Sudya:
— Nega ovchilar jamiyati a’zosi bo‘lmay turib quyonni o‘ldirdingiz?
Jabrlanuvchi:
— Nega quyon mening oilam a’zosi bo‘lmay turib dalamdagi karamni yeydi?

Bir bino qulab tushibdi. So‘ng g‘isht, qum va sementni sudga berishibdi.
Birinchi g‘ishtni so‘roqlashibdi:
— Seni qamaymiz, seni deb bino quladi desa.
g‘isht:
— Meni xech qanday aybim yo‘q, meni qanday qo‘yishgan bo‘lsa shunday turdim debdi.
qumga:
— Barchasiga sen aybdorsan, bino seni deb qulagan desa.
qum:
— Men xech narsa qilganim yo‘q. meni qanday qorishgan bo‘lsa shunday turdim debdi.
Oxiri sementga:
— Bino seni deb qulagan, sen aybdorsan desa,
Sement:
— Meni bunga qo‘shmeyla, men bularni orasida yo‘qman debdi.

Siz g‘irt yaramas, iflos, isqirt, o‘g‘ri, tunlari ko‘chalarda sang‘iydigan qop-qora mushugimni ko‘rmadingizmi?

Konsertda o‘tirgan bir kishi yonidagi odamdan so‘radi:
— Nega qo‘shiqchi qo‘shiq aytib u yoqdan-bu yoqqa chayqalaveradi?
— Qimirlab turgan nishonni urish qiyin bo‘ladi-de.

Bir odamning uyiga mehmon kelibdi. Bir oz suhbatlashishgandan so‘ng mehmon uy egasidan so‘rabdi:
— Nega itingiz menga hadeb irrilayapti?
Uy egasi:
— Idishida ovqat yeganlarni yoqtirmaydi.

Kichkina bolakay dadasiga:
— Dada, uylanish uchun qancha pul kerak?
Dadasi onasiga pul berayotgan ekan:
— Bilmayman, men hali ham to‘layapman.

Bir kuni mast er uyga kelib eshikni taqillatibdi:
Er:
— Men go‘zal ayolga gul olib keldim!
Xotin eshikni ochib qarasa gul yo‘q:
— Qani gul??
— Qani go‘zal ayol???

5 yashar bola 1,5 yashar ukasiga nimadir deb savol berdi. Ukasi hali go‘dak emasmi, o‘zicha nimadir deb g‘o‘ng‘ir-g‘o‘ng‘ir, deb qo‘ydi. Shunda 5 yashar bola ularni mehr bilan kuzatib turgan onasiga:
— Oyi, buniz tochniy o‘zbekmi, - debdi.

Bayram arafasida er xotiniga tinmay tirjaya boshladi:
— Dadasi, nima gap, namuncha menga qarab tirjayasiz?
— E, xotin! Kecha televizorda "Agar xotiningizga bayramga sovg‘a sotib ololmasangiz, tabassum qiling", deyishdi.

Kuz, kunlar sovigan Afandini o‘g‘li do‘konga kirib sotuvchidan:
— Amaki bitta qaynoq muzqaymoq bering - debdi.

Afandidan so‘radilar:
— Osmonda qancha yulduz borligini balki siz bilarsiz?
— Ochig‘ini aytsam, men ham shuni bilishni istayman. Anchadan beri sanamoqchi bo‘lib yuribmanu, lekin imkoni bo‘lmayapti.
— Nega imkoni bo‘lmaydi?
— Yulduzlarni yerdan turib sanab bo‘lmaydi, osmonga chiqish kerak. Lekin bunga kunduzi vaqtim yo‘q. Kechasi bo‘lsa, osmonga chiqib qorong‘ida adashib ketishdan qo‘rqaman.

Ingliz tilidan birinchi dars. O‘qituvchi:
— Bolalar, kim inglizcha harflarni yoddan biladi?
Eshmat (kichkina dasturchi):
— Men!
— Qani, tartib bilan aytchi?!
— Q, W, E, R, T, Y

Tort pishiruvchi qiz dugonasiga:
— Doktorlarga hayron qolamanda, dugonajon.
— Nimaga bunaqa deyabsan?
— O‘tgan hafta ko‘z doktorini tug‘ilgan kuni deb, ko‘z shaklidagi tort zakaz qilishgandi, bugun roddomni bosh vrachi bo‘lmish akusher ginekologni yubileyi ekan... Tortmisan-tort bo‘ldi-da!

Muallim o‘quvchilarni ogohlantiryapti.
— Bolalar, hech qachon jonivorlarni o‘pmang! Bu turli kasalliklarga sabab bo‘lishi mumkin. Eshmat shunga misol keltir!
— Xolam, qachon qarasa to‘tiqushini o‘pib erkalardi.
— Keyin nima bo‘ldi?
— To‘tiqush aqldan ozdi.

Shifoxonada davolanib chiqayotib, bir kishi shifokorga minnatdorchilik bildirdi:
— Ming-ming rahmat sizga shifokor-jon! O‘z minnatdorchiligimni qanday izhor qilishni ham bilolmay qoldim…
Unga javoban shifokor ma’noli iljaydi-da, dedi:
— Eh, azizam, bilasizmi, insoniyat pul degan qudratli narsani o‘ylab topganidan beri minnatdorchilik izhor qilish yo‘li osongina hal etilgan.

<< < 5 6 7 8 9 10 11 > >>

Jami 2090 ta latifa mavjud

Tavsiya qilamiz

Bosh sahifa