Latifalar

— Menga qara, og‘ayni, marsliklarni o‘ldirganlik uchun qamashadimi?
— Ha, lekin jinnixonaga!

— Bizning korxonamizda faqatgina kerakli kadrlar faoliyat yuritishi kerak, - deb ta’kidladi «Qo‘ng‘iroqcha» fermasining ma’naviyat ishlari bo‘yicha direktor o‘rinbosari yordamchisi ish yurutuvchisining kichik 3-razryadli kichik referent-kotibi.

— Ha, o‘rtoq ko‘zinga nima qildi?
— Xotinim pomidor bilan urdi.
— Pomidorga shunday ko‘karib ketdimi?
— Pomidor bankani ichida edida.

Bir kuni tushida qo‘shni xotinlar Afandini chiroyli, yosh qizga uylantirmoqchi bo‘lishib turganlarida u uyg‘onib ketib, xotinini turta boshladi:
— Xotin, xotin, tur, ish chatoq!
— Nima gap?— uyqusirab so‘radi xotini.
— Qo‘shnilar meni uylantirishmoqchi, ularni hayda!
— Tinch qo‘ying, uyqumni buzmang?
— Bilib qo‘y, men seni oldindan ogohlantirib qo‘ymoqdaman. Haqiqatan ham ularning shunday niyati bo‘lsa, keyin mendan o‘pkalab yurma,— dedi Afandi.

Afandining birov bir narsa so‘rasa, o‘sha zahoti bermay, ertasiga beradigan g‘alati odati bor edi. Bir kun qo‘shnisi:
— Bir oshlik tuz berib turing,— dedi.
— Tuz yo‘q edi-ku,— deb qaytardi-da, ertasiga o‘zi olib chiqib berdi.
— Iye, bor ekan-ku, nega kecha bera qolmay, bugun o‘zingiz olib chiqdingiz?
— Beradigan narsamning qadri bilinsin, dedim-da.

— Dada, siz qorong‘ida ham yoza olasizmi?
— O‘ylaymanki, yoza olaman.
— Unday bo‘lsa, chiroqni o‘chirib, kundaligimga qo‘l qo‘yib bering...

Ishyoqmas, tekintamok, dangasa odamlar uchun 8 qoida:
1 — Yotadigan krovatingni o‘zingni sevganingdek sev.
2 — Kimdir dam olayotganini ko‘rsang, albatta, yordamga oshiq.
3 — Ish - mukaddas narsa, unga tega ko‘rma!
4 — Qaysidir ishni ertaga qoldirish mumkin bo‘lsa, uni aslo bugun bajarma!
5 — Ishlaganlar sog‘lom bo‘ladi, deyishadi, demak, bemorlarga ish qoldirish kerak, ular sog‘ayishsin.
6 — To‘satdan ishlaging kelib qolsa, shoshilma. Chuqur nafas ol, o‘tib ketadi.
7 — Aslo unutma, ish baribir tugamaydi!!!
8 — Agar ko‘p ishlash bilan millioner bo‘lish mumkin bo‘lganda edi, unda hamma ishchilar boyib ketgan bo‘lar edi.

Oq qand yangi chiqqan vaqtda Afandi taajjublanib qandfurushdan so‘radi:
— Aka, bu nima? Rohatijonning qurug‘i desam, shinnisi ko‘rinmaydi...
Qandfurush tushuntirib berdi:
— Bu - qumshakarning yirigi, yangi chiqdi. Buni oq qand deyiladi.
— Jinday chashna bering-chi?
Afandi oq qanddan bir chaqmog‘ini og‘ziga solib so‘rgan edi, huzur qilganidan badanlari yayrab, ko‘zlari suzilib ketdi.
— Shunday yaxshi narsani sotasizmi,— dedi Afandi yutinib,— uyingizga oborib bola-chaqangiz bilan so‘rishmaysizmi?!

Bir kuni adabiy jurnal muharririga she’r qo‘lyozmasi yuborildi. She’r «Men nechun tirikman?» deb atalarkan. She’rning o‘zi esa juda uzun va zerikarli ekan. Muallifga juda qisqa javob jo‘natildi: «Siz she’ringizni pochta
orqali yuborganingiz uchun tiriksiz. Agar uni idoramizga o‘zingiz olib kelganingizda, shubhasiz, bu yerdan tirik chiqmasdingiz»

Ikki vrach operatsiya stolidagi bemor oldida suhbatlashishyapti:
— Davolaymizmi yoki yashayversinmi!?!?!?!!!!!

Qish. Jinnixonadan jinnilar yarim oqshom qochib chiqishib, jinnixona omborxonasining tomiga olov qo‘yishibdi. Buni ko‘rgan doktorlar o‘t o‘chiruvchilarga xabar berishibdi. Yetib kelgan o‘t o‘chiruvchilar birinchi bo‘lib tomdagi jinnilarni qutqarmoqchi bo‘lishibdi. Shunda jinnilardan bittasi ularga qarab:
— Ha, yaramaslar biz qiynalib o‘t yoqqanda birontang yo‘q eding. Endi isinmoqchimisizlar? Yo‘qolinglar isinishga qo‘ymaymiz, - dermish.

Avtomobilga yonilg‘i quyish shoxobchasida:
— Sizni ogohlantirib qo‘yay, bugundan benzinning narxi oshdi.
— Yaxshi, menga kechagi benzindan ellik litr quying.

Bir kishi yosh bolaga:
— Xey bola, kim o‘rgatdi senga so‘kinishni?
Bola:
— Kim o‘rgatdi emish, nima odamda tug‘ma iste’dod bo‘lmaydimi?

Er-xotin televizor ko‘rib o‘tirib, xotiniga eri:
— Leopard rosa tez yuguradi-de, xozir kiyikni yeb qo‘yadi debdi
Shunda xotin eriga qarab:
— Agar kiyik tirik qolsa, ikkinchi xotin olishizga ruxsat beraman, debdi.

Xodimi o‘z boshlig‘idan ruxsat so‘ramoqda:
— Javob bering iltimos, mening tog‘am kasalxonada ekan. Boshliq unga raxmi kelib javob beribdi.
Ishdan so‘ng stadionga tushgan boshliq u yerda o‘z xodimini uchratib qolibdi.
— Iye, sen tog‘angni oldiga kasalxonaga borishing kerak edi-ku?!!
— Hozir xo‘jayin shoshmay turing, tog‘am mana shu o‘yinga hakamlik qilmoqda, o‘yin tugasin, keyin aniq kasalxonaga tushadi.

Bir odam ko‘chada 100 dollarlik pulni qalbaki emasligini tekshirish uchun quyoshga tutib tomosha qilib tursa yoniga bir GAI xodimi kelib:
— Mashinada emasmisiz?
— Yo‘q!
— Afsus!

Ota 9 yoshli o‘g‘liga:
— Menga qara, nega sen "Bola tarbiyasi" to‘g‘risidagi kitobni o‘qiyapsan?
O‘g‘ilning javobi:
— Meni tarbiyalashda haddilaringdan oshmayapsizlarmi yo‘qmi, shuni nazorat qilmoqchiman.

Bir kuni Afandi osh qilmoqchi bo‘libdi, qarasa muzlatgichda go‘sht qolmagan ekan. Jahli chiqqan Afandi shartta qo‘liga pichoqni olib, shimini yechibdi-da... Boshqa shimini, kiyib qassobxonaga ketibdi.

Shogird:
— Ustoz, shu damda men sevgilimga sms yozganim durustmi yoki qo‘ng‘iroq qilganimmi?
Ustoz:
— Bizning xozirgi ahvolimizga qarag‘onda, siz ul sevgili yoringizga gudok tashlag‘oning‘iz durustdur bo‘tam.

Bir kuni Afandi qo‘y boqib yursa, bir qo‘yni kalasi ariqqa tushib oqib ketibdi, buni ko‘rgan Afandi bir siqim xashakni olib, ma-ma jonivor, deb tutib olibdi.

<< < 6 7 8 9 10 11 12 > >>

Jami 2090 ta latifa mavjud

Tavsiya qilamiz

Bosh sahifa