Farzand tarbiyasi | Фарзанд тарбияси

Тенгдошлари билан муштлашув ҳеч қачон яхши натижаларга олиб келмаслигини уқтиринг. Ҳар қандай муаммони сўз билан ҳал қилиш мумкин. Сиз буни амалда исботланг ва ундан ҳам кейинчалик шундай қилишини сўранг.

Жигарбандингизга бошқалар билан сўзлашганда овозни баландлатмай, бошқа томоннинг фикрини ҳам тўлиқ эшитган ҳолда жавоб беришни ўргатинг.

Фарзандингизга катталар билан тўғри сўзлашишни ўргатинг. Ўз фикрини ифода этиш “Гап қайтариш”га тенг келиб қолмаслигига аҳамият беринг. Буни одобсизлик деб қабул қилишлари мумкин.

Фарзандингизга гапиришга имкон беринг. Ўз фикрини тўлақонли ифодалаши учун шароит яратинг. “Гап қайтарма” деб ичидаги сўзларини ичида қолдирманг.

Фарзандингизнинг ташқи кўринишидаги нуқсонларни(агар улар бўлса) ҳеч қачон юзига солманг. Буни у камчилик деб билмасин. Балки айни нуқсонларни сездирмаслик учун ўйин тарзида бирор нарса ўйлаб топинг.

Сув яқинида кетаётган фарзандингизга ҳамиша сузишни билмай туриб, сувга жуда яқин бўлишдан эҳтиётланиш кераклигини уқтириб туринг.

Сувдан қўрқиш ҳисси! Фарзандингизни ариқ четидан кетаётганда ёки бирор сув ҳавзаси олдида сувга чўкиб кетиши мумкинлигини айтиб қўрқитманг.

Фарзандингизга ўзи ёлғиз бирор хонага кириб кетаётганда, албатта, “Басмала”ни айтиб кириш кераклигини ўргатиб қўйинг. Шунда у муҳофазада бўлишига ишонсин!

“У ерга кирма, қоронғи, бобовлар бор” деб беш дақиқа тинчимизни ўйлаб, фарзандимизни бутун умрга қоронғуликдан қўрқадиган қилиб қўяётганимизни унутмайлик.

Агар фарзандингиз қоронғуликдан қўрқса, у ҳолда кап-катта йигит бўлганда ҳам кечқурун ҳовлига бирга чиқишингизга тўғри келади. Шунинг учун унга ҳозирданоқ тарбия бериб боринг, ботир қилиб ўстиринг!

< 1 2 3 4 5 > >>

Tavsiya qilamiz

Bosh sahifa