Latifalar

Bir ayolning eri o'lim to'shagida yotsa, xotini tepasida yig'lab o'tirganmush:
— Meni tashlab ketyapsizmi?! Men ham tez orada o'lsam kerak...!?
Eri zo'rg'a ko'zini ochib xotiniga:
— Shoshilma xotin! U yoqda biroz dam olishga imkon ber!!! - dermish.

Bir kuni avtohalokatga uchragan haydovchini shifoxonaga olib kelishibdi. Vrach ko'rib:
— Zudlik bilan operasiyaga tayyorlanglar! - debdi.
Operasiya boshlanibdi. Vrach haydovchining miyasini olib, hamshiraga beribdi-da:
— Ushlab turing, hozir qaytarib berasiz, - debdi.
Hamshira haydovchining miyasini derazaga qo'ygan ekan, tashqarida yurgan mushuk tortib olib ketib qolibdi.
Operasiya so'ngida vrach miyani so'rasa, hamshira mushukni gapirib beribdi.
Shunda vrach debdi:
— Mayli boshini shundoq o'zini yopib qo'yaveringlar. Avtomat korobka haydab yuraveradi...!

Yigitlar ko'zi bilan, qizlar esa qulog'i bilan sevadi.
Hozirgi zamon yigitlarini ko'zida ko'zoynak, qizlarni qulog'ida esa naushnik!
O'rtada bechora sevgi sarson...

Qo'ziqorin terib kuni bilan yurgan 2 kishi o'rmonda adashib qolibdi. Sekin yo'l topib, chetroqqa chiqib qarashsa, bir odam turganmush.
U odam praporshik ekan. Haligi qo'ziqorin tergan kishilar uni oldiga kelib:
— Kechirasiz, biz adashib qoldik. Qishloqqa etib olishimiz uchun to'g'ri yurib ketyapmizmi? - deb so'rashsa, praporshik jahli chiqib:
— Qanaqasiga to'g'ri bo'lsin?! Oyog'ingizni noto'g'ri tashlayapsiz, tizzalarni emas, oyoqning kaftlarini erga zarb bilan tashlab yurishingiz kerak. Umuman ikkalangiz ham baravar qadam tashlashingiz kerak.

Quloqlari kar bo'lgan xirurg narkozdan umuman foydalanmas ekan.

— Doktor, oyog'im 2 ta joydan sindi. Yordam bering!
— Oyog'ingizni sindirib olgan joylarni eslab qoldingizmi?
— Ha, albatta.
— Bo'ldi. U erlarga qaytib bora ko'rmang!

Bir ayol taksi to'xtatib boradigan manzilini aytibdi. Haydovchi:
— Nechi pul berasiz? - debdi.
Narxini aytibdi ayol.
— Ha, yo'q! Benzin oshdi, kam bu puliz, - deb ketib qolibdi.
Yana taksi to'xtabdi. U ham rozi bo'lmabdi.
5-6ta taksidan keyin oxiri bittasi "O'tiring" debdi.
Ayol taksichiga:
— Hamma taksichilar benzin oshdi deb olishmadi. Siz insofli ekansiz, - desa, haydovchi:
— Ha, yo'q. Men kechagi benzinda yuribman, - dermish.

Bir odam sherigiga debdi:
— Anavi daraxtni ko'rayapsanmi?
— Ha.
— Undagi qushnichi?
— Ha.
— Qushning oyog'idagi chumolinichi?
— Yo'q ko'rmayapman.
— Men shularning hech qaysini ko'rmayapman, - dermish.

Dunyoda xumdek-xumdek, qovoqday-qovoqday, biror marta ishlatilmagan – “svejiy-svejiy” kallalar juda ko'p. Hali ko'rasiz, bu kallalar birdan ishlab ketsa, butun dunyoda insonlarga xizmat qiladigan kashfiyotlar bo'lib, xalq manfaatiga xizmat qila boshlaydi.

Ikki o'rtoq aroq ichib, ko'zi qizarib ketibdi.
— Endi qanaqa qilib ketamiz? Yo'lda GAI to'xtatsa, ko'zimizni ichi qizarib ketgan...?! - debdi birinchisi.
O'rtog'i o'ylanib turib debdi:
— Mashinani sen haydaysan. GAI to'xtatsa, "Ko'zimga pashsha kirib ketdi. Shunga qizarib qoldi" degin, - deb o'rgatibdi.
Ozgina yurishsa hamki, GAI to'xtatibdi. Yigitga GAI tikilib qarab:
— Nima, ko'zingizga pashsha kirib ketdimi? - desa, yigit shoshib qolib:
— Yo'q, ichgandim, - dermish.

<< < 272 273 274 275 276 277 278 > >>

Tavsiya qilamiz

Bosh sahifa