Latifalar

Ikkita boyning suhbati:
— Hozirgi zamonda halol bo'lib yashash qiyin...!
— Senga bu gapni nima aloqasi bor?!

O'qituvchi o'quvchisini savol-javob qilmoqda:
— Foziljon, bu yil yoshing ettida bo'lsa, kelasi yil nechiga to'lasan?
— To'qqizga ustoz.
— Sakkizga to'lasan!
— Topa olmadingiz. Axir bugun meni tug'ilgan kunim!!!

Qish kunlarining birida erkak mast bo'lib kelib, uyini darvozasini taqillatibdi. Ayoli eshikni ochmasdan:
— Kim-u? Dadasi sizmisiz, - desa hech kim indamabdi.
Ayol qaytib uyga kirib ketibdi. Tong otgach ko'chaga chiqib qarasa, eri darvoza tagida tirishib uxlab yotganmish.
Shunda xotini erini turtib uyg'otib:
— Voy dadasi, qachon keldingiz, - desa, eri:
— Kechasi, - debdi.
Ayol:
— Nega "dadasi sizmisiz?" desam indamadingiz:
Er:
— Kallamni qimirlatdim-ku!? - dermish...

Ikki dugona turmush qurmaslikka qaror qilib birga yashasharkan. Zerikmaslik uchun bir mushuk ham boqisharkan. Fikrimiz buzilmasin deb mushukni hech qaerga chiqarishmas ekan. Mushuk har bahor ko'chaga chiqgisi kelib, bezovta bo'laverarkan.
Dugonalardan biri yaxshi yigit bilan tanishib turmushga chiqib, asal oyiga ketibdi.
Bir necha kundan keyin undan xat kelibdi: "Dugonajon, taqdiring o'z qo'lingda, ammo mushukni hoziroq qo'yib yubor!".

Yosh ota tez yordamga shoshilinch telefon qilib gapira boshladi:
— Doktor, qizim ko'k dorini ichib yubordi! Nima qilishni bilmayapman!
— Qizingiz hozir nima qilyapti? Yoningizdami?
— Ha? mana yonimda turibdi. Lablari ko'm-ko'k! Tishlari ham! Ko'karib turgan tilini chiqarib menga tirjayib turibdi... Ayting, nima qilay?
— Tez suratga oling!!!

Jinnilar baland joyga chiqib, konserva bankaga kalla tashlayotgan ekan. Bitta jinni ikkinchisiga:
— Bankani ozgina surib qo'y! Boshi yorilib o'lsin, - dermish.

Ayollar uydagi hamma ishlarni bajarishsa, qaynonalarga sezilmaydi.
Agar o'sha ishlarni bajarishmasa, darrov seziladi...

Bir ayol bozordan yangi to'ti sotib olib, uyga kelgach, qafasni yoniga boribdi-da:
— Xo'sh, rang-barang mahluq, gapirishni bilasanmi? - desa, to'tiqush birdan tilga kirib:
— O'zing-chi, alvasti! Ucha olasanmi? - dermish.

Yirik neft' ishlab chiqarish zavodi direktoriga savol berishdi:
— O'rtoq boshliq, siz haydovchilik guvohnomasi bo'lmagan odamni o'zingizga haydovchi qilib ishga olgan bo'larmidingiz?
Direktor:
— Yo'q albatta! Axir men o'z jonimni xavfga qo'ya olmayman-ku!
— Unda nega falsafa fakul'tetini bitirgan jiyaningizni o'zingizga o'rinbosar etib tayinladingiz?

Bir ovsar yo'lda ketayotib, hamyon topib olibdi. Ichini ochib qarasa tilla tangalar bilan birga kichkina ko'zgu ham turgan ekan. Ovsar ko'zguni olib, o'z aksini ko'rib qolibdi-yu, " Kechirasiz, bu hamyon siznikimidi!?" deb uni topib olgan joyiga qo'yib kelgan ekan.

<< < 274 275 276 277 278 279 280 > >>

Tavsiya qilamiz

Bosh sahifa