Latifalar

Yubiley - bu ko'p gullar va uyingda allaqachon bor bo'lgan buyumlardir!

Ikkita homilador ayol bekatda suhbatlashib o'tirishgan ekan:
— Siz nima kutyapsiz?
— Qiz. Siz-chi?
— O'g'il.
Yosh bolakay suhbatni eshitib turib, sal nariroqda o'tirgan cholni yoniga borib debdi:
— Amaki siz nima kutyapsiz?
Qariya:
— Avtobus, - degan ekan.

Xotin eriga debdi:
— Adasi, men homiladorga o'xshayman. Endi nima bo'ladi?
Eri:
— Nima bo'lardi!? O'g'il yoki qizimiz bo'ladi...

Yosh o'qituvchi maktab hovlisiga kirar ekan, to'da bo'lib yig'ilishib turgan yuqori sinf o'quvchi qizlariga kinoya qildi:
— Qanday farosatli qizlar-a...?! Dars o'tmaydigan o'qituvchilarga salom berishmaydi...

Kecha uyga ichib kelsam, bolalarim ham, xotinim ham meni tanishmadi.
Ertasi kuni uyg'onsam, boshqa xonadonga kirib qolgan ekanman.

Buvisi bo'yi etgan nabira qiziga debdi:
— Nabiraginam, tug'ilgan kuningga bir chiroyli duo qilib qo'yay...
Bo'yi etgan qiz shoshib buvisiga debdi:
— Buvijon, menga ajoyib yigit uchrashini duo qiling! U yigitsiz bir daqiqa ham yashay olmay...
Buvisi o'ylanib turib dermish:
— Yo'q, yaxshisi sen bilan yashay oladigan yigit uchrashini so'rab duo qilaman!

Xotini hammomdan qo'lida shampun' ushlaganicha hovliqib yugurib chiqibdi.
— Adasi, endi tushundim nega semirib ketayotganimni! Mana yozib qo'yibdi qarang! "Ingichka tolalarni ham baquvvatlashtiradi". Endi men idish yuvish geli bilan cho'milaman. Unda bunday yozilgan ekan: "Har qanday yog'larni parchalab, sizni butunlay tashvishdan ozod qiladi"...

Bir yigitni yuzlari tilingan, bir ahvol bo'lib kelayotsa, oldidan tanishi chiqib qolibdi:
— Voy... Bu nima ahvol!? Yuzingga nima qildi?
— Yaxshi ko'rgan qizimni deb urushib ketdim.
— Kim bilan? Qizning boshqa sevgan yigiti bor ekanmi?
— Yo'g'-e. Xotinim bilan...!

To'ydan bir oy o'tgach, kuyov onasiga debdi:
— Oyijon, rahmat sizga. Shu kelinni menga siz tanlab berganingiz uchun!
Onasi hayron bo'lib:
— Nega unaqa deyapsan o'g'lim? - desa, kuyov:
— Agar shu qizni o'zim topganimda bir umr o'zimni kechira olmagan bo'lar edim, - dermish.

— Dada "Mujik" nima degani?
— "Mujik" degani - o'zi ishlab, pul topib, oilasini boqadigan inson!
— Dada, katta bo'lsam men ham oyimga o'xshab mujik bo'laman!

<< < 273 274 275 276 277 278 279 > >>

Tavsiya qilamiz

Bosh sahifa