Latifalar

Bolaligimda:
"Ura-a-a, yaqinda yangi yil bayrami bo'ladi!!!"
Hozir:
"Uf-f-f yana yangi yil bayrami...!"

Ikkita jinni devorga mix qoqmoqchi bo'libdi.
Birinchi jinni mixni teskari ushlab olib, devorga qoqa boshlabdi. Hech kiravermabdi.
Shunda ikkinchi jinni:
— E, ahmoqmisan?! Bu mixni bu tarafdagi devorga qoqish kerak, - degan ekan.

Narkozdan chiqqan bemor ko'zini sekin ochar ekan, yuziga har xil bo'yoqlarni surtib olgan hamshirani ko'rib:
— Yo Olloh! Qaysi gunohim uchun meni do'zaxga jo'natding, - dermish.

Saroy folbinini shoh o'z huzuriga chaqirib debdi:
— Mening taqdirimni bilasanmi?
— Ha, bilaman, - debdi folbin.
Shohning jahli chiqib:
— Sen o'z taqdiringni bilib olgin avval, - deb uning boshini tanasidan judo qilibdi.
Ikkinchi folbin shoh huzuriga kelibdi.
— Mening taqdirimni bilasanmi? - so'rabdi shoh.
— Yo'q, men sizni qachon o'lishingizni bilaman.
— Qachon? - darg'azab bo'libdi shoh.
— Mening o'limimdan ikki kun o'tgandan keyin, - javob beribdi folbin.

O'qituvchi savol berdi:
— Qo'lsiz, oyoqsiz eshik ochar bu nima Axmat?
— Bu meni dadam!
— O'tir xazilkash bu nima deganing!?
— Ustoz to'g'ri-ku, dadam ichib kelgan kunlari qo'l oyoqlarini ishlatmay, boshi bilan eshikni surib kiradida uyga...

Praporshik vzvod askarlarini safga tortmoqda.
— Saflan! Tekislan! Rostlan!
— Safda turgan askarlardan biri qo'l siltabdi.
— Oddiy askar Ivanov! - qichqiribdi praporshik, - Nima uchun burningizni qashlayapsiz?
— Chunki burnimga pashsha qo'nib oldi.
— Nima qilibdi? Men «Rostlan» komandasini berdim-ku!
— Huddi shunday, o'rtoq praporshik. Biroq pashsha komandangizni pisand qilmay burnim ustida shahdam qadam tashlashni davom ettiraverdi-da.

Bir ayolga SMS xabar kelibdi. Ochib o'qisa: "Men siz yashaydigan uyni ro'parasida yashayman. Tanishsak bo'ladimi?"
Ayol javob yozibdi: "Meni uyim qabristonni ro'parasida. Sizdaka tanishlar menga umuman kerak emas!"

Bir jinni "Aldadim, aldadim" deb baqirib quvonib yurgan ekan. Undan bir yigit so'rabdi:
— Kimni aldading?
— Taksi haydovchisini!
— Nima deb aldading?
— Pulini to'lab, mashinasiga o'tirmay qochib ketdim, - degan ekan jinni.

Xotin eriga:
— Adasi, qachon gilam olib berasiz? - desa, eri:
— Haddingdan oshma, supurgingda uchib yuraver! - degan ekan.

Chukchaning budil'nikli soati buzilib qolibdi. Ustaxonaga olib kelib ko'rsatibdi. Usta ham chukcha ekan. U soatning ichini ochsa, suvarak o'lib yotganini ko'ribdi-da, soatni qaytadan yopibdi-da, egasiga uzatib debdi:
— Bu soat endi hech qachon yurmaydi.
— Nega? – so'rabdi egasi.
— Mexanigi qazo qilibdi, - debdi soatsoz.

<< < 278 279 280 281 282 283 284 > >>

Tavsiya qilamiz

Bosh sahifa