Latifalar

Bir kuni ikki desant samolyotdan sakramoqchi bo'lib tayyorlanib turishsa, biri ikkinchisiga debdi:
— Olma eb olmaymizmi bir!?
— Mayli, - debdi do'sti.
Ikkala desant olma eb bo'lgach, boyagisi yana so'rabdi:
— Xohlasang, yana bittadan olma eymiz...
— Mayli, ber! - debdi sherigi.
Olmani eb o'tirib, hayron bo'lib so'rabdi:
— O'zi bu olmalarni qaerdan olyapsan?
— Seni elkangdagi ryukzak shunaqa olmaga to'la ekan, - dermish sherigi...

Bolakaydan so'rashibdi:
— Senga yangi yilga nima sovg'a qilay?
Bola o'ylanib turib:
— Bilmiman, lekin ikkita bo'lsin!!!

Qo'shnim Hamdam boboning aytishicha, u Titanik kemasini o'z ko'zlari bilan ko'rgan ekan.
Boshidanoq hammani kema cho'kib ketishi haqida ogohlantiribdi. Hech kim e'tibor bermabdi. Ammo, bobo baribir kema cho'kib, yo'lovchilarning katta qismi halok bo'lishini qayta-qayta aytaveribdi. Axiyri odamlar bezor bo'lib, boboni kinoteatrdan haydab chiqarib yuborishibdi.

Qorbobo o'rmonda ketayotsa, oldidan qaroqchilar chiqib qolibdi.
— Senlarga nima sovg'a qilay? - debdi qorbobo jilmayib.
— Bizga qorqizni bering! Qorqiz, qorqiz, - deb qaroqchilar qorqizni olib qolishibdi.
Qorbobo jahli chiqib, o'ziga-o'zi dermish:
— Uchta qorqizimdan ayrildim. Endi yalmog'iz kampirni olvolaman...

Sher bilan buqa restoranda ichib o'tirgan ekan, buqani xotini telefon qilib qolibdi.
— Nimalar deyaverasan!? Ishing nima qaerda yurganim bilan!? - deb baqirib, telefonni o'chiribdi buqa.
Shu payt sherni telefoni jiringlabdi:
— Hozir, hozir etib boraman, - deb javob qaytaribdi sher.
Buqa kulib:
— Hayvonlar podshohi - sher bo'lsang! Xotiningdan ham shunchalik qo'rqasanmi?! - desa, sher javob beribdi:
— Ey buqa, seni uyda mol kutyapti. Meni esa sher kutyapti!

Hamma odamlar oq qog'ozdan qor parchalarini kesib o'tirgan vaqtda, ishxonamdagi yillik hisobot hujjatlari meni miyamni arralab o'tiribdi.

Sport do'konida.
— Parashyut bormi?
— Bor.
— Yaxshisidan bering.
— Mana buni oling. Kafolati bor. Sakragan vaqtingizda ochilmasa, olib kelavering, almashtirib beramiz...

O'qituvchi Boltavoydan so'rabdi:
— Katta bo'lsang kim bo'lasan?
Boltavoy javob beribdi:
— Ixtirochi bo'laman. Bir knopkani bossa, hamma ishni bajaradigan robot ixtiro qilaman.
— Yaxshi, sen nima ixtiro qilasan Teshavoy.
Teshavoy uyqusirab javob beribdi:
— Men o'sha knopkani bosadigan apparat ixtiro qilaman...

Tarix fani o'qituvchisi o'quvchidan:
— Falon yili Angliyani kim olgan? - deb so'rabdi.
O'quvchi:
— Ustoz, men olganim yo'q, - debdi.
Bundan asabiylashgan o'qituvchi:
— Dadangni olib kel, - debdi.
Bolani otasi kelibdi. O'qituvchi vaziyatni tushuntiribdi. Shunda otasi o'g'liga:
— Olgan bo'lsang, qaytarib ber, - debdi.
Jahli chiqqan ustoz maktab direktorini oldiga ota-bolani olib kiribdi.
Hamma gapni eshitgan direktor o'ylanib turib:
— O'zi qaysi biring olgansan? Joyiga qo'ymaysanlarmi!? - degan ekan.

Dorixonaga kirgan ayol sotuvchiga murojat qildi:
— Sizda soch o'stiradigan dori bormi? Iloji bo'lsa, ta'siri kuchlirog'idan...
Sotuvchi:
— Albatta, juda-yam kuchlisidan bor!
Xaridor:
— Bunga biror dalil ko'rsata olsizmi?
Sotuvchi kassa yonida turgan sermo'ylov erkakni ko'rsatib debdi:
— Anavi ayol hozirgina shu dorini xarid qildi. Dori qopqog'ini tishi bilan ochishga uringan edi...

<< < 279 280 281 282 283 284 285 > >>

Tavsiya qilamiz

Bosh sahifa