Latifalar

Bir chol ko'chada eshak minib kelayotsa, GAI inspektori hazillashmoqchi bo'lib, shartta to'xtatib debdi:
— Siz nega boyadan beri bu jonivorni tayoq bilan urib kelyapsiz?
— Yurmaganidan keyin uraman-da, - javob beribdi chol.
— Qani tez kechirim so'rang! - debdi GAI xodimi.
Shunda chol eshakka qarab:
— Seni GAIda tanishlaring borligini bilmas ekanman... - dermish.

Domla talabaga debdi:
— Agar xohlasang, men senga boy bo'lishni o'rgataman.
— Nega unda o'zingiz boy bo'lmaysiz?
— Menga o'rgatadigan ustoz yo'qda, - javob beribdi domla.

Qabrda ikki arvoh gaplashib qolibdi. Birinchisi ikkinchisiga debdi:
— Yur, shahar aylanamiz.
— Xo'p, yur, -debdi-da, qo'liga tayoq olibdi.
Birinchisi:
— Bu tayoqni nima qilasan, - desa.
— Yo'lda arvoh chiqib qoladi. Men arvohdan qo'rqaman. Tayoq bilan uramanda!

Qora laylaklar Qashqadaryoda ko'paytiriladi. buni yo'li oson. Yozda Qashqadaryoga uchib kelgan oq laylaklar qishda qora laylakka aylanib uchib ketishar ekan.

Bir qari chol baliq ovlab o'tirgan ekan, milisiya kelib debdi:
— Otaxon bu erda baliq tutish mumkin emas!
— Men baliq tutmayapman, chuvalchang cho'miltiryapman, - debdi chol.
— Axir chuvalchangni ta'qiqlangan joyda qip yalang'och cho'miltiryapsiz.

Jarroh operasiya tugagandan so'ng bemorga dedi:
— Kechirasiz, ichingizda qaychi qolib ketibdi. Sizni boshqattan operasiya qilmasak bo'lmaydi.
— Mayli do'xtir. Faqat operasiyadan keyin qornimga tugma qadab qo'ying! Yana biror narsa qolib ketsa, badanimni kesib o'tirmaysiz.

Qimmat restoranga kirgan xo'randa yoniga ofisiant kelib so'rabdi:
— Nima buyurtma berasiz?
Xo'randa ofisiant uzatgan menyuni sekin yopib:
— Siz menga nima tavsiya qilasiz? - desa, ofisiant past ovozda pichirlab:
— Fursat borida bu erdan qochib qolishni tavsiya qilaman, - degan ekan.

— Nega komp'yuterning bir nechta klavishasini birdaniga bossa ovoz chiqadi?
— Uxlab qolgan dasturchini uyg'otish uchun...

Ikkita xirurg uchrashib qolib, biri ikkinchisiga debdi:
— Nega siz bemorlarni chala davolab ruxsat beryapsiz?
— Ie, eshitmadingizmi? Ishim endi yarim stavka-ku!

— Oyijon, menga ikki ming bering.
— Hov anavi erda o'tirgan buviga bermoqchiman.
— Voy o'zimni aqilli bolajonim. Qani o'sha buvi?
— Hov ana, muzqaymoq sotyaptilar...

<< < 281 282 283 284 285 286 287 > >>

Tavsiya qilamiz

Bosh sahifa