Latifalar

Bir kishi qari donishmanddan:
— Ayollarni yaxshi yoki yomonligini qanday ajratsa bo'ladi? - deb so'rabdi.
— Ularni gapirishidan, - javob beribdi donishmand.
— Agar gapirmasa-chi?, - so'rabdi kishi.
Shunda donishmand:
— Shuncha yashab, bunday yaxshi ayolni uchratmadim, - deb javob beribdi.

Xotin eriga:
— Dadasi biz yaqinda bittaga ko'payamiz, - desa eri xursand bo'lib ketibdi.
— Rostanmi? Juda zo'r bo'pti-ku! O'g'il ekanmi yoki qizmi? – desa, xotini:
— Onam biznikiga ko'chib kelyaptilar, - dermish.

Bir kuni ikkita jinni qorni ochib o'ylanib o'tirishgan ekan, biri debdi:
— Qani endi bitta non bo'lsa, men bitta tishlardim, sen bitta tishlarding, men bitta tishlardim, - desa sherigi:
— Sen nega ikki martta tishlayapsan? - deb urishib ketibdi.

Yigit bilan qiz telefonda SMS orqali gaplashmoqda:
Yigit:
— Salom, baxshimisiz?
Qiz:
— Baxshimisiz???
Yigit:
— E, uzr! "Yaxshimisiz" demoqchi edim. Mana bu "Ayfon"ning klaviaturasidagi axmoq avtokorrektor shunday deb o'zgartirib yuboribdi...
Qiz:
— Ha... Nima bo'ldi ekan debman!? O'chirib qo'ya qoling o'sha avtokorrektorni.
Yigit:
— Mna, u4rib k6edem avt6krrektrri. Mnm4a wunaka gaplawse yaxshide, a nma ddiz?
Qiz:
— Yo'q, yaxshisi avtokorrektorni yoqib qo'ya qoling!

Yosh qizcha otasi bilan dars qilmoqda.
Otasi qizidan so'rabdi:
— Boshimizni tanamizdan nima ajratadi?
Qizi ikkilanmasdan:
— Bolta, ada! – deb javob beribdi.

Qamoqxonaga yangi mahbusni olib kelishibdi.
Boshqa mahbuslar undan:
— Seni nega qamashdi? – deb so'rashsa, yangi mahbus:
— Men qayoqdan bilib o'tiribman, Amerikada ham huddi men chiqarayotgan pullardan chiqarayotganligini??? – degan ekan.

Ikkita qozoq Rossiyada taksiga o'tirib bir-biriga debdi:
— Taksistning rojase strashniy eken.
Shu payt haydovchi o'girilib:
— Vam chto, moyo liso ne nravitsya? – debdi.
Qozoqlar hayron bo'lib:
— V chto kazaxsiy yazk znaete? –dermish.

Quyon shapka kiyib o'tsa, bo'ri "Nega shapka kiyib olding?" - deb shapaloq urar ekan. Shapkasiz o'tsa, "Shapkang qani?" deb shapaloq urar ekan.
Quyon sherga arz qilgandan so'ng, sher bo'rini chaqirib, aql o'rgatibdi:
— Sen quyonga "Sigaret olib kel", - degin. “Gugurt qo'shib kelmadingmi?” deb urish. Gugurt qo'shib kelsa, "Sendan gugurt so'radim-mi?" deb urgin, - debdi.
Buni quyon eshitib turgan ekan.
Bo'ri quyonni sigaretga jo'natibdi. Quyon gugurt ham olibdi-da, yashirib olibdi.
— Mana sigaret, - debdi.
Bo'ri:
— Gugurti qani? - desa, quyon:
— Mana gugurt, - debdi. Shunda bo'ri o'ylanib turib “Shapkang qani?” deb bir shapaloq qo'yib yuborgan ekan.

Chol kampiriga ovqat qilishini tayinlab, o'zi hovlida yong'oq chaqib o'tirsa, bir yong'oq puch chiqib qolibdi. Puch yong'oqni olib, "Hozir kampirimni oldiga borib, mana bu yong'oq seni miyangga o'xshab puch ekan deb boplayman", deb kampirini oldiga kiribdi.
Kampiri so'ligan sholg'omni qiynalib archayotganini ko'rgan chol jimgina ortiga qaytgan ekan...

Bir abiturient imtihon paytida yonida abiturientga debdi:
— Sening isming nima?
— Sardor. Seniki-chi?
— Meni ismim ham Sardor. Yana meni hujjatlarim bilan o'rnimga imtihonga kirgan bo'lmagin...!

<< < 312 313 314 315 316 317 318 > >>

Tavsiya qilamiz

Bosh sahifa