Latifalar

Bir kishi yo'ldan o'tib ketayotsa, afandi mushugini yuvintirib turgan emish. Shunda yo'lovchi afandiga:
— Mushugingizni yuvmang, o'lib qoladi, - desa afandi:
— Seni nima ishing bor, - deb javob qilibdi.
Biroz vaqt o'tib haligi yo'lovchi qaytib o'tayotsa, afandining mushugi o'lib qolib. Afandi tepasida yig'lab turganmish.
Shunda yo'lovchi afandiga:
— Men sizga aytgandimku, mushugingizni yuvmang, o'lib qoladi deb. Gapimga kirmadingiz. Mana ahvoli! - desa. Afandi yo'lovchiga qarab:
— Mushugimni yuvganda o'lgani yo'q. Tezroq qurisin deb yaxshilab suvini siqgandim, o'lib qoldi, - dermish.

Statistik ma'lumotlarga ko'ra, bitta yigitga 8 ta qiz to'g'ri keladi. Menda qiz yo'q! Demak, qaysidir ablah 16 ta qiz bilan yuribdi…

Eri baliq oviga ketayotib, xotiniga:
— Men ertaga qaytaman, - debdi.
Aksiga olib, o'sha kuni yomg'ir yog'ib qolibdi. Telefonini olib qarasa quvvati tugab qolibdi. Do'stini telefonidan xotiniga qo'ng'iroq qilsa, xotini go'shakni ko'tarib:
— Allo, men ketyapman! – debdi eri.
Xotini shoshib-pishib:
— Kelavering! Ahmoq erim shu yomg'irda baliq oviga ketdi, - dermish.

Lotin alifbosida o'qishni bilmaydigan bir yigit do'konga kelib so'rabdi:
— Anavi Sosa sola qancha turadi?
Sotuvchi:
— U Sosa sola emas, Koka kola, - deb jahl bilan gapirsa, yigit:
— Uzr, bilmabman. Yonida turgan G'anta qancha? – dermish.

Bir xaridor nuqul 200 gramm go'sht sotib olaverar ekan. Kunlar, oylar o'tib, bir kuni o'sha do'kondan 2 kg. go'sht sotib olibdi. Shunda sotuvchi “Nima bo'ldi? To'y qilyapsizlarmi?” degan ekan.

— Bobo, siz ham yosh bola bo'ganmisiz?
— Ha.
— Bolalar sizni soqolingizi ko'rib, rosa kulishgandir-a?!

Rossiyada ko'prik qurish uchun Germaniya, Xitoy va O'zbekistonlik quruvchilarni chaqirishibdi.
Birinchi bo'lib Germaniyalik quruvchilardan so'rashibdi:
— Falon kilometrlik ko'prikni qanchadan qurib bitkazasizlar?
Nemislar javob beribdi:
—Zamonaviy texnika va malakali ishchilarimiz bilan sifatli ko'prikni bir yilda qurib beramiz, - deyishibdi.
Keyin Xitoyliklarga shu savolni berishibdi. Ular bunday ko'prikni olti oyda bitirishlarini aytishibdi.
Oxiri O'zbekistonlik quruvchilarga shu savolni berishsa, ular shunday javob berishibdi:
— Eng yaqin bayraminglar qachon? O'sha bayramga bitirib topshirvaramiz!

O'zbekiston - Suriya o'yinidan so'ng championat.asia saytidan eng qiziqarli izohlar to'plami:

1. “Cho'pon” o'zgardi! Lekin qo'ylar o'sha-o'sha!
2. Kuperni kimdir aldab, “Shu o'yinchilar - eng zo'rlari! deyishgan shekilli!?
3. Yangi avtobus, yangi forma, yangi murabbiy va eski o'yin!
4. Kuper tarjimonidan “Eng tez qaysi transportda O'zbekistondan chiqib ketsam bo'ladi?” deb so'radi...
5. Argentinalik mutaxassis qo'l ostida futbolchilarimiz o'zgarib ketgan bo'lsa, tanimay qolsak-a, deb havotirlanayotgan edik. Yo'q, hayriyat hammasi o'sha-o'sha, o'zimiznikilar. Darrov tanidik!
6. Matbuot anjumani: Kuper tarjimonidan yana bir bor so'radi “Kim menga tez borib, birinchi reysga chipta olib kelib bera olarkin?!”
7. Ey birodarlar, axir Kuper aytdi-ku, “Ertaga mo'jiza kutmanglar” deb! Futbolchilarimizga farqi yo'q, ularga kim murabbiylik qilishini...
8. Futbolchilarimiz Kuperni ko'rishdi. “Bir kichkina, oqsoch boboycha ekan” deyishdi.

Bir toshbaqa barga kirib, bir stakan suv olib ketar ekan.
Bir kun, ikkinchi kun, uchinchi kun...
Oxiri barda o'tirgan bo'ri so'rabdi:
— Hoy toshbaqa, nega uch kundan beri suv tashiysan? – desa, toshbaqa unga:
— Uch kun bo'ldi, uyimda yong'inni o'chira olmayapman, - degan ekan.

— Doktor bolam, qulog'im mutlaqo eshitmay qoldi-ya...
— Unda xursand bo'ling otaxon! Dunyoning tashvishlaridan qutulibsiz.

<< < 315 316 317 318 319 320 321 > >>

Tavsiya qilamiz

Bosh sahifa