Latifalar

Qari otaxon yoshlarni nikoh to'yiga restoranga boribdi.
Stol ustidagi noz-ne'matlarga qarab o'tirsa, ofisiant bola kelib, likopdagi fransuz salatini aralashtirib tashlabdi. Otaxon xafa bo'lib ofisiantga:
— Eh bolam-a! Tuppa-tuzuk turgan ovqatni kavlab nima qilarding?! – degan ekan.

Bemor vrachga kelib debdi:
— Doktor menga yordam bering. Fikru hayolim faqat telegramda, kunduzi ham, kechasi ham gruppadaman! Nima qilay, maslahat bering...
Vrach:
— Bu jiddiy kasallik. Yuring, siz bilan lichkada gaplashamiz.

Bir kuni Messi bilan Ronal'do gaplashib qolishibdi.
Messi:
— Meni bir nechta kuboklarim bor, - debdi.
Ronal'do esa:
— Menda esa, O'zbekistondagi “Ummon” guruhini dastxati bor, - degan ekan.

Qishloq ko'chasidan qushdek uchib borayotgan "Neksiya" darvoza yonidagi supada o'tirgan Afandining ro'parasiga borib to'xtadi. Mashinadan olifta kiyingan bir yigit tushdi-da, Afandiga salom berib, uni bag'riga bosdi.
— Dada, - dedi yigit uni tanimay turgan Afandiga, - nima, meni tanimayapsizmi?
— Yo'q, taniyolmay turibman, - dedi Afandi yigitga boshdan-oyoq tikilib.
— Axir men, siz bundan 10 yil oldin shaharga nos olib kelish uchun yuborgan o'g'lingizman! O'shanda shaharda qolib ketib, ishga kirdim. Uyli-joyli bo'ldim, mashina sotib oldim, boyib ketdim! Durust qilibmanmi, dada? – debdi yigit quvonib.
Afandi hecham xursand bo'lmay:
— Xo'sh, nos qani? – dermish.

— Menga qarang! Nega siz kitob o'qimayapsiz?
— Vaqtim yo'q! Men kitob yozishim kerak...

O'zbekistonda juda-yam zo'r futbol jamoasini tuzish uchun, o'zimizning eng yaxshi uyinchilarimizdan 3 tasini olamiz. Uchchalasini ham zahiraga o'tkazib qo'yib, braziliyalik 11ta futbolchini sotib olib, yurtimiz nomidan maydonga tushiramiz.

Tez yordam mashinasi katta yo'lda bir itni urib yuboribdi.
It o'lib yotsa, atrofiga odamlar to'planib ketishibdi. GAI xodimi nima qilishini bilmay, tez yordam mashinasidagi vrachga:
— Siz ayting. Odamlar tarqalishsin! – desa, vrach:
— Bu erda faqat marhumning yaqinlari qolsin. Qolganlar ketaversin, - degan ekan.

Qaniydi, imtihonda test savollari seriallardan tuzilgan bo'lsa…
Akang qarag'ay hozir grantda o'qiyotgan bo'lardi!

Yo'l patrul' xizmati xodimi taksi mashinasini to'xtatib, haydovchiga:
— Siz lisenziyasiz yo'lovchilarni tashiganingiz uchun jarima yozaman, - desa, haydovchi:
— O'rtoq komandir, bugun hali bitta ham mijoz olganim yo'q! Bir tiyin pulim ham yo'q!
— Shunaqa deng?! Mayli unda boring! Tezroq odam olib, pul topib keling!

Bir qari kampir shifokor huzuriga borib:
— Bolam, yuragim og'riyapti, - debti. Shunda doktor:
— Ko'pqavatli uyda turasizmi buvijon? – desa, kampir:
— Ha, 3 qavatda turaman, - deb javob beribdi.
Doktor:
— Sizga umuman zinadan foydalanish mumkin emas. Manavi dorini 2 oy ichasiz. Dori tugagach keling, tekshiramiz, - debdi.
Onaxon 2 oydan so'ng kelib, yuragini tekshirtiribdi.
Doktor xayron qolib:
—Onajon, sizni yuragigingiz 18 yoshli qizlarni yuragidek uryapti. Siz butunlay sog'siz! - debdi.
Kampir xursand bo'lib:
— Endi uyimga zinadan chiqsam bo'ladimi? – desa, doktor:
— Shu paytgacha nimada chiqayotgandingiz? –debdi.
Onaxon:
— Ikki oydan beri oyna, tarnovlarga ilashib chiqayotgandim, - dermish.

<< < 314 315 316 317 318 319 320 > >>

Tavsiya qilamiz

Bosh sahifa