Latifalar

Seni haqiqiy hayoting – bu telefoningni quvvati tugab, o'chgan paytdagi hayotdir.

Er-xotin do'kon aylanib yursa, xotini erini yoniga chaqirib:
— Manavi ko'ylakni qarang, chiroyli ekan-a? – debdi:
Eri:
— Ha, chiroyli ekan. Nega ko'ylakka telefon raqamini yopishtirib qo'yishgan? – deb so'rabdi.
Xotini:
— Bu telefon raqami emas, ko'ylakni narxi... – dermish.

Bir kuni tish pastasi bilan sovun hasratlashib qolishibdi:
— Meni odamlar og'zilariga solib, tishlariga ishqalashadi... – debdi tish pastasi.
— Shukur qil, noshukur! – dermish sovun.

Ikki dugona uchrashib qolibdi:
— Qalaysan? Labingga nima qildi?
— Ari chaqdi.
— Ari chaqqanga o'xshamaydi-ku?!
— Oyim arini tayoq bilan urgandilar...

Kino shinavandalarining suhbatidan:
— O'zbek kinolari haqida bilmaganlar nima deydi?
— O'zbek kinolarini bilmaganlar, o'zbeklarda qaynonalari yovuz, bemehr va “zahar” bo'lar ekan. Kelinlari oilada xizmatkor ekan, kuyovlar onasini “chizgan chizig'idan chiqmaydigan”, qaynotalarning esa oilada umuman o'rni yo'q ekan deydi.
— Bilganlar-chi, bilganlar?
— Bilganlar «Ol boshqa kanalga...» deydi.

Yigitlarning qizlarga aytadigan mashhur bahonalari:
1. Keyin o'zim telefon qilaman (Sen bilan gaplashgim yo'q!);
2. Uydagilar qo'ng'iroq qilishvatti (Kecha tanishgan qiz 2-liniyaga tushvatti);
3. Albatta uylanaman! (Sendan qachon qutulaman!?);
4. Ovozing yaxshi eshitilmayapti (Qachon gaping tugaydi?!)
5. Keyingi hafta armiyaga ketaman (Alvido!)

Ikki mast odam taksi to'xtatib:
— Chilonzorga! – deb mashinaga o'tiribdi.
Haydovchi “Bir bularni ta'zirini beray!” deb 2-3 martta gazni bosibdi-da:
— Etib keldik! – debdi.
Mast kishilar mashinadan tushib:
— Sekinroq haydasang bo'lmaydimi!? Biz senga kartoshka emasmiz! – deyishibdi.

Bir qizaloq ko'zguning oldida ko'zini yumib turganmish.
Onasi kelib:
— Nima qilib turibsan? – desa, qizi:
— Qanday uxlashimni tomosha qilyapman, - debdi.

Ikki do'st suhbatlashmoqda:
— 31 dekabr kuni kechqurun nima qilmoqchisan?
— Bilmadim. Lekin 1 yanvar' kuni tongda nima qilishimni aniq bilaman!
— Nima qilasan?
— Ovqat hazm qiladigan, bosh og'rig'ini qoldiradigan va ko'ngil aynashni ketkazadigan dori xarid qilish uchun dorixonaga boraman.

Demak, bunday! Yangi 2020 yilda:
Dehqonlarga - er maydonlari,
Xizmatchilarga - fabrika, zavodlar,
Turmushga chiqmaganlarga - sovchilar,
Ishsizlarga - kira uchun Matiz,
Norozilarga - bir shapaloqdan!!! Bor sovg'am shu...

<< < 331 332 333 334 335 336 337 > >>

Tavsiya qilamiz

Bosh sahifa