Latifalar

Chet elda qattiq shamol tufayli yuz minglab odamlar elektr tokisiz qolsa jar solishadi.
Lekin ayrim hududlarda hech bir sababsiz, minglab odamlar elektr tokisiz qolsa hech kimni ishi yo'q.

To'ydan keyin yigit qizga:
— Siz mendan avval ham boshqa yigitlar bilan yurganmisiz? - desa qiz jim bo'lib qolibdi. Yigit ichida “Xafa qilib qo'ydim, ko'ngliga ozor berdim”, deb o'ylab:
— Qo'ying, jonim. Meni kechiring, - desa, qiz:
— Jim turing ... 76, 77, 78, ...

Ayrim ma'lumotlarga qaraganda, futboldagi simulyasiya ilk bor – bollivudda, ya'ni Hindistonda paydo bo'lgan.

Qiz yigitiga debdi:
— Jonim, biz qachondir turmush quramiz-a?
Yigit:
— Nima, biz aqldan ozganmizmi?!

Doktor yoniga kelgan yigit debdi:
— Necha oydan beri muolaja qilasiz. Haligacha betobman.
Doktor:
— Siz mutlaqo sog'lomsiz. Faqat miyangizga “Men sog'lomman, men sog'lomman” degan fikrni singdirishingiz kerak! Shunda hammasi joyida bo'ladi, – debdi.
Yigit doktor xonasidan chiqib ketayotgan ekan, doktor:
— Muolaja pullarini to'lamadingiz-ku axir!? – desa, yigit:
— “Men pul oldim, muolaja pulini oldim!” degan fikrni miyangizga singdiring. Shunda hammasi joyida bo'ladi, - degan ekan.

Shunchaki o'rnimga yotsam – uxlab qolaman.
Kitob o'qish uchun yotsam - uxlab qolaman.
Biroz televizor ko'ray, deb yotsam – uxlab qolaman.
Uxlash uchun yotsam, uxlab bo'pman!!!

Afandi 70 yoshda ekan. O'g'liga maqtana ketibdi:
— Men 30 yoshimda qanday kuchga ega bo'lsam, hozir ham huddi shunday kuchim bor.
— O'g'li hayroon bo'lib:
— Qanaqasiga ota? – debdi.
— Mana masalan, 30 yoshimda hovlidagi anavi to'nkani ko'tara olmas edim. Hozir ham ko'tara olmayman...

Bir yigit do'stidan:
— Nega kechasi uxlamaysan? Biror muammoing bormi?
— Ha, muammoim bor! Tungi smenam!

Ikki kampir poezdda ketayotib gaplashib qolishibdi:
— Siz qaerga ketyapsiz, o'rgilay?
— Namanganga. Siz-chi?
— Andijonga.
— Zamonimdan o'rgilay! Bitta poezdda ikkita joyga borsa-yam bo'ladi-ya...

Er:
— Xotin, bugun nima ovqat qilding? – deb so'rasa, xotini:
— Qo'y go'shtli tovuq sho'rva, - degan ekan.

<< < 328 329 330 331 332 333 334 > >>

Tavsiya qilamiz

Bosh sahifa