Latifalar

Uy ostonasida bolakayning ovozi eshitilibdi:
— Oyi, Oyi, O-yi-joon!
— Nega baqirasan? Mehmonxonadaman, yonimga kirib gapirsang-chi!
Bola onasini yoniga kirib borib debdi:
— Ko'chada o'ynayotib, loyga tushib ketdim. Hamma yog'im rasvo. Etigimni echib, yuvib qo'ying...

Ikkita turli millatdagi zoolog olimlar gaplashib qolibdi:
— Biz laqqa baliqni sigir bilan chatishtirdik. Zo'r natija berdi. Endi sigirlarimiz ham sut, ham yog' berishmoqda.
— Biz esa chumolilarni tarvuz bilan chatishtirdik. Endi tarvuzni so'ysak, danaklarini o'zi tashqariga o'rmalab chiqib ketishmoqda.

Ko'chada ketayotgan qizga kelishgan bir yigit “gap otibdi”:
— Yaxshi qiz, dam olish kunlari bo'shmisiz?
Qiz nozlanib:
— Ha, - debdi.
Yigit bo'lsa:
— Go'zallik saloniga borib tursangiz bo'lmaydimi?! – degan ekan.

Bog'chada ikkita bolakay o'yinchoq mashinani olib tortishmoqda:
— Bu meni mashinam. Uni men haydayman!
— Yo'q, meni mashinam. Men haydayman!
Tarbiyachi ularni tinchlantirib debdi:
— Bo'ldi urishmanglar. Mana, Sardorni qaranglar, mashinani talashmayapti...
Sardor bo'lsa:
— Kaliti menda-ku, o'zim haydayman-da baribir... – dermish.

Bir qiz sevgan yigitiga debdi:
— Agar men olamdan o'tsam, nima qilasiz?
Yigit:
— Qiziqsan-a? Qachon ko'rgansan, jodugarni o'lganini?!

Qurilishga er so'rab kelgan tadbirkor rahbarning ish stolida turgan ikkita yozuvga ko'zi tushibdi:
“Chekish man etiladi” va “Pora olmayman”.
Tadbirkor sekin gap boshlabdi:
— Menga er kerak. Tezroq qurilish boshlamoqchi edim. Bunga katta miqdorda pul ham yig'ib qo'yganman... Ammo, avval sizning ruxsatingiz kerak ekan...?
Bu gapni eshitgan rahbar “Chekish man etiladi” degan yozuvni sekin stolni tagiga olib qo'yibdi-da:
— Keling, avval chekib olsak-a? – degan ekan.

Kambag'alchilik qurib ketsin, qachongacha tomi yo'q mashina-yu, tugmachasiz telefon ishlataman?!

Ikkita yosh qiz kafega kirib ofisiantga deyishibdi:
— Bizga ichishga 2 ta kafe olib keling.
Ofisiant:
— Sizlarga kofe olib kelishim mumkin, lekin kafeni olib kela olmayman.
— Yo'q! Bizlarga kafe olib keling!
— Yaxshi qiz sizlarga kafeni berib yuborsam, keyin men qaerda ishlayman? – degan ekan ofisiant.

GAI xodimining og'ir oyoq rafiqasi turmush o'rtog'i bilan xizmat mashinasida ketayotib, xotinining ko'zi yoriydigan bo'lib qolibdi. Tug'ilayotgan farzandlari egizak ekan. Xasan tug'ilib, dadasiga ko'zi tushibdi-yu, shunday deb qichqiribdi:
— Husan, chiqmay tur! Gaiga tushib qoldik!

— Doktor, men gripp bo'lib qoldim. Qanday maslahat berasiz?
— Mendan nariroq turing!

<< < 334 335 336 337 338 339 340 > >>

Tavsiya qilamiz

Bosh sahifa