Latifalar

— Adasi, yana ovqat eysizmi?
— Ha, albatta. Axir shuncha mehnatim ketgan.
— Qanaqa mehnat? Ovqatni men tayyorladim-ku?!
— Men xotin tanlashga deyapman.

Bir rassom odam har kuni erta-yu, kech rasm chizishdan boshini ko'tarmas emish. Sabri tugagan xotini rassomga debdi:
— Bo'ldi, rasm chizishni yig'ishtiring, yoting! - deb urishib beribdi. Eri ishini to'xtatib, xotining yoniga borib yotibdi. Shunda bir oz vaqt yotgandan keyin,
— Maylimi xotin? – debdi eri. Xotini ham xursand bo'lib ketib “Mayli”, - debdi. Shunda eri shartta o'rnidan turib, yana rasm chizishni boshlab yuborgan ekan.

Ob-havo ma'lumotlari:
“Tumanimiz hokimining xotiniga atab Dubayda tikilayotgan mo'ynali shubani bitkazilishi kechiktirilayotgani sababli, tumanimizga qor fevral oyidan boshlab yog'adi”.

Konsert paytida ayol erini turtib debdi:
— Shoqosim aka qarang, anavi kishi konsert paytida uxlab o'tiribdi-ya...
Eri:
— Shuni deb meni uyg'otdingmi?!

Shifokor bemorga:
— O'zingizni qo'lga oling, hozir sal boshingiz aylanib, ko'zingizni oldi qorong'ulashadi... Xizmat haqi uchun 300 ming so'm to'lang!

— Ofisiant, nega tovuq sho'rvani ichida tovuqni ko'rmayapman? Nima balo, qaynayverib yo'q bo'lib ketdimi?
— Nega yo'q bo'lib ketar ekan!? Tez chayinib, chiqib ketdi...

Bir kuni shayton bolalarini aylantirib yurgan ekan, yosh shaytoncha onasidan so'rabdi:
— Oyijon, anavi o't eb yurgan narsa nima?
— Bu sigir. U odamlarga sut, go'sht beradi, - debdi onasi.
Yana biroz yurgach, shaytoncha onasiga debdi:
— Anavi nima?
— U tovuq. U odamlarga tuxum beradi. Go'shtiham eyiladi, - debdi shayton.
Uzoqda yurib ketayotgan odamlarni ko'rib qolgan shayton bolasi:
— Anavi-chi? – debdi.
Ona shayton:
— Tez ketdik bu erdan! Hozir bu odamzoti bir baloni boshlaydi-da, “Hammasi shaytonni ishi”, “Meni shayton yo'ldan urdi” deb hamma aybni bizga ag'daradi, - dermish.

Imtihon topshirayotgan boyvachcha talaba daftar orasiga 5000 so'm qo'yib: “Har bir ball uchun 1000 so'mdan” deb yozib qo'yibdi.
Imtihondan so'ng daftarni ochib ko'rgan talaba ichidan 3000 so'm pul va “Qaytimingiz” degan yozuvni ko'ribdi.

Otasi uni doktorga olib boribdi. Doktor bolaga savol bera boshlabdi:
— Isming nima?
— …urod
Otasi:
— Ismi Murod. Bosh harfini gapirolmayapti, - debdi.
Doktor:
— Bolakay, adang nima ish qiladi? – desa,
otasi shosha-pisha:
— Shu savolingizga o'zim javob beraqolay, zamdekanman, - dermush.

Ikki homilador qo'shni ayol suhbatlashyapti.
— Siz nima kutyapsiz?
— O'g'il. O'g'il bola yaxshi-da! Erta kunda dadasini yoniga kirar ekan. Siz nima kutyapsiz?
— Men qiz kutyapman. Qiz yaxshi ekan. Erta kunda menga tayyor yordamchi!
Bularni suhbatini 5 yoshli qizaloq eshitib turgan ekan. Ko'chaga chiqsa bekatda qorni katta amaki o'tirgan emish. Qizcha so'rabdi:
— Amaki, siz nima kutyapsiz, - desa, amaki:
— Avtobus, - debdi. Qizcha hayron bo'lib:
— Voy!!! - dermish.

<< < 335 336 337 338 339 340 341 > >>

Tavsiya qilamiz

Bosh sahifa