Latifalar

Vrach kasalxonaga amaliyot o'tash uchun kelgan qizga debdi:
— Meni ishim chiqib qoldi. Manavi navbatda turgan kasallardan qon olib tur! Hozir kelaman. – debdi.
Amaliyotchi qiz:
— Qanchadan qon olay, - desa, shoshib turgan vrach:
— Uchdan olasan-da! – debdi-da, chiqib ketibdi.
Bir payt vrach qaytib kelsa, kasalxona yo'lagida 4 ta bemor hushsiz yotganmiz. Amaliyotchi qizga:
— Bularga nima bo'ldi? – desa, qiz:
— Shuncha harakat qilsam ham uch litr qon chiqmadi... – dermish.

— Telefoning bormi?
— Bor!
— Puli bormi?
— Yo'q, endi pul topishni o'rganyapti.

Bir o'g'ri non do'koniga o'g'rilikka tushganda, qo'lga olinibdi.
Qamoqda rossa xursand bo'lib o'tirsa, yonidagilar so'rabdi:
— Nega buncha xursandsan?
O'g'ri javob beribdi:
— Endi menga o'zlari non berib boqishadi.

Bir erkakning do'stiga aytib bergan voqeasi:
— Bilasanmi do'stim, yoshi kattalarning maslahatiga kirib bir ish qilgandim.
— Nima ish ekan u?
— Xotinimning baqir-chaqiri, gap-so'zlarini bu qulog'im bilan eshitib, unisidan chiqarib yuborishni o'rganib olgan edim.
— Xo'sh qalay? Foydasi bo'ldimi? Qulog'ing ancha tinchigandir-a?!
— Nimasini aytasan!? Xotinimni baqir-chaqiriga e'tibor bermay yuraveribman... U bo'lsa, hammom eshigini ocha olmay, ichkarida ancha kun qulflanib qolib ketibdi.

Chaqalog'i bilan o'ynab o'tirgan ayol:
— Senga mazza-da... Ovqatlanasan, uxlaysan, xojatdan keyin yana ovqatlanasan, ... uxlaysan... – deb bolasiga gapirayotsa, qo'shni xonada televizor ko'rib yotgan eri:
— Haqqim bor! Bugun yakshanba - dam olish kunim! – dermish.

Erdan xotiniga SMS:
— Xotin, ishxonada oyog'imga temir tushib ketdi. Maftuna shifoxonaga olib keldi. Endi oyog'imni kesishar ekan...
Xotindan SMS:
— Maftuna kim?!

O'rmonda maymun yugurib ketayotib baqirarmish “Narxlar yana oshibdi, narx-navo ko'tarilibdi...”. Oldidan bo'ri chiqib so'rabdi:
— Nega baqiryapsan?
— Narxlar oshibdi, eshitdingizmi? – debdi maymun.
— Nima bo'pti? Menga nima?! Avval go'sht eb yurganman, bundan keyin ham eyaveraman! – debdi bo'ri beparvo.
Maymun yana yo'lida yugurishda davom etibdi, “Narxlar oshib ketibdi...!”
Uni oldidan tulki chiqibdi.
— Nima deyapsan?
— Hamma narsa oshib ketibdi...
Tulki ham parvo qilmay:
— Menga umuman farqi yo'q! Avval mo'yna kiyib yurganman, bundan keyin ham mo'ynada yuraman! – deb javob beribdi.
Shunda maymun o'ylab turib:
— Rostan ham, menga-yam farqi yo'q-ku! Avval qanday yalong'och yurgan bo'lsam, bundan keyin ham shunday yuraveraman, - dermish.

O'qituvchi so'rabdi:
— Bolalar, maktabimizga tekshiruv kelgan. Hozir ular bizni sinfga kirganlarida nima deymiz?
— Assalomu alaykum deymiz.
— Chiqib ketayotganida-chi?
— Hayriyat-ey deymiz! – deyishibdi.

Bir badavlat erkak mashinasida ketayotsa, yo'l chetidagi chimni eyayotgan daydi odamni ko'rib qolibdi. Mashinasidan tushib unga:
— Hoy nima qilyapsan? Nega o't eyapsan? – deb so'rasa, daydi:
— Nima qilay? Qornim och... Hech bo'lmasa shu chimni “g'ajib turay” – debdi.
Boy mashinasini eshigini ochib:
— Chiq! Bugun men sahiyman! Ketdik, bir joyga olib boraman, - debdi.
Kambag'al daydi mashinaga chiqib, o'zida yo'q xursand bo'lib:
— Hamma odamlar boylarni ziqna, bahil deyishadi. Aslida unaqa emas ekan-ku! – desa, boyvachcha:
— Bugun men juda sahiyman. Hozir seni dalahovlimga olib boraman. U erdagi chimni o'rishga anchadan beri vaqtim bo'lmayotgan edi. Istaganingcha eyaver! – degan ekan.

Xotin eriga qo'ng'iroq qilib debdi:
— Adasi, sizga ikkita yangiligim bor. Birinchisi yaxshi, ikkinchisi yomon.
G'azablangan er:
— Yomonidan boshla!
— Yomoni shuki, kaptivani urib oldim.
— Yaxshisi-chi?
— Boshqa bunday qilmayman...

<< < 338 339 340 341 342 343 344 > >>

Tavsiya qilamiz

Bosh sahifa