Latifalar

Bir kuni pomidor bilan bodring cho'milayotgan ekan. Yoniga karam kelsa,
— Kel, cho'milamiz! – deyishibdi.
Shunda karam:
— Hozir echinib olay, - deb echinib-echinib yo'q bo'lib ketgan ekan.

Mehmonxonada dam olayotgan kishi navbatchiga qo'ng'iroq qilibdi:
— Men xotinim bilan xonada urishib qoldik. U o'zini derazadan pastga tashlamoqchi...
Navbatchi:
— Bu mutlaqo shaxsiy masala! Bizga umuman aloqasi yo'q!
— Ming la'nat, aloqasi yo'q emish. Nimaga xonani derazalari ochilmayapti axir!?

— Moliyaviy mutaxassislar hayot tarzimiz kun sayin yaxshilanib borayotganini aytishmoqda.
— Lekin xalq unday demayapti-ku!
— Chunki xalq mutaxassis emas-da!

Ikkita pashsha poyga o'ynabdi.
Birinchi pashsha g'olib chiqibdi. Ikkinchi pashsha mag'lubiyati tan olmasdan bahona qilarmish:
— Hisobmas! Boshidan boshlaymiz!
— Nega? – debdi birinchi pashsha.
Shunda narigi pashsha:
— Agar uchib ketayotganimda, ko'zimga chivin kirib ketmaganida men yutardim, - debdi.

Boy amaldorning o'g'li mashinasida 2 kishini urib yuboribdi. Biri mashinaning old oynasiga urilibdi. Ikkinchisi esa yo'l chetidagi ariq ichiga tushib ketibdi.
Sud ishi ko'rib chiqilib, hukm o'qilayotganmish:
“Birinchi piyoda mashinaning old oynasini sindirgani uchun 2 yilga, ikkinchi piyoda voqea joyidan yashiringani uchun 3 yilga ozodlikdan mahrum etilsin!”

Telegram abonentining qasamyodi:
“Men Telegram safiga kirar ekanman, so'nggi zaryadim tugaguncha, oxirgi megabaytimni ham sarflab onlayn bo'lishga, Spam bo'lsam ham ''Deleted account '' qilmaslikka va'da beraman. Agar amal qilmasam ''Sonnecting ''ga mubtalo bo'lay!”

Bir ayol dugonasiga hasrat qilibdi.
— Voy, dugonajon! Men yaqinda suvarakka aylanib qolsam kerak...
— Nega?
— Erimga “Ozaman” deb so'z bergandim. Endi faqat kechalari qorong'u oshxonaga chiqib, berkinib ovqatlanyapman. Kimdir chiroqni yoqsa, o'zimni qayoqqa qo'yishni bilmay shoshib har tomonga yugurib qolaman.

Er ertalab uyqudan uyg'onib, "Xotin!", - deb chaqirsa, xotini yugurib kirib:
— Turdingizmi azizim? – desa, eri jilmayib:
— Ha, turdim baliqcham! Nonushtani tayyorlang! - debdi.
Xotini ham jilmayib:
— Ho'p bo'ldi ayiq polvonim, - deb chiqib ketayotsa, eri o'ziga-o'zi pichirlab: "Nima balo u ham meni ismimni esidan chiqarib qo'ydimikin”, - dermish.

Taksiga o'tirgan ayol haydovchining qoidabuzarliklari, mashinani qaltis haydashini ko'rib, tanbeh beribdi:
— Iltimos, ehtiyotkorroq bo'lib haydasangiz. Meni 4 ta bolam bor. Sog'lig'im o'zimga kerak!
Haydovchi ayolga o'girilib qarab:
— 4 ta bolam bor deyapsiz-u, sog'lig'ingiz va ehtiyotkorlik haqidagi cho'pchakni qaerdan oldingiz?!

Qo'shnimnikiga kirsam, xotini qo'y go'shtidan sho'rva qilgan ekan. Meni ko'rib ensasi qotdi.
— Adasi kelaqoling, ovqat pishdi, - dedi-da, eriga bir kosada sho'rva, bir laganda go'sht olib kelib yoniga qo'ydi. Qornim och, nima qilishni bilmay, ichimda “Shoshmay tur!” deb tursam, qo'shnim:
— Go'shtdan oling, - deb qoldi. Lagandagi go'shtga qo'l uzatib bir bo'lagini tishladim-u, “Voy-dod” deb erga ag'anadim.
Shu payt qo'shnim meni ko'rib qo'rqib ketdi-da, xotiniga:
— Sen jodugar meni zaharlamoqchi bo'ldingmi? – deb o'dag'aylab quvlab ketdi.
Sekin o'rnimdan turdim-da, sho'rva va bir lagan go' shtni paqqos tushirib “Ziqna bo'lish shunaqa bo'ladi!” deb uyimga jo'navardim.

<< < 341 342 343 344 345 346 347 > >>

Tavsiya qilamiz

Bosh sahifa