Latifalar

Baliq do'koniga kirib kattakon laqqa baliqni sotib olgan xaridor sotuvchiga debdi:
— Iltimos, shu baliqni peshtaxtaning narigi yog'ida turib, menga otsangiz, men uni ilib olaman.
— Nega? – hayron bo'lib so'rabdi sotuvchi.
— Shunda men do'stlarimga “Baliqni o'zim tutdim!” deb bemalol maqtangan bo'lardim-da, - dermish xaridor.

Erining har kuni ichishini ko'rgan ayoli “Men ham ichaman” deya harhasha qilibdi.
Er-xotin ziyofatdan ichib qaytishibdi. Uyining eshigi oldiga kelib, eri cho'ntagidan kalitni topolmay tursa, xotini unga qarab:
— Odam bo'lmay keting! Shunchalik ham ichasizmi?! Eshik qani? Nima qildiz o'zi eshikni? –dermish.

Maktabda oraliq imtihon topshiriladigan kun. Dars boshlanibdi. O'qituvchi:
— Hozir imtihon topshirasizlar.
— Ustoz, kal'kulyatordan foydalansak bo'ladimi?
— Bo'ladi.
— Mendeleev jadvalidan-chi?
— Bemalol. Yozinglar, mavzu “Ikkinchi jahon urushi”.

Bir odam sehrli chiroq topib olibdi. Chiroqni ishqalasa, ichidan jin chiqib “3 ta tilak tila” debdi.
Haligi odam debdi:
— Menga 2 qavatli hovli bergin. Hovlini o'rtasida Malibu mashinasi va mashina ichida yangi iPhone 11 Pro bo'lsin. Bu birinchi tilagim!

Bir kuni ota-o'g'il baliq oviga borishibdi. Qarmoqqa katta baliq ilinibdi.
O'g'li:
— Dada, buni qanday o'ldiramiz, - debdi.
Shunda otasi:
— Shuniyam o'ylab turibsanmi? Suvga cho'ktir, o'zi o'ladi, - debdi.

O'qishdan uyga qaytgan qiz jig'ibiyron bo'layotganmish:
— Nega “o'zimga qaramay” o'qishga borgan kunlarim yonimdan kelishgan yigitlar chiqib qolaveradi?!
Onasi:
— Qo'ysang-chi! Toshkentda chiroyli yigitlar bunchalik ko'p emasdir...!

Insonlar nega bu ishlarni qilishadi? O'zlari ham tushunmasalar kerak?!
— Muzlatkichni ochib, hech narsa olmay yopib qo'yishadi;
— Do'konga shakar olaman deb borib, bir xalta narsa sotib olishadi-yu, shakar olish esdan chiqadi;
— Yaqinlashib kelayotgan lift tugmasini yana-yam qattiqroq bosishadi;
— Do'konlarda paketlar pullik bo'lganini bilishsa ham, “Nega 300 so'm ortiqcha hisobladingiz?” deb so'rashadi;
— Batareykasi tugayotgan televizor pul'tini yana-yam qattiqroq bosishadi.

Matematikadan mashq bajara olmaydigan bolaga kal'kulyator debdi:
— Hech bo'lmasa ikkiga ikkini o'zing qo'shgin!

Ikkita olifta yigit shahar tashqarisidagi ko'rimsiz bir mehmonxonaga kirishibdi. Yigitlardan biri mehmonxona xizmatchisiga:
— Bu molxonada bir kecha tunash nechi pul? – debdi haqoratomus.
Mehmonxona xizmatchisi:
— Bitta mol uchun 50 ming, ikkita molga 100 ming bo'ladi, - degan ekan.

Bola onasidan so'rapti:
— Oyijon, meni sizga kim bergan?
Onasi:
— Seni laylak tashlab ketgan! – debdi.
Birdan eshik qo'ng'irog'i chalinibdi. Bola borib teshikdan qarab oyisiga:
— Oyi laylak ishdan keldi. Bozor qilib kelibdilar, - dermish.

<< < 342 343 344 345 346 347 348 > >>

Tavsiya qilamiz

Bosh sahifa