Latifalar

Urush yillari ekan. Ikki askarimizni nemislar ushlab olib, qiynamoqchi bo'lishibdi.
Nemislar birinchi askarni ichkariga olib kirib so'rashibdi:
— Elektr stulda qiynaylikmi yoki urib qiynaylikmi? – deyishsa, askar:
— Stulga o'tiraqolay. Urganingizga chiday olmayman, - debdi.
Nemislar askarimizni stulga o'tqazishsa, bir payt tok o'chib qolibdi.
— Omading bor ekan. Mayli, bor ketaver! Keyingisini olib kiringlar! - deyishibdi.
Askar tashqariga chiqib, sherigiga shosha-pisha: “Tok yo'q, tok yo'q” deyishga ulguribdi.
Nemislar ikkinchi askarni olib kirib, “Elektr stulga o'tirasanmi yoki kaltak eysanmi?” deyishsa, sodda askar “Tok yo'q-ku!” – degan ekan.

Ayol kishi uchun 40 yosh - juda boshqacha yosh-da...
Bir dugonang buvijon bo'lsa, yana boshqasi dekretga chiqqan bo'ladi...

Bir ayol bozordan to'ti sotib olib, uyga kelgach qafasdagi to'tiga qarab:
— Xo'sh, rang-barang mahluq! Gapirishni bilasanmi? – desa, to'ti unga:
— Sen o'zing uchishni bilasanmi? – degan ekan.

— Begim bo'laqoling, haliyam tiqmadingizmi? Shuni ham eplay olmaysiz-a!?
— Hozir, jim tur! Mana bo'lay deb qoldim…
— E, bering bu yoqqa shlankani! Hamma yoq suv bo'lib ketdi-ku!

— Taksi bilan ot-aravaning nima farqi bor?
— Hech qanday farqi yo'q!
— Nega?
— Chunki ikkalasi ham yo'lni xohlagan joyida to'xtab odam olib-tushiraveradi.

Ota:
— Onasi, shumtaka o'g'ling erdagi qorni eyapti!
Ona:
— Qor emasin, tomog'i og'riydi!
Birozdan so'ng, ota:
— Onasi, qor rostdanam shirin ekan!
Ona:
— Ha, yaxshi...

Ba'zida shunday onlar bo'ladiki, hayotingda katta o'zgarishlar qilging keladi. Va..., yangicha shijoat bilan profilingdagi rasmni o'zgartirasan. Endi sen o'zgarganliging haqida bilib qo'yishsin!

Bir ayol bozordan to'ti sotib olib, uyga kelgach qafasdagi to'tiga qarab:
— Xo'sh, rang-barang mahluq! – desa, to'ti unga:
— Sen o'zingni yuzingga surtib olgan ranglaring menikidan kam emas! – degan ekan.

Matematik bilan fizik o'rmonda sayr qilib yurishsa, oldilaridan och ayiq chiqib qolibdi. Ikkovi sarosimaga tushib matematik debdi:
— Ayiqni tezligi 20km/soat, og'irligi 300kg, qochish befoyda, baribir etvoladi...
Fizik bo'lsa:
— Ayiq oshqozonining hajmi 20 kub.desimetr. Odam hajmi 100 kub.desimetr. Ayiqqa sen matematikni o'zi bemalol etadi. Qochib qolish kerak! – debdi.

Hammasi o'sha paytlarda boshlangan edi: "Begim, men sizni qanday bo'lsangiz shundayligizcha sevaman!"
To'ydan keyin esa: "Chekmang!", "Ichmang!", "So'kinmang!", "Qaerda yuribsiz?"...
Men bo'lsam laqqa tushib o'tiribman uni yolg'on va'dalariga...

<< < 345 346 347 348 349 350 351 > >>

Tavsiya qilamiz

Bosh sahifa