Latifalar

Meni ismim Davron. Lekin do'stlarim mani drobovik (o'qni sochib otadigan miltiq) deyishadi. Sababi oddiy: Meni ovqat chaynayotganimda aksiradigan odatim bor!

Ikkita qiz bodring sotib olayotib gaplashib qolishibdi.
— Eyishga ham olamizmi?
Shunda sotuvchi hayron bo'lib:
— Qizim, bodringni emasdan yana nima qilasizlar? – desa, qizlar:
— E, amaki qizig'misiz!? Biz har doim bodringdan yuzimizga niqob tayyorlaymiz, - deyishgan ekan.

Rus qiz o'zbek oilasiga kelin bo'lib tushibdi.
Oradan ko'p ham vaqt o'tmay qaynotasi olamdan o'tibdi. Azaga kelgan ayollar kelinga “Sabr bersin” deyishsa, kelin ularga “Sizlarni ham etkazsin” deyayotganmish.

— Yaxshi qiz, nimaga men sizni avvallari ko'rmaganman?!
— Bilmadim. Balki sizni xudo asragandir...

Hammaning o'z baxt formulasi bor. Masalan man xonam shipiga "Ertadan yugurishni boshlayman!" deb yozib qo'yganman. Va har kuni ertalab uyg'onganda bu yozuvga ko'zim tushadi va "Hayriyatki bugundan emas, ertadan ekan!" deb xursand bo'lib qo'yaman...

Davron yugurishni, ekstremal sport turlarini, adrenalinni, daraxtga chiqish-u, devordan oshib o'tishni yoqtirmas edi. Biroq yangi ko'chib kelgan qo'shnining ikkita bul'ter'er iti Davrondagi yashirin qobiliyatlarni ochib berdi...

Go'zallik salonidan chiqgan qizga bir yigit “gap otibdi”:
— Yaxshi qiz, sochingizga nechi pul berdingiz?
— So'rab nima qilasiz? Baribir pulingiz etmaydi!
— Ha endi, makiyajga pul etmadimi deyman-da…

Har bir ayol ichida yana bir xonim yashaydi, biroq sizni u bilan keyinroq tanishtirishadi...

Restoranda ovqatlanib o'tirgan mijoz yoniga ofisiant yugurib kelib debdi:
— Iltimos, baliqni tezroq eb tugatsangiz!
Mijoz:
— Nimaga? – debdi hayron bo'lib.
Ofisiant:
— Restoranimizga SESdan tekshiruv keldi, - dermish.

Alisher ismli bir odam gapiradigan to'tiqush sotib olibdi.
Uyga olib kelsa hech gapirmasmush.
— Alisher dono degin, - deb to'tiqushga bir hafta o'rgatibdi. Baribir gapirmasmush.
Oxiri charchagan to'tiqo'sh tilga kirib:
— 8x6 nechi bo'ladi Alisher? – debdi.
— Hayriyat-ey! Gapirding. Bilmadim nechi ekanini, - debdi haligi odam.
Shunda to'tiqush:
— Shuni-yam bilmasang, nimangga Alisher dono deyishim kerak?! – dermish.

<< < 347 348 349 350 351 352 353 > >>

Tavsiya qilamiz

Bosh sahifa