Latifalar

Bir mijoz restoranga kirib ofisiantga:
— Janjal bo'lmasidan menyuni olib kel! – debdi.
Ofisiant hayron bo'lib menyuni keltiribdi.
Keyin mijoz har gapida “janjal bo'lmasidan uni olib kel! Janjal bo'lmasidan buni olib kel!” deyaveribdi.
Oxiri ofisiant undan so'rabdi:
— Nega har gapingizda janjal bo'lmasidan…! Deyaverasiz. Qachon, nega janjal bo'ladi? – desa, mijoz:
— Janjalmi? Endi bo'ladi. Chunki meni to'lagani pulim yo'q! – debdi.

Aziz ayollar! Yozgi ko'ylaklarga o'tish uchun asta-sekin tayyorgarlikni ko'ravering.
Parhezingiz yozilgan qog'ozchangizni qidirib topib qo'ying. Non va shirinliklarning zarari haqidagi maqolalarni o'qishni boshlayvering.
Axir qishki kiyimlarda kim ham qomatga qarabdi deysiz!?

Praporshik vzvod qurol-yarog'larining holatini tekshiryapti.
— Kimning avtomati bu, yaxshi tozalanmagan? - qichqirdi u.
— Kalashnikov avtomati, o'rtoq praporshik.

— Hurmatli haydovchi, nima uchun ko'cha boshidagi yuqori tezlik 50 belgisiga amal qilmay kelyapsiz?
— O'rtoq komandir, mashinani 250 km/s tezlikda haydaganimda, bu belgi umuman ko'rinmas ekan, ishonavering!

"Google"dan izlashga berilgan g'alati so'rovlar:
— Ko'zi g'ilay odamni qaysi ko'ziga qarab gapirish kerak?
— 1 aprel hazillaridan keyin asabni qanday tiklash mumkin?
— Pasportdagi avatarkani (suratni) qanday almashtirish mumkin?
— U menga yozishi uchun qanday status qo'yganim ma'qul?
— Vampirni men birinchi bo'lib tishlab olsam nima bo'ladi?
— Men yo'g'imda naushniklarimni kim chigal qilib qo'yadi?

Bugun “Odno”da bir qiz "Barcha yigitlardan nafratlanaman" deb yozibdi. Yaxshi qiz, men sizga nima yomonlik qildim, uyda choy ichib o'tiribman-ku!

Uy bekasi kundaligidan:
Bir payt ko'chadan bir odamcha kirib keldi, hammayog'i loy. “Sizni o'g'lingizman”, deb aytdi. Yuvib tozalaganimdan so'ng ma'lum bo'ladi endi. Lekin ovozi o'g'limnikiga juda o'xshaydi...

Bir yigit ziqna do'stidan qarz so'rabdi:
— Eng yaqin do'stingga ozroq pul berib tura olarmiding?
— Albatta! Ammo meni umuman yaqin do'stim yo'q!

Ikki dugona kitoblar haqida suhbatlashib o'tirishibdi:
— Sen qanday mavzudagi kitoblarni o'qishni yoqtirasan?
— Har xil mavzudagilarini. Ammo, qahramonlari ko'p bo'lgan kitoblarni o'qishni yoqtirmayman!
— Nega?
— Qahramonlar ko'p bo'lsa, chalg'ib ketaman.
— Unday bo'lsa dugonajon, sen faqat “Robinzon Kruzo”ni o'qishing kerak ekan!

— Besh yil uchrashib, sevishib yurganimizdan keyin u qiz menga "Do'st bo'lib qolaylik" desa bo'ladimi... Tasavvur qilyapsizmi holatimni? Besh yil-a, besh yil!
— Bitta shapaloq solmadizmi shu gapiga?!
— Kechirasiz, siz aniq psixologmisiz?

<< < 350 351 352 353 354 355 356 > >>

Tavsiya qilamiz

Bosh sahifa