Latifalar

Bir kuni tank bilan zaporoj uchrashib qolibdi.
— Nega seni ichak-chavog'ing noto'g'ri joyda joylashgan? – deb kulibdi tank zaporojni ustidan.
— Seni boshing chirpirak bo'lib aylanyapti, men hech narsa demayapman-ku! - degan ekan zaporoj.

Xotinining janjallaridan to'yib ketgan er ortiq bundan yashab bo'lmasligini tushunib etibdi. “Bir nima qilishim kerak!” deb o'ylabdi-da, shartta derazani ochib tokchaga chiqibdi. 6-qavatdan pastga qarab tursa, xotini chiqib qolibdi:
— Nima qilyapsiz, adasi? – debdi xotini.
— Xayr xotin! Ortiq sen bilan yashay olmayman! Jonga tegdi! Hozir o'zimni shu erdan tashlayman! – debdi eri.
Xotini yugurib oshxonaga kirib ketibdi. Zum o'tmay, qo'lida axlat chelak bilan chiqib debdi:
— Adasi shuni ham olib keting. Baribir pastga ketyapsiz-ku...!

Dorixonaga bir ayol kirib debdi:
— Hurrakni to'xtatishim kerak, shunga dori bormi?
— Hurrakni o'zi kim otadi?
— Erim.
— Mana sizga 1 o'ram paxta!
— Paxtani boshimga uramanmi?
— Har kuni qulog'ingizga tiqib yotsangiz, hurrakni eshitmaysiz.

Stomatologiya poliklinikasi yo'lagida asabiylashib sigaret chekib yurgan vrachni uchratgan hamshira undan so'rabdi:
— Nima bo'ldi, tinchlikmi? Bemoringizni tishlari juda yomon ahvoldami?
Vrach asabiylashib debdi:
— Qani endi shunday bo'lganida... Bemorimni hamma tishlari sog'lom, lekin uni pullari ko'p!!!

Bir xonadon qiziga ikkita yigitdan baravar sovchi kelibdi.
Yigitlardan birining onasi debdi:
— Qizingizni meni o'g'limga bering.
Ikkinchi yigitni onasi debdi:
— Yo'q, qizingizni meni o'g'limga bering.
Ikki yigitning onasi uzoq tortishibdi. Bundan charchab ketgan qizning otasi har ikkala qaynonaga debdi:
— Hozir qizimni olib chiqib ikkiga bo'lib tashlaymanda, bir qismini sizga, ikkinchisini esa sizga beraman!
Birinchi qaynona rozi bo'lib:
— To'g'ri! Shunday qilish kerak! – debdi.
Ikkinchi qaynona:
— Bu nima deganingiz?! Unday qilmang, axir qizda gunoh yo'q, - debdi.
Shunda qizning otasi:
— Bo'ldi qizimni birinchi yigitga beraman, - desa, ikkinchi yigitning onasi:
— Nega axir? U hozirgina sizni qizingizni ikkiga bo'lishga rozi edi-ku!? – desa, qizning otasi:
— Ana!!! Shu ayol qizimni haqiqiy qaynonasi ekan! Chunki qaynonalar har doim kelinini burdalab tashlashga tayyor turishadi, - dermish.

Bir odam o'rmonda adashib qolib qo'rqanidan “A-u-u, a-u-u” deb qichqirar edi. Shunda bir ayiq odamning yoniga kelib:
— Muncha qichqirasan?! Hamma yoqni boshingga ko'tarib, - debdi.
Haligi odam:
— Adashib qoldim. Kimdir eshitarmikan deb baqirayotgan edim, - desa, ayiq:
— Men eshitdim, yaxshi bo'ldimi!? - debdi.

Soliq idorasida:
— Nima uchun yillik daromadingizni berkitdingiz?
— Bo'lmagan gap! Nima qilay, “daromad” katakchasiga barcha raqamlar sig'mas ekan.

Bir yigit yo'lda ketayotib chiroyli qizga qarabdi.
Yonidagi o'rtog'i unga:
— Qarama! Bu qizga kecha men qaragan edim, - dermish.

Hukumat vakillari «Chernobl'» AES dan bo'shab qolgan erlarga nima ekish mumkinligi haqida muhokama qilmoqda:
— Daraxt ekib bo'lmaydi. Er zaharlangan. Mevali ko'chatlarni gapirmasa ham bo'ladi...
— Men bilaman! Bu erlarda tamaki etishtirish kerak. Tamakini yig'ib olib, undan sigaret tayyorlanadi va sigaret qutisini ustiga shunday yozuv yozib qo'yiladi:
“Sog'liqni saqlash vazirligi oxirgi marta ogohlantiradi! Chekish sog'liq uchun xavfli!”

Kecha tunda bir notanish telefon qildi va qabristonda uchrashuv belgiladi. G'alati odam ekan. Kelmadi...

<< < 354 355 356 357 358 359 360 > >>

Tavsiya qilamiz

Bosh sahifa