Latifalar

Bir musiqachining har kuni ishdan so'ng klubga borib, yana musiqa tinglash odati bor ekan.
Bundan hayron bo'lgan do'sti undan so'rabdi:
— Nega kuni bilan musiqa tinglaysan-da, yana kechqurun klubda musiqa tinglashga borasan? Bu senga nima uchun kerak?
U esa javob beribdi:
— Axir menga kuni bilan pivo ichishga berishmaydi-ku!?

Bir qiz uyqudan oldin hayol surib yotibdi:
"Hozir qaerdadir man tanimagan bo'lajak erim qaysidir qizga hayrli tun tilab sms yozayotgandir. Xa-xa, u o'ylayaptiki o'sha qiz uning kelajagi, xotini bo'ladi deb. Chuchvarani hom sanabsiz azizim! Sizni katta syurpriz kutyapti!"

Boks. Jangning 2-raundidan so'ng bokschi hansirab treneridan so'rayapti.
— Nima deb o'ylaysiz, yuta olamanmi?
— Albatta yutasan! Agar qo'llaringni shunday hilpirataversang, oxir oqibat qattiq shamollab yotib qolasan!

Erini ishga kuzatayotgan ayol diydiyo qilib debdi:
— Yana yarim tunda kirib kelasizmi?! Sizni deb uxlamay o'tiraman!
Eri debdi:
— Yo'g'-e! Tong saharda kirib kelaman. Qotib uxlab yotgan bo'lasan.

Chet ellik jinoyatchi tarjimon orqali so'roq qilinmoqda:
— O'g'irlangan oltinlarni qaerga yashirding?
Jinoyatchi:
— Aytmayman.
Tarjimon:
— Aytmas ekan.
— So'nggi martta so'rayapmiz, oltinlar qaerda?
Jinoyatchi:
— Qo'lingizdan kelganini qiling! Aytmayman!
Tarjimon:
— Aytmayman deyapti.
— Agar oltinlarni joyini aytmasang, seni otib tashlaymiz.
Jinoyatchi:
— Bo'ldi, aytaman! Oltinlarni falon joyga yashirganman.
Tarjimon:
— Otib tashlayveringlar deyapti.

Institutda so'nggi para ketmoqda. Qorni och, charchagan talabalar o'qituvchiga debdi:
— Ustoz, iltimos bizga ruxsat berib yuboring...!
O'qituvchisi:
— Yo'q.
Talabalar:
— Iltimos, juda charchadik.
O'qituvchi:
— Shu doskaga yozayotgan mel qachon tugasa, shunda javob berib yuboraman.
Talabalar:
— Bering, biz uni eb qo'yamiz!

Erkak do'stiga dermish:
— Xotinimga nima deb va'da berganim aniq esimda yo'q!
— Nima deb va'da berganding?
— Bir ryumka aroq ichib, soat sakkizda uyda bo'laman deganmidim yoki sakkiz ryumka aroq ichib, soat birda uyga kelaman deganmidim???

Ayrim sevishganlar bir-biriga shunday o'xshashki hayollarida ham bir hil o'ylashadi. Hattoki urushib qolgandayam: "San bo'lmasang boshqasi!" Xullas, bir-biriga uzukka ko'z qo'ygandek mos bo'lishadi...

Savol: Internetda suhbatdoshingizni ensasi qotganini qanday bilsa bo'ladi? Axir yuzi ko'rinmaydiku!
Javob: Hozir odat bo'lgan biror gapga "Hmm" deb javob berish. Shu so'zdagi “M” lar soniga qarab ensa qotish darajasini bilib olaverasiz..
Hmmmmm....

Choyxonada erkaklar suhbatlashib o'tirgan ekan, ulardan biri debdi:
— Mana sizlar, maoshingizdan qanchasini xotinga berasizlar?
Birinchi erkak debdi:
— Men atrofimga 2 metrlik aylana chizamanda, pullarimni tepaga otaman. Aylanani ichiga tushgani meniki, tashqariga tushgan pullar xotinimga bo'ladi.
Ikkinchi erkak debdi:
— Men atrofimga 3 metrlik aylana chizaman. Pullarimni tepaga otaman. Aylanani ichiga sochilib tushganini xotinim terib oladi, tashqariga tushgan pullarni esa men olaman.
Uchinchi erkak kulib:
— Men hech narsa chizib o'tirmayman! Pullarni shundoq havoga otaman. Xotinim havoda nechtasini ushlab ulgursa o'shani oladi. Erga tushgani hammasi o'zimniki! - degan ekan.

<< < 351 352 353 354 355 356 357 > >>

Tavsiya qilamiz

Bosh sahifa