Latifalar

— Doktor, rahmat sizga. Agar siz bo'lmaganingizda 5 yil avval o'lib ketgan bo'lardim.
— Nimalar deyapsiz bemor?! Sizga rahmat. Agar siz o'lib ketganingizda, men haliyam eski Matizni haydab, Kaptivani orzu qilib yurgan bo'lardim.

— Oyijon suv olib keling.
— Borib o'zing olib kela olmaysanmi?!
— Oyi, suv deyapman!
— Hozir kaltak eysan! Turgin-da, o'zing olib kelib ich!
— Oyijon, kaltakka borganingizda suv ham ola keling...

Maktabda ustoz so'radi:
— Uyimizni nega toza tutishimiz kerak ekan?
O'quvchilar javob berdi:
— To'satdan mehmon kelib qoladi. Shuning uchun!

Maktabdan ko'zi ko'karib qaytgan boladan onasi so'rabdi:
— Buni kim qildi?
Bola:
— Kimligini bilmadim-u, lekin mana uni sochidan namuna, - deb qo'lida bir tutam soch ko'rsatibdi.

Q xarfini ilk martta ko'rganimda O harfi sigaret chekyapti deb o'ylaganman.

1945 yilda afandi nemislarga asir tushib qolibdi.
— So'nggi tilagingni tila! – debdi nemislar unga.
— Qulupnay esam, armonim yo'q edi, - debdi afandi.
Nemislar:
— Mayli, qulupnay pishsa eysan, keyin otamiz, - deyishibdi.
Qulupnay pishgunicha urush tugab, afandi omon qolgan ekan.

— Eshikni oching, MIBdan kelgandik.
— Ochmayman! Sizlardan juda hafaman!

Yigit:
— Yaxshi qiz, 100 ming pulingiz tushib qoldi…
Qiz:
— Bu 100 ming men bilan tanishishga bahona bo'la olmaydi!
Yigit:
— Unda ko'proq pul tushiring!

— Nimangizni yo'qotdingiz Xo'ja Nasriddin? – so'rabdi qo'shni.
— Chaqa pullarimni tushirib yuborgandim. Shularni izlayapman, - javob beribdi Nasriddin.
— Shu erda yo'qotdingizmi? – debdi qo'shni.
— Yo'q! Hov anavi qorong'i yo'lakda yo'qotdim. Lekin u er qorong'ilik qilyapti. Chiroqni tagiga kelib izlayapman, - dermish Nasriddin.

— Senga ikkita yangiligim bor.
— Yaxshisidan boshlayqol.
— Kim aytdi senga yaxshi xabar bor deb?!

<< < 352 353 354 355 356 357 358 > >>

Tavsiya qilamiz

Bosh sahifa