Latifalar

Ota o'g'liga debdi:
— O'g'lim, qo'shni xonadan paypog'imni olib chiqgin.
O'g'li “Xo'p” deb qo'shni xonaga kirsa, opasi o'tirgan ekan.
Bolani sho'xligi tutib opasiga debdi:
— Adam aytdilar-ki, qulog'ingizni “burab” qo'yar ekanman...
Opasi:
— Nima deyapsan? Tentakmisan?! Bo'lishi mumkinmas!
Bola otasi tomonga qarab baqaribdi:
— Ada, o'nginimi yo chap tarafinimi?
Hech narsadan bexabar otasi:
— Ikkalasini ham! – dermish.

Xotin erini do'konga jo'natayotib tayinlabdi:
— 1 ta buxanka non olingda, tuxumni so'rang. Bor bo'lsa, 10 ta oling!
Eri do'konga kirib sotuvchiga debdi:
— 1 ta buxanka bering. Tuxum bormi?
— Bor, - debdi sotuvchi.
— Unda 10 ta buxanka berasiz, - dermish eri.

Bir kuni kechasi afandi uyda o'tirsa, qo'shni xonadan shovqin eshitilibdi.
Afandi devorda ilinib turgan miltig'ini sekin olib xonaga kirsa, ro'parasida qop-qora narsa turganmish.
Afandi “paq” etib otibdi. Haligi narsa baribir shundoq turganmish.
Sekin borib qarasa, o'zini choponi ekan. Shunda afandi:
— Yaxshiyam ichida o'zim yo'qligim. Bo'lmasa, o'zimni otib qo'yardim, - dermish.

Ayollarning eng yaxshi ko'rgan narsasi - ...?
5 ta harf. Birinchi va oxirgi harfi “q”.
Ikkinchi harfi “o'”.
Bu – qo'shiq.

Dushanba kuni ertalab hamkasblarning ishxonadagi suhbati:
— Do'stim, chin so'zim, boshqa ichmayman, bo'ldi!
— Nahotki. Nimadir bo'ldimi?
— Juma kuni ishdan uyga qaytdim. Qarasam, rosa charchabman. Shkafda berkitib qo'ygan bir shisha aroqni olib ichdim-da, uxlashga kirib ketdim.
Ertasi kuni ko'chaga chiqsam, hamma gapiryapti. Nima emish?! Kecha kechasi bilan butun mahallani uxlatmay, ko'chada baqir-chaqir qilganmishman. Bo'lishi mumkinmas do'stim. Uxlashga yotganim aniq esimda...

Navbatdagi mag'lubiyatdan keyin O'zbekiston futbol ishqibozlari choyxonaga kirib askiyalashib o'tirishganmish:
— Man o'yinchilarimiz tepgan to'pini kapalakka o'xshatdim.
— Nega?
— Burchakdan to'p tepishlari huddi kapalak ohista uchib, raqib darvozabonini qo'liga sekingina qo'nganday bo'lganligi uchun...
— Men esa o'yinchilarimizni ertaklarimizdagi kenja botirga o'xshatdim.
— Nega?
— To'p bilan darvozaga yaqin kelganda darvozaga tepaymi, chapga oshiraymi yoki o'nggami? - deb chuqur hayolga botishganligi uchun...
— Men esa o'yinchilarmizni mehmondo'st azamatlarga o'xshatdim.
— Nega?
— Hech ko'ptokni talashishmaydi. Oling-oling deb mehmonlarga uzatgani uchun...

Zargarlik do'koniga kirgan yigit soatlarga qarab tursa, sotuvchi qiz kelib debdi:
— Hurmatli mijoz, sizni omadingiz bor ekan. Bizda ayollar ziraklariga chegirmalar boshlandi. Sevgan qizingizga arzon narxlarda zirak sotib olishingiz mumkin.
Yigit xafa bo'lib:
— Sevgan qizim yo'q meni, - debdi.
Sotuvchi yana:
— Qanaqasiga?! Shunday kelishgan yigitni sevgan qizi bo'lmasa?! Nega axir? – desa, yigit yana xafa bo'lib:
— Xotinim ruxsat bermayapti, - dermish.

Tez yordamga qo'ng'iroq. Ayol kishi:
— Allo, tezoq etib keling. O'g'lim suvarak eb qo'ydi.
— Hechqisi yo'q! Ko'ngli behuzur bo'lib, chiqarib yuboradi.
— Men o'g'limga “Suvarakka qarshi dori”ni ichirgan edim...
— Tez manzilni ayting! Yo'lga chiqyapmiz!

Bir ayol dietolog vrachga qo'ng'iroq qilib debdi:
— Doktor, tez ozmasam bo'lmaydi. Juda-yam semirib ketganga o'xshayman.
— Nega unaqa deyapsiz? – so'rabdi vrach.
— Bugun gapiradigan tarozi sotib olgan edi. Uyga olib kelib unga chiqsam, tarozi menga “Shoshilmay, bittadan chiqinglar

Sud'ya:
— Ayblanuvchi, oylik maoshingiz 500 ming so'm bo'lsa-yu, siz 2 qavatli uy, dalahovli qurishga pulni qaerdan olyapsiz?
Ayblanuvchi:
— Janob sud'ya, bu savolingizga javob berishim uchun menga vaqt kerak...
— Juda yaxshi. 7 yil etadimi?

<< < 358 359 360 361 362 363 364 > >>

Tavsiya qilamiz

Bosh sahifa