Latifalar

— Styuardessa, nimaga samolyot silkinib uchyapti?
— Kim aytdi sizga uchyapmiz deb?! Samolyotimiz nosoz ekan. Samarqandgacha 300 kilometr, erda yurib etib olishga qaror qildik.

— Agar senga katta pul evaziga ko'chaga chiqib “Men badbasharaman” deb baqirib yurgin deyishsa rozi bo'larmiding?
— Albatta! Badbashara bo'lsam ham ahmoq emasman-ku!

O'zbek futbolchilarining jahon chempionatiga chiqmayotganini sabablari:
1. 2010 yil – Afrika juda issiq edi.
2. 2014 yil – Braziliya uzoqlik qildi.
3. 2018 yil – Rossiyaga o'zbeklar borsa, qurilishga kelishdi deb o'ylashadi.
4. 2022 yil – bir bahona topilib qolar ...

Haydovchilik guvohnomasiga o'qiyotgan ayolga instruktor debdi:
— Men mashinani to'xtating desam, siz nima qilyapsiz?
Ayol:
— To'xtayapman-ku?
Instruktor:
— Mashina to'xtasin, miyangiz ishlashdan to'xtamasin!!!

Bir samolyotga yangi styuardessa ishga kiribdi. Parvoz paytida ikki uchuvchi gaplashib qolishibdi:
— Bu yangi styuardessaning qomati qanaqa ekan?
— Unga qaraganda ming marta o'zimning xotinimni qomati chiroyli, - debdi birinchi uchuvchi.
Shunda ikkinchi uchuvchi:
— To'g'ri aytasan! Unga qaraganda ming marta sening xotiningni qomati chiroyli, - dermish.

Avvaliga enaga bilan bog'cha opa aybdor. Keyin – tarbiyachi. Undan keyin – maktabda o'qituvchi aybdor. Keyin esa – ishxonada rahbar! Sal keyin esa – xotin! Hammasiga aybdor o'shalar. Erkaklarda o'zi hech qachon ayb bo'lmagan desa ham bo'ladi...

Oldinda yoz fasli! Siz dam olishga kim bilan bormoqchisiz?
Sharttaki bilanmi? “Dam olishgami? Gap yo'q, ketdik!” deydi.
Mijg'ov bilanmi? “Yana kim boradi? Nima ovqat eymiz? Nechta kiyim olib ketish kerak? Havo qanaqa bo'larkin?” deydi.
Injiq bilanmi? “Agar yaxshi uxlay olmasam qaytib kelaman...”deyishi aniq!
Bahonachi odam bilan bormoqchi bo'lsangiz: “Dam olish kunlari bandman. Kelasi hafta ham ishlarim bor. Keyingi oy ham band bo'lsam kerak. Umuman keyingi yil ham, keyingi hayotimda ham...” deygan javobni kuting.
Hisobchi odam bilanmi?: “Qancha pul ketarkin? Nechi kilogramm go'sht olamiz?” desa,
borishni umuman istamagan odam: “Aniq bilmiman... Vaqtim bo'larmikin...? Keyinroq o'zim qo'ng'iroq qivaraman...” deyishi turgan gap!

Bir yigit mashina haydab ketayotsa, YPH xodimi to'xtatib debdi:
— Hurmatli haydovchi, hujjatlaringizni taqdim etsangiz.
Haydovchi yigit:
— Meni kimligimni bilasizmi? – debdi mashinada o'tirgan holda kerilib.
YPH xodimi:
— Yo'q, bilmayman. Hujjatlaringizni taqdim etsangiz... – debdi yana.
— Qo'chqorov degan odamni taniysizmi?! – debdi haydovchi.
— Ha, taniyman, - debdi YPH xodimi.
Haydovchi:
— Men o'shani o'g'li bo'laman, - desa, YPH xodimi:
— Ie, Qo'chqorov menman-ku! Bu yoqqa tushchi o'g'lim. Nega seni avval hech ko'rmaganman?! – dermish.

Maktabda biologiya o'qituvchisi darsni o'quvchilarga tushuntirmoqda:
— Mana qaranglar! Bir stakan aroqqa chuvalchangni solsak, u halok bo'ladi. Aytinglar-chi, aroq inson organizmiga qanday ta'sir qilar ekan?
O'quvchilar:
— Demak, inson aroq ichsa, ichidagi hamma gijjalar o'lar ekan...

Tiqilinch avtobusda Abdusattor shimining cho'ntagidan pul olish uchun o'rnidan turib-o'tirgan edi, tik turib ketayotgan 18 yo'lovchini hayajonlantirib yubordi.

<< < 359 360 361 362 363 364 365 > >>

Tavsiya qilamiz

Bosh sahifa