Latifalar

Marshrutkada bir yigit qo'l telefonida gaplashib ketmoqda:
“Og'ayni gapni eshit! Meni hisobimdan 200 million olasan-da, qurilish mollari xarid qilasan. Yangi imorat qurilishini ham boshlayver! Aksiyalarni birjaga qo'yasan. Foyda olishni boshlagach, ...” deb gapirayotsa, hamma yo'lovchilarning ko'zi chiqayozay deb qarab turishganmush. Yigit ularni ko'rib debdi:
“Hayron bo'lmanglar! Do'stim komp'yuteriga yangi o'yin o'rnatibdi. O'yin qoidalarini tushuntirib beryapman”.

Juda qalin dugonalar suhbatlashmoqda:
— Bilasanmi, erim meni “Quyoncham” deb chaqira boshladi.
— Axir bu zo'r-ku!
— Nimasi zo'r?! Erim ismimni unutib qo'yganga o'xshaydi....!

Bir ayol shifokor yoniga kelib debdi:
— Doktor menga yordamingiz kerak!
— Nima shikoyatingiz bor?
— To'ydan keyin ko'zim umuman pullarni ko'rmaydigan bo'lib qoldi...

Erim qafasdagi konoreykalarga don, suvdan tashqari olma, banan, qulupnay, qizil sabzi, qaynatilgan tuxum beradi. Yomg'ir yoqqanida qafasni issiqqina uyga olib kiradi. Havo yaxshi bo'lsa qafasni hovlining eng bahavo joyiga iladi.
Shu qushlarga aylanib qolgim kelyapti...!

Harbiy xizmat o'tash uchun chaqiruvga kelgan yigitlar tibbiy ko'rikdan o'tmoqda.
Vrach:
— Kimni navbati, kiring! Stulga o'tiring! Bo'ldi! Xizmatga yaroqli!
Stuldan turgan yigit hayron bo'lib:
— Qanaqasiga? Sog'ligimni tekshirib ham ko'rmadingiz-ku?! – debdi.
Vrach:
— Gapimni eshitding – quloqlaring sog'lom. Stulni ko'rding – ko'zlaring ham sog'lom. Teskari o'girib qo'ygan stulimni o'ngini qilib o'tirishga aqling ham etdi. Demak, soppa-sog'san! – dermish.

Bir erkak bozorda aylanib yursa, qari otaxon qog'ozga o'ralgan bir narsa sotib o'tirgan ekan.
Erkak qiziqib so'rabdi:
— Otaxon, nima sotyapsiz?
— Perforator. Ko'rasanmi? – deb qog'ozni ochsa, ichidan katta miltiq chiqibdi.
Erkak hayratda:
— Otaxon, axir bu miltiq-ku!? – desa, otaxon:
— Bilmasam bolam... Lekin asfaltni yaxshi teshar ekan, - dermish.

Vrach bemorga dedi:
— Sizning kasallik varaqangizni ko'zdan kechirib, qo'rqib ketdim.
— Nega? Yomon dardga chalinibmanmi?
— Undan ham battar!
Bemor hushdan ketib yiqila boshlagandi, vrach qo'shib qo'ydi:
— O'zingizni bosing! Siz yashaydigan tumandagi bemorlarga bizning poliklinika xizmat ko'rsatmas ekan, xolos.

Bir xristian popi shahrimizga mehmon bo'lib kelib, yoshgina boladan cherkovning yo'lini so'rabdi. Bola popni cherkovga kuzatib qo'yibdi. Minnatdor pop debdi:
— Barakalla, o'g'lim! Ertaga ham shu erga kelsang, senga jannatning yo'lini ko'rsataman.
Bola javob beribdi:
— Cherkovning yo'lini bilmagan odam, jannatning yo'lini qaerdan bilardingiz?!

Bir erkak 12 yil deganda qamoqdan chiqib uyiga kelsa, xotini so'rayotganmish:
— Qamoqdan soat nechida chiqgan edingiz?
Eri:
— Soat 11 lar edi chamasi... Keyin milisiyaga borib ro'yxatdan o'tdim. Keyin ota-onamni ko'rgani bordim, keyin ... – deb gapirayotsa, xotini:
— Hozir soat 4 bo'ldi. Shunaqa-yam kech keladimi odam degan? Qaerlarda daydib yuribsiz? Uyga vaqtida kelasizmi-yo'qmi o'zi?! – deb janjal ko'tara boshlabdi.
Shu payt boshi og'rib ketgan eri sumkasini olib, sekin tashqariga chiqib ketayotsa, xotini:
— Qayoqqa yana?! – debdi.
Eri bo'lsa:
— Borib birorta do'konni o'maraman. Menga o'sha yoq tinchgina ekan... – dermish.

Lofga juda usta baliqchilar suhbati:
— Kecha qarmoqni zo'rg'a tortib uch metrlik somni chiqarib oldim!
— Seniki holva! Kecha meni qarmog'imga XVIII asrda ishlangan katta fonus ilinib chiqdi. U haliyam yonib turgan ekan!
— Mayli men somni uzunligini qisqartiraman. Faqat iltimos, sen ham fonusingni o'chgan ekan deb ayt!

<< < 360 361 362 363 364 365 366 > >>

Tavsiya qilamiz

Bosh sahifa