Latifalar

Bir yigit Fransiyaga sayohat chiptasini yutib olibdi. Lekin fransuzchani bilmas ekan. Nima qilishini bilmay, do'stidan maslahat so'rabdi:
— O'rtoq, boshim qotdi. Fransiyaga ketyapman-u, fransuz tilini bilmayman!
Do'sti maslahat beribdi:
— Shu ham muammomi?! Har bir so'zingni oldiga "F" harfini qo'shib gapiraverasan…
Yigit Fransiyaga boribdi. Hamma yoqda frunsuzlar…
Shahar aylanib yurib, adashib qolibdi. Shunda yo'lni so'rash uchun bir fransiyalik odamni to'xtatib so'rabdi:
— Falom, faka! Fuzr, fanavi fo'cha faerga folib foradi? – desa, haligi fransuz odam qarab turib:
— Fe fog'ayni, fo'zim fam filmay furibman, - degan ekan.

Sport zalidan qaytgan er xotiniga debdi:
— Hamma joyim og'rib ketyapti. Trenerim aytdiki, mushaklarim og'risa, demak ular o'sayotgan bo'larkan.
Xotini erini boshiga bir urib:
— Og'ridimi? Qani endi, miyangiz ham o'sib qolsa edi...

Hurmatli erkaklar! Agar siz maktab bilan bir devor qo'shni bo'lsangiz ham, xotiningiz shaharni narigi chetidagi maktabga farzandingizni o'qishga beradi...

Eshigi ochiq holda yurib ketayotgan marshrutka haydovchisi orqaga o'girilib debdi:
— Bu nimasi? Eshikni yopinglar!
Orqa o'rindiqlardan birida ketayotgan ayol norozi ohangda:
— Ichkari juda issiq. Biroz eshiklarni ochib ketaveraylik! – desa, haydovchini jahli chiqib:
— Esingiz joyidami? Yo'lda kimdir tushib qolsa-chi?! – debdi.
Yo'lovchi ayol haydovchiga javob beribdi:
— Havotir olmang! O'zim yo'l kira haqqini to'lab yuboraman...!

Ko'chada ikkita yigit bir-biri bilan tanishmoqda:
— Sen qaerdansan?
— Eski shahardan.
— Ko'pchilik eski shahardan... Aniqroq-chi, qaysinisidansan?
— Samarqanddanman.

— Og'ayni, xotinim bilan urishib qoldik.
— Nima bo'pti? Biz ham janjallashib turamiz.
— Sizlarda kim birinchi bo'lib gapiradi? Xotiningmi yoki senmi?
— Albatta, xotinim.
— Qanday qilib?
— Uydagi modemni sekin o'chirib qo'yaman. Xotinim darrov “Internetni tuzatib bering” deb yalinib keladi.

— Do'stim, nima zamonlarga qoldik?!
— Tinchlikmi, nima bo'ldi?
— Plastik kartochkamdagi oylik maoshimni naqd pul qilish uchun bankomatga borgandim.
— Xo'sh?
— O'zi 1 million maosh olaman. Bankomat esa yana ming so'm so'rayapti.

Sizning maoshingizga qancha?
Rahbaringiz ko'zi bilan qaralsa: “Buncha-yam ko'p maosh to'layapman...”
Xotiningiz ko'zi bilan qaralganda: “Shu-yam pulmi? Buncha kam...!”
O'zingizni ko'zingiz bilan qaraganda: “Men davlatga tekinga ishlab beryapman!”

Erkak uyiga kovrolin to'shab, ishni tamomlagach, sigaret chekmoqchi bo'libdi. Cho'ntaklarini qidirib, sigaretini topa olmasmish.
Bir payt qarasa, kovrolinni o'rtasi do'mpayib ishib turganmish.
“Obbo! Shu etmay turgandi. Kovrolinni tagida sigaret qutim qolib ketibdi” debdi jahli chiqib. Qarasa, oshxonadan xotini chiqib eri tomonga kelayotganmish. Erkak bolg'ani olib, kovrolinni do'mpayib turgan joyini tez-tez urib, pachoq qilib tekislab qo'yibdi. Xotini erini tepasiga kelib:
— Adasi, sigaretingizni qidirmadingizmi? Mana, oshxonada qoldiribsiz. Kecha siz menga sovg'a qilgan yangi telefonni topa olmayapman, ko'rmadingizmi qaerda qoldi ekan?! – dermish.

Vrach bemorga debdi:
— Ho'sh bemor, ertadan boshlab spirtli ichimliklar, tamaki va yog'li ovqatlardan voz kechasiz.
— Nima uchun? Sog'lig'imga to'g'ri kelmaydimi? – so'rabdi bemor.
— Yo'q! Hozir kassaga borib xizmat haqqini to'lab kelsangiz, bunga imkoniyatingiz qolmaydi... – dermish vrach.

<< < 365 366 367 368 369 370 371 > >>

Tavsiya qilamiz

Bosh sahifa