Latifalar

— Oddiy askar Holdorov!
— Men, o'rtoq komandir!
— Nega formangizni yoqasi tikilmagan?
— Bu sizni qiziqtirmasin! O'zim bilaman!
— Oddiy askar Holdorov. Komandir bilan qanday gaplashyapsiz?! Nega formangizni yoqasi tikilmagan deb so'radim sizdan...
— Men tikishni bilmayman.
— Bu meni qiziqtirmaydi!
— Men ham aytyapman-ku, bu sizni qiziqtirmasin deb!

Ona bolasini koyib beribdi:
— Agar shunday to'palonchi bo'laversang, seni yaxshi bolaga almashtirib kelaman.
Bola bo'lsa onasiga debdi:
— Aldamang! Qaysi ahmoq to'palonchi bolani yaxshisiga almashtirishga rozi bo'lar ekan?

Yigit bilan qiz telegramda yozishmoqda.
Yigit:
“Kechqurun restoranga borsak,...”
Qiz:
“Rostanmi!? Qaerga boramiz?”
Yigit:
“Shoshmay tur! Oxirigacha yozib olay! Kechqurun restoranga borsak, hamma do'stlarim yig'ilib bo'lishgan ekan. Faqat men bilan Azizni kutib turishgan ekan.”

Yosh bo'lsa ham haqiqatni biladi.
— Bolakay, sen katta bo'lsang kim bo'lmoqchisan?
— Katta bo'lsam, katta bo'lsam-chi... Albatta butun dunyoni aylanib chiqaman. Hamma davlatlarni ko'rib, sayyohat qilib yuraman. Ko'p mashinalarim, millionlab muxlislarim bo'ladi. Hech qanday ish qilmasam ham katta oylikni olaveraman-olaveraman...
Men katta bo'lsam – futbolchi bo'laman!!!

Bir ayolni uyiga dugonasi mehmonga kelibdi.
Haliga ayol kichkina o'g'liga:
— Bolam, xolajoningni o'pib qo'ymaysanmi? – desa, bolakay:
— Yo'q, - debdi.
— Nega o'g'lim? – deb so'rabdi onasi.
Bolakay:
— Hozir adam o'pib qo'ygan edilar, xoladan shapaloq eb oldilar, - dermish.

Dog'istonlik burgalar lezginka taronasini eshitib qolib, mushukni tepkilab tashashibdi...

Institut hovlisida bir talaba imtihonga kech qolayotgan do'stini kutib turibdi. Bir payt unga qo'ng'iroq qilib debdi:
— Allo, o'rtoq qaerdasan?
— Mana-mana, institut darvozasidan kirib kelyapman...
— Uyingdan fleshkani olish yodingdan chiqmadimi ishqilib?!
— Voy do'stim, yaxshi-yam eslatding. Hozir ovolaman.

Bir kuni qo'ylar yig'ilishib, podachini yoniga borib deyishibdi:
— Biz bo'rilar bilan shartnoma tuzmasak bo'lmaydimi? Qachongacha shu ahvol! Bir vakil tanlab bo'rilarni oldiga jo'natamiz. Nima qilsak ularni qorni to'q bo'ladi-yu, biz tinch bo'lamiz!
Hullas vakil qo'y bo'rilarga borsa, bo'rilar yig'ilib turganmish.
Bo'yilardan biri vakil qo'yni gaplarini eshitib bo'lib, debdi:
— Agar har kuni bitta qo'y o'z oyog'i bilan shunaqa kelib tursa, muammo hal!

Afandi supermarketdan chiqsa, juda ko'p eshaklar turgan ekan.
O'zinikini topmoqchi bo'libdi-da, cho'ntagidan bir narsani olib tugmachani bosibdi. Bir eshak “Ia-ia...” degan ovoz chiqaribdi.

Yangi kelin-kuyov chimildiqda o'tirganmish. Kuyov barmog'idagi uzukni aylantirib o'tirgan ekan, kelinni sabri tugab:
— Siz boshqa ishni ham bilasizmi? – desa, kuyov:
— Bilaman. Uzukni narigi tarafga ham aylantira olaman - debdi.

<< < 368 369 370 371 372 373 374 > >>

Tavsiya qilamiz

Bosh sahifa