Latifalar

Ertalab korxona direktori ishga kelib xonasiga kirsa, bir ishchisi boshiga issiq qalpoq kiyib olib stol ustidagi qog'ozlarni titkilayotganmish.
— Sen bu erda nima qilyapsan Xasanov??? – debdi.
Xasanov tikilib turib:
— Padaringga la'nat! Kiysang ko'rinmaydigan bo'lib qolasan deb yuz mingga sotgan edi, - deb boshidagi qalpoqni echib erga otgan ekan.

Gul do'koniga bir erkak kirib sotuvchiga debdi:
— Menga eng chiroyli guldastangizdan bersangiz... Xotinimga!
Sotuvchi:
— Juda ajoyib! Xotiningizni tug'ilgan kunimi?
Erkak:
— Yo'q, uchrashadigan kunimiz.
Sotuvchi:
— Tanishgan kuningizmi?
Erkak:
— Yo'q. Men bir oydan beri uyga kelmayapman. Bugun uyga boraman, uchrashamiz.

Jarima – bu to'g'ri yo'l tutmaganing uchun to'lovingdir.
Soliqlar esa to'g'ri yo'l tutayotganing uchun to'loving bo'ladi...

Choli hammomda uzoq qolib ketganidan havotir olgan kampir baqirib:
— Hoy chol, nimalar qilyapsiz? – debdi.
Chol hammomda turib g'alati ovozda javob beribdi:
— Tis-s-slarimni yuvyapman.
Kampir yana baqirib:
— Menikiniyam yuvib chiqing, - degan ekan.

Bir chuvalchangni dumi uzilib yarmi tashqarida qolib ketibdi. Chuvalchang qaytib tashqariga chiqib, o'zini dumini ko'rib qolib debdi:
— Salom, tanishsak bo'ladimi? Bu erda nima qilib turibsiz?

— Dugonajon, senga masharabozlar yoqadimi?
— sirkdagilarimi yoki atrofimdagilarimi?

Vrach xonasini eshigini ochib ostonada unga tirjayib turgan kishi debdi:
— Salom doktor! Kirsam bo'ladimi?
— Hozir bemorim bor... – debdi vrach.
— Men sizni yaqin do'stingizman. Besh yil avval ko'rishganmiz, esingizdami?
— Yaqin do'stlarim bilan 5 daqiqa avval ko'rishdim. Besh yil avval ko'rishgan bo'lsak, bemorim ekansiz. Navbatga turing!

— Do'stim, bu issiqlar qachon tugarkin?!
— Qishgacha tugab qolar...

Bir erkak xotini bilan kafedan ovqatlanib chiqib, ro'parasidan kelayotgan ayolni ko'ylagini ushlab o'tib ketibdi.
Buni ko'rib qolgan xotini eriga:
— Bu nimasi?! Ko'z oldimda begona ayolni ko'ylagini ushlayapsizmi?! – deb baqira ketibdi.
Eri bo'lsa:
— Vahima qilma xotin. Meni noto'g'ri tushunding. U ayolni ko'ylagini ushlaganimni sababi, yog'li qo'limni ko'ylakka artib oldim, - dermish.

— Ta'tildan qaytib kelguningcha hamma uy jihozlaring joyida ekanmi?
— Ha, bo'lmasam-chi! Hatto chiroq ham yoqilganicha turgan ekan.

<< < 371 372 373 374 375 376 377 > >>

Tavsiya qilamiz

Bosh sahifa