Latifalar

Bir tadbirkor yigitning sevgan qiziga aytgan so'zlari:
“Sog'lom inson yuragi nechi pul turishini bilasanmi?!
Men ahmoq sen noshukurga yuragimni “shundoq” berib o'tiribman-a!!!”.

Sovchilikka kelgan ayollar qizning onasiga gapirayotganmush:
— Eshitdik, qizingiz juda ozoda, saramjon, chaqqon ekan. Qo'li shirin pazanda ham emish. Chevar ham ekan-a? – debdi.
— Bir og'iz ham gapirmas, hecham charchadim demas emish – deb davom ettiribdi ikkinchisi.
Qizni onasi hamma gapni eshitib o'tirib, oxiri:
— Shundoq bizni uyimizdan sal nariroqda maishiy texnika sotadigan do'kon bor. O'sha erdan kir yuvish mashinasi, chang yutgich, gaz pechi, tikuv mashinasi, ... Shularni hammasini sotib olsangiz, hamma ishlaringiz oson bitadi! – dermish.

Eshak bilan mol tortishib qolibdi.
— Men aqlliman.
— Yo'q, men aqlliman.
— Yur, odamdan so'raymiz, - debdi eshak.
Bir odamni topib so'rashibdi:
— Kim aqlli? Eshakmi yoki molmi?
Odam debdi:
— Mol katta yo'ldan o'tayotganda, avval chapga keyin o'ngga qarab o'tadi.
Eshak esa yo'ldan o'tayotganda molga o'xshab hech qaerga qaramaydi...!

Saratonning issiq kunlaridan birida akula rosa chanqapti. Plyajdagi barga kirib, muzdek pivodan to'yib ichibdi. Keyin elkasiga sochig'ini tashlab, cho'milgani dengizga o'zini otibdi.

Yigit do'stiga:
— Nima u? Uchib o'tib ketgan?
Do'sti:
— Yoz! Yoz uchib o'tib ketdi...

Bir yigit shartnoma bilan 10 yil Afrikaning chekka bir hududida ishlab kelibdi. Aeroportda uni do'stlari kutib olishibdi. Elkasida bitta maymuncha bilan do'stlarini oldiga kelibdi. Bir do'sti undan so'rabdi:
— Ho'sh do'stim, u erlar qanday ekan?
— Nimasini aytasan, juda issiq, suv yo'q, ishlash qiyin...
— Kelin masalasi-chi? Uylandingmi?
— Oziq-ovqat ham taqchil ekan.
— Uylanish masalasi qanday ekan deyapmiz?
— Do'kon ham yo'q, biron nima olmoqchi bo'lsang, 2 soat mashinada borish kerak.
— Ey, sendan ayollar haqida so'radik, - deyishsa, elkasida o'tirgan maymuncha:
— Dada, sizdan onamni so'rashyapti! – dermish.

Haydovchilar uchun:
Ko'p gaz bossang benzin ketar.
Ko'p tormozda rezina ketar.
Bu issiqda yuraversang,
Bir kun tochna “toming” ketar!

Toshkentni sayyohat qilib qaytgan xitoylikdan so'rashibdi:
— Xo'sh, Toshkent qanday shahar ekan?
Xitoylik debdi:
— Chiroyli shahar! Odam ham juda kam ekan.

Bir bola yo'lda ketayotgan ekan, behosdan quduqqa tushib ketibdi. U erda 1 dan 5 gacha bo'lgan sonlar yozilgan tugmachalar bor ekan. 1 ni bossa bolani ust-boshi echilibdi. 2 ni bossa bolani yuvintirib qo'yishibdi. 3 ni bosgan ekan quritib qo'yishibdi. 4 ni ham bosgan ekan, yangi kiyimlar kiydirib qo'yishibdi. Oxiri 5 ni bosib quduqdan sakrab chiqib qolibdi.
Yo'lda davom etib ketayotgan bola do'stini uchratib qolibdi. Bo'lgan voqeani aytib bersa, do'sti sal shoshqaloq ekan. Gaplarni oxirigacha eshitmay quduqqa yugurib kelib sakrabdi. 1-tugmani bossa uni ham kiyim-boshi echilibdi. Keyin u darrov 5 ni bosibdi. Shunda tepaga uchib chiqib ketganini bilmay qolibdi.

Uyga qaytgan o'g'il, telefonidan ko'zini uzmay o'tirgan onasiga:
— Oyijon men keldim! – desa, onasi o'g'liga qaramay:
— Qaerlarda sang'ib yuribsan? – debdi beparvolik bilan.
O'g'li onasiga:
— Oyi, men armiyadan qaytdim!!! – degan ekan.

<< < 372 373 374 375 376 377 378 > >>

Tavsiya qilamiz

Bosh sahifa