Latifalar

Ayolingizga “Sen kimga ham keraksan?!” demang!
Hattoki, Shrekning xotiniga ham xaridorlar chiqqan...

Bir ayol vrachning xonasiga kirib, kasallik varaqasini unga uzatibdi. Vrach anketani sekin varroqlab ocha boshlabdi-yu, har-har zamon “Voy-voy! Shunchalik ham bo'ladimi?!” deb boy chayqab qo'yibdi.
Buni ko'rgan bemor ayolni “nafasi ichiga tushib” so'rabdi:
— Doktor, ahvolim shunchalik yomonmi?
Vrach bo'lsa unga qarab debdi:
— Sizni emas, ko'zimni aytyapman...! Ko'zoynaksiz umuman o'qiy olmaydigan bo'lib qolibman-a...

Qaniydi, tushimda ishlayversam-u, o'nggimda maosh olaversam!

Harbiy xizmatga ketishdan avval maktabda o'qituvchilik qilgan askar armiyaga borib, o't o'ribdi, og'ir yuk ham tashibdi, er ham qazibdi, hamma yoni supurib ham chiqibdi. Komandirlar unga:
— Bo'ldi, endi seni maxsus qismga xizmatga o'tkazamiz. Sinovdan yaxshi o'tding, - deyishsa, askar ularga:
— Yo'q, menga shu er ham bo'laveradi. Men o'zi o'rganib qolganman, - dermish.

Bir kuni ikkita ilon gaplashib turgan ekan:
— Biz juda zaharlimizmi?
— Ha, judayam! Zaharimiz o'limga olib keladi.
— Unda men o'lar ekanman. Tilimni tishlab oldim.

Bir akaxon Damasda kirakashlik qilarkan. Yo'l chetida odam olib tursa, bir yigit kelib haydovchiga debdi:
— Aka, meniyam olib keting, iltimos. Shoshilyapman, qolib ketmay!
— Oltita odam oldim. Ettinchini ololmayman. GAI xodimlari "peregruz" deb jarima yozishadi, - debdi haydovchi.
— Iltimos, 5000 beraman.
— Yo'q!
— 50 000 beraman, - debdi yigit.
Bu gapni eshitgan haydovchi mashinadan tushib:
— Keling, o'rnimga o'tiring! Hech narsaga tegmang. Faqat rulni ushlab o'tiring. Men mashinani itarib ketaman, - dermish.

Bir odamni xotini eriga debdi:
— Adasi ozmoqchiman! Belimga obrach olib kelib bering...
Eri “Xo'p” deb, ertasiga obrach olib kelib bersa, xotinini beliga shundoq loyiq kelibdi. Xotini “Voy! Nega bunaqasini olib kelasiz?!” deb ming'irlasa, eri xursand bo'lib:
— Ana xotin ko'rdingmi? Seni razmeringni topibman! Lop-loyiq keldi-ya... Ko'ylak olib bermasam ham o'lchamlaringni yaxshi bilaman, – dermish.

— Do'stim bilasanmi? Koreyslar bilan avtoinspektor xodimlarining o'xshash tarafi nimada?
— Bilmadim. Nima ekan?
— Ikkalasi ham tayoqchada ovqatlanishadi.

Mahalladagi bolalar ramazon aytib kelishsa, xotini eriga qarab:
— Adasi, borib anavi bolalarni hammasini haydab yuboring! – debdi.
Eri:
— Nega xotin? – desa, xotini:
— O'tgan kuni men ularga somsa olib chiqib tarqatgan edim. Kecha ular menga “Pazandalik sirlari” degan kitobni tashlab ketishdi...!

O'qituvchi:
— Demak, bugun fe'lni o'tamiz. Alisher ayt-chi, agar sen qo'shiq kuylasang nima bo'ladi?
Alisher:
— Men kuylayapman bo'ladi.
O'qituvchi:
— Agar kichkina singling kuylasa-chi?
Alisher:
— Ovozingni o'chir bo'ladi.

<< < 375 376 377 378 379 380 381 > >>

Tavsiya qilamiz

Bosh sahifa