Latifalar

Chiptachi avtobusda chipta sotib yursa, bir yigit 1200 so'm beribdi.
— Yo'l haqqi bugundan 1400 so'm bo'lgan, - desa, yigit:
— Mayli, menga kechagi chiptangizdan bering, - dermish.

Ko'chat bozorini aylanib yurgan xaridor sotuvchidan so'rabdi:
— Bu daraxtingiz 3 yilda olma beradimi?
— Yo'q, - debdi sotuvchi.
— 5 yilda beradimi? – so'rabdi yana xaridor.
— Yo'q, - debdi yana sotuvchi.
— Unda nechi yilda olma beradi? – desa, sotuvchi:
— Hech qachon olma bermaydi! Axir bu behi-ku! – degan ekan.

Bir kuni tunda afandi mehmondan qaytayotsa, yo'lda kalondimog' boy uchrab qolibdi. Boy:
— Ha afandi, men sizni mol deb o'ylabman, - debdi.
Afandi hozirjavoblik bilan:
— Ha boy ota, men bo'lsam sizni qorong'uda odam deb o'ylabman, - degan ekan.

To'ylarga yuradigan artistlarning har biri 200ga yaqin odamni ta'minlab nafi tegayotgan ekan.
O'zbekistonda artistlar sonini ko'pligini hisobga olsak, barchamizni artistlar boqayotgan bo'lib chiqayapti ekan.

Bir kishi ishdan qaytayotsa, uyini yonida bir lo'lini uchratibdi. Lo'li undan:
— Eski-tuski narsalaringiz bo'lsa olamiz, - debdi.
Haligi kishi:
— Yo'q! Eski narsalarimiz yo'q! – deb uyiga kirib ketsa, birozdan keyin telefon jiringlabdi.
— Allo, - desa, notanish ovozda kimdir shunday debdi:
— Hovlingiz eski-tuski narsalarga to'la ekan. O'zingizni xabaringiz yo'qmi!? Yig'ishtirib olib ketdik.

Qarg'a osmonda uchib ketayotgan reaktiv samolyotga qarab turib yonida birga uchayotgan qarg'adan so'rabdi:
— Qiziq, anavi qushcha qanday qilib bunday tez ucha olarkan-a?
— Sening ham dumingga o't qo'yishsa, qanday uchishingni ko'rardik, - debdi yonidagi qarg'a.

Bir yigit do'stiga debdi:
— Senga bir gap aytaymi? Negadir oxirgi paytlarda hayoling parishon bo'lib qolgansan, - desa, do'sti:
— Nima gap aytmoqchi eding? – dermish.

Afandi bir kuni baliq oviga chiqibdi. Birdaniga yomg'ir yog'ib, shamol ko'tarilibdi. Shunda Afandi baliq turini ustiga yopib olib, bamoqlarini to'rning teshigidan chiqarib:
— Voy, tashqari muncha sovuq, - dermish.

Hisobchi – hisob-kitob ishlarini qiladi.
Shifokor – bemorlarni davolaydi.
O'qituvchi – bilim beradi.
Futbolchi – byudjetdagi pullar hisobiga erinmasdan butun dunyoni aylanadi.

Bir kuni podshoh vazirlarni yig'ib debdi:
— Saltanatimda soliqlar kun sayin oshib borsa ham, xazinada pullar ko'paymayapti!? Buning boisi nedir?
Yig'ilganlar orasida dono bir vazir katta muz bo'lagini olibdi-da, “Shohimga uzatib yuboringlar!” debdi.
Haligi muz bo'lagi qo'lma-qo'l bo'lib podshohga etib kelguncha kichkina tomchiga aylanib qolibdi.
Shunda podshoh vazirning aqliga tahsinlar aytib, barcha qo'l ostida ishlayotgan amaldorlarni va xazinaga keladigan pullarni qattiq nazoratga olgan ekan.

<< < 378 379 380 381 382 383 384 > >>

Tavsiya qilamiz

Bosh sahifa