Latifalar

Alpinistlar tog' cho'qqisiga ko'tarilishyapti. Alpinistlardan biri to'satdan pastga qulabdi.
— Og'ayni tirikmisan?
— Ha, tirikman.
— Hech qaering lat emadimi?
— Yo'q, hali lat emadi.
— Unday bo'lsa tepaga ko'taril.
— Ko'tarila olmayman.
— Nega?
— Chunki men haliyam qulayapman...!

Bir odamni mashina urib ketibdi. Vrach uni ko'rib “Tamom” debdi.
Haligi odam boshini ko'tarib “Men tirikman!” deb qichqirsa, xotini yoniga kelib “Tinchlaning azizim! Vrach biladimi yo siz bilasizmi!?” degan ekan.

Bir kishi o'rmonda adashib qolibdi. Yurib-yurib, o'rmonning o'rtasiga kelib qolibdi. Oldidan tovuq oyoqli kulba chiqibdi. “Shu uyda aniq yalmog'iz yashaydi” debdi o'ziga-o'zi. Borib taqqillatsa, husnda tengsiz go'zal qiz eshikni ochibdi.
— Ie, axir bu uyda yalmog'iz yashashi kerak emasmi?! – debdi haligi kishi.
Go'zal qiz bo'lsa:
— Menman o'sha yalmog'iz! Pardoz qilib olgan vaqtimda kelding, - dermish.

Bolakaylarning hech qachon tugamaydigan savollariga aqlli otalar shunday javob berishadi:
— Adajon, qachon pulingiz ko'payadi?
— O'g'lim, nega oyim qachon sizdan kamroq pul so'raydigan bo'ladilar demaysan?!

Afandi eshagini sotib, kanal ochibdi. Kanaldan ancha pul ishlab, Kaptiva sotib olibdi.
Afandilarga omad!

Bir bola qarib qolgan buvisiga gap qaytarayotgan ekan, yonidan o'tib ketayotgan odam buni ko'rib debdi:
— Xolajon bu sizni nabirangizmi?
— Ha. O'zim ko'tarib katta qilganman, - debdi onaxon.
Haligi odam:
— Tashlab yubormabsizda, - dermish.

— Do'stim, nega bizni davlatda kvest xonalar yo'q?
— Nega yo'q ekan? Tiqilib yotibdi-ku!
— Qaerda?
— Senga davlat idoralaridan spravka kerak bo'lmaganmi hecham? Hamma kvest xonalar o'sha erda-ku!

Parashyutchi osmondan erga pastlab borayotsa, oldidan qush uchib o'tayotib:
— Raqqos yigitga salomlar! – desa, parashyutchi:
— Qanaqa raqqos? Men parashyutchiman! – debdi.
Qush bo'lsa unga:
— Shu ketishda to'ppa-to'g'ri kaktuslarni ustiga qo'nishingni bilasanmi?! O'shanda ko'ramiz... - dermish.

Sartaroshxonada:
— Hali o'quvchi ekansiz. Qanday qilib sochimni olasiz? Biror joyimni jarohatlab olmang tag'in...!
— Qo'rqmang! Qaychim kesmaydi, umuman o'tkir emas.

Irim-sirimlarga ishonasizmi?
Xotin uydan chiqsa, pul ketarmish...

<< < 390 391 392 393 394 395 396 > >>

Tavsiya qilamiz

Bosh sahifa