Latifalar

Futbol maydoni. Tanaffus paytida e'lon berilibdi. Hurmatli tomoshabinlar kimni yonida, telefonida qaynotasini rasmi bo'lsa maydonga chiqsin. Bu kishiga eng oxirgi markadagi mashina beriladi. Afsuski, mashinaga hech kim ega bo'lmabdi.

Internet orqali pul topish uchun nima qilish kerak?
Birinchidan: Internetni o'chirish kerak.
Ikkinchidan: Ishlash uchun ko'chaga chiqish kerak.

Uzoq vaqt uchrashmagan do'stlar:
— Salom do'stim! O'zgarib ketibsan. Nima ish qilyapsan?
— Menmi? Tadbirkorman.
— Tadbirkor? O'x-o', zo'r-ku! Aynan qanday tadbirkorsan?
— Och qolmaslik chora-tadbirlarini qidirib topaman.

Qiz yigitiga:
— Nega behayo saytda o'tiribsiz?
Yigit:
— Nima deyapsan? Bu seni instagraming-ku!

Nabira buvasiga:
— Bobo, 1990-yillar yaxshimidi yoki hozirmi? – debdi.
Buvasi:
— Eh bolam, o'sha paytlar yaxshi edi-da albatta. Buving yosh va chiroyli edi, - dermish.

Seriallarni ashaddiy muxlisi bo'lgan qari onaxon tobi qochib uyga vrach chaqirtiribdi.
Vrach onaxondan:
— Nima dorilar ichyapsiz? – deb so'rasa, onaxon adashib har kuni ko'radigan seriallarini vaqtlari yozib qo'ygan qog'ozchani stol ustidan olib vrachga uzatibdi. Vrach o'qiyotganmish:
— Zaharli tomchilar – soat 8.00 da, Parchalangan yuraklar – soat 9.00 da, ...

Bir kuni o'smir yigit bekatda sigaret chekib o'tirsa, yonidagi qari otaxon unga qarab debdi:
— Chekma bolam! Bu sendan ko'ra atrofingdagilarga ko'proq zararli!
Shunda yigit sigaretni otaxonga uzatib:
— Unda siz cheking, - dermish.

Men uni juda-yam sog'indim. Biz doim birga bo'lishimiz kerak. Aslo ajralmasdan bir umr yonma-yon yashashimiz shart! Men va pul – bir butunmiz!

Bir podshohning juda aqilli vaziri bo'lgan ekan. Bir kuni shoh vazirini boplab kalaka qilmoqchi bo'lib huzuriga chaqirtirib debdi:
— Vazir janoblari, marhamat qilib menga erkak chumolilardan kabob tayyorlab kelsangiz! Aynan erkak chumolilardan bo'lsin! Axir siz donishmand a'yonimsiz!
— Xo'p bo'ladi olampanoh! – debdi vazir va tushlikka likopchada 5 ta qovurilgan chumolini ko'tarib kelibdi. Buni ko'rgan shoh undan so'rabdi:
— Xo'sh muhtaram vazir, bularni erkak chumoli ekanligini qanday bildingiz?
— Oddiy, - debdi vazir, - Ertalab chumolilarning uyasini oldiga borib, uyasini buzayotgan edim, mana shu 5 tasi menga o't qo'ymoqchi bo'lishdi, - deb javob bergan ekan.

Maktabdan qaytgan o'g'li onasiga savol beribdi:
— Oyi, nima uchun har bir fandan alohida o'qituvchi dars beradi?
— Chunki bitta o'qituvchining o'zi hamma fanni o'rgata olmaydi-da, bolam.
— Unda qanaqa qilib bitta o'quvchi hamma fanni o'rgana oladi?

<< < 392 393 394 395 396 397 398 > >>

Tavsiya qilamiz

Bosh sahifa