Latifalar

Diqqat savol.
Qarindoshlikning korrupsiyaga ta'siri qanday?
— Ahmedov, javob ber-chi!
— Bilmayman ustoz!
— O'tir besh!
— Rahmat, ada.

Ayollar turmushga chiqganlaridan so'ng o'ta sezgir bo'lib qolar ekanlar. Erining plastik kartochkasiga pul tushganini eshitisharmish...

Qaysi millat chidamli ekanini sinash uchun olimlar muzlatgichdan foydalanishibdi.
Angliya fuqarolaridan ikkitasi muzlatgich ichida 2 soat o'tira olibdi.
Navbatdagi shvedlar 4 soatga chidabdi.
Oxiri ruslar kirib kelishibdi. Muzlatgichni ochib kirib ketgan ruslardan 3 kunda ham xabar bo'lmabdi.
Oxiri olimlar muzlatgichni eshigini ochib:
— Yaxshimisizlar? Sovuq emasmi? – deyishsa, ruslar:
— Eshikni yoping! Tashqaridan yomon sovuq kiryapti, - dermish.

Bir ayol qiziga nima desa ham “Voy” deyaverar ekan.
Oxiri onasi qiziga:
— Agar yana “voy” desang, turmushga berib yuboraman, - desa, qiz:
— Voy-voy-voy! – deb yuboribdi.

“Boriga baraka” ko'rsatuvida chekka qishloqdan kelgan bir yigit ishtirok etyapti.
Dallol:
— Sizga bitta komp'yuter, Arteldan barakali kir yuvish mashinasi va gaz plitasi beraman. O'yinni shu erda to'xtatasizmi? – debdi.
Yigit ko'p ham o'ylamasdan:
— Aka, komp'yuter bilan kir yuvish mashinasi kerak emas. Qishlog'imizda svet yo'q, gaz plitasi ham kerak emas. Unga yoqadigan gazimiz yo'q. Yaxshi, shu sovg'alarni o'rniga bir mashina o'tin bering. Oilam bilan qishdan eson-omon chiqib olardim. Bir moshina o'tinga o'yinni to'xtatgan bo'lardim... – degan ekan.

Agar ayolingiz sizni cho'ntagingizni tekshirmasligini aytsa, ishonmang. Bor-yo'g'i cho'ntagingizga ayollar lab bo'yog'ini solib qo'ysangiz bas!

Hujjatlarini tekshirayotgan YPH xodimiga asabiylashgan haydovchi debdi:
— Tezroq bo'lsangiz-chi! Orqamdan hamkasblaringiz quvlab kelishyapti.

“Ovqat eb o'tiribsanmi, hech kimni eshitma va gapirma!” deb o'rgatar edi onalar yosh bolalariga.
Fahmlashimcha “katta kresloda” o'tirganlar bu iborani juda yaxshi o'zlashtirganga o'xshashadi.

Avtomaktabda dars ketmoqda. Maktab o'quvchilaridan biri instruktordan so'rabdi:
— Shu gap rostmi, ayrim ayollar mashinani erkaklardan yaxshi boshqarar emish?
Instruktor:
— Yo'q, unaqa emas. Ayrim erkaklar xotinlardan battar boshqaradi mashinani.

Erta tongda bozorga jo'nagan eridan xotini so'rabdi:
— Ha, qayoqqa yo'l oldingiz?
— Bozordan ot sotib olaman, - debdi eri.
— Xudo xohlasa deng adasi! – debdi xotini.
Eri bo'lsa:
— Pulim bor. Bozorga ketyapman. Xudo xohlasa ham, xohlamasa ham aniq ot olaman, - deb bozorga ketibdi.
Bozorda yurib-yurib bir otni tanlabdi-da, cho'ntagiga qo'lini solsa, pullar yo'q emish.
Uyga bo'sh qaytgan eridan xotini:
— Ot qani adasi? – deb so'rasa, eri:
— Xudo xohlasa kisavurlar o'g'irlab ketishdi, - dermish.

<< < 391 392 393 394 395 396 397 > >>

Tavsiya qilamiz

Bosh sahifa