Latifalar

AQSh, Germaniya, Britaniya hukumati:
— Ko'chaga chiqmang! Uyda qoling!
Xalq:
— Qanaqasiga? Qaysi pulga eb-ichamiz?
Hukumati:
— Uyda qoling! Mana sizga pul!
Rossiya hukumati:
— Uyda qoling!
Rossiya xalqi:
— Nima? Biz uyda o'tirsak, kim bizni boqadi?
Hukumati:
— Karantin qoidalarini buzganingiz uchun mana sizga jarima varaqlari, to'lab qo'ying!

— Kechirasiz! Meni egizak ukamni ko'rmadingizmi?
— Siz hozirgina menga shu savolni bermaganmidingiz?

Bir kuni Afandi eshagini yo'qotib qo'yib, milisiyaga qo'ng'iroq qilibdi:
— Allo, men eshagimni yo'qotib qo'ydim!
— Ko'rinishi qanaqa edi? - debdi go'shakdagi xodim.
— Ko'rinishi huddi qo'shnim Eshmatni o'zginasi edi, - debdi Afandi.

Voy! Nimalar bo'lyapti! Dunyo qayoqqa qarab ketyapti?!
To'xtatib turinglar! Men tushib qolay...

Yigit bilan qiz katta bir ko'l bo'yiga borishibdi.
Qiz:
— Kim shu ko'l bo'yida niyat qilib suvga tanga tashasa niyati ro'ybga chiqarmish.
Shunda yigit birinchi bo'lib niyat qilib suvga tangani tashlabdi.
Keyin qiz niyat qilib tanga tashayman deb, suvga o'zi tushib ketibdi.
Yigit:
— Rostan ham niyat amalga osharkan...

Bir kishini og'zidan badbo'y hid kelarkan shunga hech kim unga tegmas ekan.
Mahalla raisiga borib:
— Meni uylantirib qo'ymasangiz men hokimyatga ustingizdan arz qilaman, - debdi.
Oqsoqol boshqa oqsoqollar bilan gaplashib hidni bilmaydigan bir xotin topib, uylab qo'yibdi.
Oradan 1 hafta o'tib boyagi xotin Raisni oldiga kelibdi:
— Men u bilan yashamayman, - degan ekan
— Nimaga? - deb so'rabdi oqsoqol
— Yonida yotsam ko'zim achishib ketyapti, - debdi.

Mart, aprel' oylarida nimalar qilmadim-ey...! Uyda qoldim, gohida uyda qoldim, kezi kelganda uyda qoldim, uyda qolgan paytlarim ham bo'ldi, eng qizig'i deyarli uyda qoldim.

Xotin eriga:
— Bo'ldi, men ketyapman.
Er:
— O'zi anchadan beri qovoq-tumshuq qilib yurganingni sezgandim. Qayoqqa ketasan? Onangni uyiga borasanmi yana?
Xotin:
— Adasi, nimalar deyapsiz? Do'konga ketyapman...
Er:
— Ha, shunaqami!? Qaytishingda menga ham biror narsa olib kelarsan...!

— O'g'lim, maktabda baholaring nechi bo'lyapti?
— Oyijon, muhimi sog'-salomat yuribman-ku!

— Nima ish qilyapsan?
— Bekorchilik.
— Kechayam bekorchi eding-ku!?
— Tugamadi-de hali bekorchilik.

<< < 415 416 417 418 419 420 421 > >>

Tavsiya qilamiz

Bosh sahifa