Latifalar

Bir kishi omborida qo'lbola aroq tayyorlar ekan. Chelakni ko'tarib suvga chiqib ketib qaytib kelib qarasa, ikkita milisioner turganmish.
— Hm, samogon qaynatyapmizmi? – deyishibdi ular. – Tushuntirish xati yoz!
— Nima deb yozay?
— Borini yoz! Qanday bo'lsa shunday!
Haligi kishi shunday deb yozib beribdi:
“Qarasam ombordan tutun chiqyapti. Yong'in deb o'ylab, chelakni suvga to'ldirib chopib kelsam, ikkita milisiya qo'lbola aroq qaynatib o'tirishgan ekan...”

Jangchi:
— Agar jang davomida patron tugab qolsa nima qilaman?
Praporshik:
— Dushmanni chalg'itish uchun o't ochishni davom ettirasan.

Qadrli erkaklar!
Agarda begona ayollar sizningcha o'zingizni xotiningizdan yoshroq, chiroyliroq va ko'rkamroq ko'rinsa, demak ularning erlari yaxshi ekan! Sizlarga o'xshagan emas!

Ishonchim komil! Oradan 50 yil o'tib nabiralarim meni shu kunlarda uydagi divanda televizor ko'rib yotganim haqidagi hikoyalarimni eshitib "Buvajon, g'alaba uchun rahmat" deb aytishadi.

Hozircha kreditlarni to'lamay turing! Bankdan qo'ng'iroq qilishsa, telefon go'shagiga qattiq yo'taling.

Boshliq majlis o'tkazyapti:
— Sattorov! Siz umuman ma'suliyatni his qilmayapsiz! Ishga kech kelasiz! Topshiriqlarni bajarmaysiz! Bunday davom etaversa, siz bilan birga ishlay olmaymiz! - desa, Sattorov o'rnidan turib:
— Boshliq, qayoqqa ketmoqchisiz? - dermish.

— Isming nima?
— Rahmat.
— Men seni ismingni so'radim. Nega rahmat deysan?
— Meni ismim - Rahmat.

Bitta odam 4 raqamini ayta olmas ekan.
Non do'koniga kirib "Menga 6 ta non bering. 2 tasi kerakmas" der ekan.

Erkaklar xotinining "Mensiz qanday yashagan bo'lardingiz-a?!" degan doimiy savoliga shirin hayollar bilan kulib qo'yganini sezganmisiz?

— Men uydaman, siz qaerdasiz?
— Men majlisdaman.
— Ie, qanaqa majlis? Axir shifokorlar bir erga to'planmanglar deyapti-ku!
— Ha, biz odamlarni bir erga to'planmasligi to'g'risida majlis o'tkazyapmiz.

<< < 412 413 414 415 416 417 418 > >>

Tavsiya qilamiz

Bosh sahifa