Latifalar

Kechasi serial ko'rib o'tirgan nabirasiga buvisi:
— Kirib yot! Kunduzi qaytaradi. O'shanda ko'rasan! - desa, nabirasi:
— Kunduzi to'liq ko'rsatmas ekan. Ayrim joylarini qirqib tashlashar ekan insofsizlar, - dermish.

Odamlar birinchi martta MChSning tog'li hududlarda qor ko'chish xavfi to'g'risidagi SMS xabariga amal qilib uyda o'tiribdilar.

Karlson bo'ldik go'yo:
To'rtta devor tiklangan.
Parrak aylanar, ammo -
Uchish joyi cheklangan...

Kambag'allikning 3 bosqichi bo'ladi. Bular:
1. Nonga ham pul qolmadi.
2. So'm umuman qolmadi.
3. To'yga deb yig'gan dollardan maydalashni boshlash kerak.

Savol: Virus bilan og'riganlar soni, dollar kursi va mening qon bosimim orasida qanday bog'liqlik bor?!

To'g'ri javob: ko'tarilish.

Karantin payti bir ayol eri bilan bozorlik qilib, uyga qaytibdi. Piyoda horib-charchab kelib, uyda niqoblarni echishsa yonida begona erkakmush. U ham hayron emush. Bozorda qaysi payt almashib qolishgan - eslasholmabdi.
Shu uchun ko'cha-ko'yda hushyorroq bo'lib yuraylik.

May oyida ham karantin davom etishini eshitgach, boshimda qattiq og'riq sezdim. May uchun ko'zlagan rejalarim parchalanib ketdi shekilli.

Ikki dugona telegramda.
— Ablah.
— Kim?
— Yigitim.
— Nima qildi?
— Xiyonat qildi.
— Yo'g'e, qaysi biri? Botirmi, Fayzimi?
— Fayzi.
— E, o'lsin. Bularning hammasi shunaqa.

Karantin davrida insonlar kitob o'qish, sport bilan shug'ullanish va o'z ustida ishlashi uchun vaqtlari yo'qligi bor-yo'g'i ularning bir bahonasi ekanini isbotlab berdi.

Bir ayol 4 yoshli o'g'ilchasi bilan ko'chada borayotgan ekan, chiroyli dugonasini uchratib qolibdi. Dugonasi bilan ko'rishib, o'g'liga:
— O'g'lim, xolangni o'pib qo'y! - desa, bolakay:
— Yo'q, uradilar! - debdi.
— Nega unaqa deyapsan o'g'lim? - debdi onasi.
— Adam o'pganlarida bu xola urganlar, - dermish.

<< < 413 414 415 416 417 418 419 > >>

Tavsiya qilamiz

Bosh sahifa