Latifalar

Ikkita turist o'rmonda aylanib yursa, oldidan bahaybat ayiq chiqib quvlab ketibdi. Qo'rqqanidan qochib ketayotgan turistlar, o'rmonda ziyofat qilib o'tirgan o'zbek yigitlarini dasturxonini vayron qilib o'tib ketishibdi. Shunda o'zbeklardan biri turistlarni quvlab ketibdi. Ularga etib olib, bir mushtdan tushirib qaytib kelsa, boshqa o'zbek so'rabdi:
— Qani ular?
— Urib keldim. O'zi nimadan qochishdi?
— Nimadan qochishganini bilmadim-u, lekin anavi jigarrang, katta sherigi ham bor ekan. Kaltakka chidar ekan, zo'rg'a yiqitdim, - dermish.

Uch boshli ajdar bir-biri bilan suhbatlashmoqda:
— Negadir boshim og'riyapti...!? Kecha ichmagandim shekilli...!? – debdi bittasi.
Ikkinchisi:
— Men rosa ichgandim. Oshqozonimiz bitta-ku! - dermish.

— Ko'chada ketayotganingda qizil, kichkina odamcha turganini ko'rsang nima qilgan bo'larding?
— Qizil odamcha??? Milisiyaga telefon qilgan bo'lardim.
— Tentak, qanaqa milisiya!? To'xtab, mashinalarga yo'l berishing kerak.

Bir qiz xafa bo'lib o'tirsa, dugona undan so'rabdi:
— Nima bo'ldi? Nega xomush o'tiribsan?
— Sevgan yigitim menga “Biz boshqa uchrasha olmaymiz. Seni boshqa sevmayman!” deb yozilgan sms yubordi.
— Voy dugonajoy... Yomon bo'pti-ku...
— Bunga emas, ikkinchi sms iga xafaman!
— Yana nima deb yozibdi?
— Ikkinchi smsda “Uzr, senga emas edi. Adashib yuboribman” desa bo'ladimi!?

“Buzoqni yugurgani somonxonagacha” degan maqolni eshitgan buzoq endi o'tloqqa qarab yuguradigan bo'libdi.

Hurmatli erkaklar! Agar siz daryoni yonginasida yashangiz ham, xotiningiz albatta Turkiya dengizlarida cho'milgisi kelaveradi...

— Eshitishimcha, siz sirkda sherlarni o'ynatar ekansiz. Bir narsaga hayronman. Siz kichkinagina, nimjon, ozg'in bo'lsangiz, nega sherlar sizni eb qo'ymaydi?
— Ha, hamma gap shunda-da! Ular meni semirishimni kutishyapti!

Notanish raqamdan qo'ng'iroq:
— Labbay, eshitaman.
— Allo, kim bu?
— Kim kerak sizga?
— O'zi kim bu?
— Uzr, kimni chaqiray?
— Kim bu deb so'rayapman...
— Qo'ng'iroq qilgan siz-ku! Kimni chaqiray?
— Esh-sh-sh-shak!
— Uzr, bu erda qarindoshlaringiz yashamaydi. Adashib tushdingiz, xayr!

Avtobus o'rindig'ida qo'liga qadah bilan aroq shishasini ushlab o'tirgan mast yo'lovchini yoniga chiptachi ayol kelib debdi:
— Yo'l haqi uchun qani?!
Mast odam birdan xursand bo'lib:
— Ana! Topdim! Yo'l haqi uchun, mana oldik! – deb qadahdagi aroqni ichib yuboribdi.

Juda ayyor o'g'ri birovni xonadoniga o'g'rilikka kirgan ekan, uy egasi kelib qolibdi. O'g'ri kiyim shkafiga kirib, berkinib olgancha yarim tungacha yotibdi. Yarim tunda uy egasi uxlab yotganida sekin shkaf eshigini ochib qarasa hech kim yo'q. Qimmatbaho shubani olib sekin chiqib ketayotgan mahal uy egasi ko'rib qolibdi.
— Hoy to'xta! Kimsan? Qayoqdan chiqding? – debdi.
O'g'ri:
— Menmi? Kiyim eydigan kuyaman. Shkafdan chiqdim, - debdi.
Uy egasi:
— Shubani qayoqqa olib ketyapsan? – desa, o'g'ri:
— Uyda eyman, - deb javob bergan ekan.

<< < 472 473 474 475 476 477 478 > >>

Tavsiya qilamiz

Bosh sahifa