Latifalar

Bir ayol shaharni o'rtasidagi piyodalar yo'lakchasidan sigir etaklab ketayotsa, milisiya xodimi uni to'xtatib debdi:
— Hurmatli fuqaro! Bu yo'lak faqat piyodalar yurishi uchun mo'ljallangan.
Ayol bir sigirga, bir milisiyaga qarab:
— Sigirim velosiped haydab ketayotgani yo'q! Piyoda ketyapti, - degan ekan.

“Baliq boshidan sasiydi!” degan gapni eshitgan baliqlar kuniga 2 marttadan boshini yuva boshlabdi.

O'rmonda ochlik boshlanib, arslon egulik topa olmay qolibdi.
Shunda arslon hamma hayvonlarni bir joyga yig'ib shunday debdi:
— Eng qo'rqoq, eng kichkina hayvondan eyishni boshlayman! O'zing bilib o'rtaga chiqaver!
Bir payt quyon o'rtaga sakrab chiqib:
— Nega arslon akamni kutishga mavjur qilasanlar?! O'zlaring bilib, tezroq chiqmaysanlarmi?! – dermish.

Uyga qaytgan o'g'il, telefonidan ko'zini uzmay o'tirgan onasiga:
— Oyijon men keldim! – desa, onasi o'g'liga qaramay:
— Qaerlarda sang'ib yuribsan? – debdi beparvolik bilan.
O'g'li onasiga:
— Oyi, men armiyadan qaytdim!!! – degan ekan.

Menda bor odatlar sizda ham bormi?
— Yogurtni ochganda, birinchi bo'lib qopqog'ini yalab qo'yasizmi?
— Telefoningizga kelgan sms ni o'qib, ba'zida ovoz chiqarib javob berasizmi?
— Yoqimli sms larni qayta-qayta o'qib ko'rasizmi?
— Eshik yopiq turganini ko'rsangiz ham baribir tortib ko'rasizmi?
— Erdagi bruschatkani ustidan yurib ketayotib, faqat bir xil shakllarini bosishga harakat qilasizmi?
— Kechasi yotoqxonangiz chirog'ini o'chirgach, kravatgacha telefoningizni chirog'ini yoqib etib olasizmi?

Bir kishini qulog'i og'rib, vrachga boribdi. Vrach bemorni qulog'ini tekshirib ko'rib debdi:
— Bo'lmaydi! Kesib tashlaymiz!
U odamni jahli chiqib, boshqa vrachga boribdi.
Boshqa vrach qulog'ni ko'rib shunday debdi:
— Men sizga dori yozib beraman. Bir hafta ichasiz.
Bu gapni eshitgan bemor xursand bo'lib:
— Bo'larkan-ku! Narigi vrach kesib tashlamoqchi edi, ahmoq... – desa, vrach:
— Kesishni xojati yo'q! Shu dorini ichsangiz, o'zi uzilib tushib ketadi, - degan ekan.

Bir kuni afandi baliq oviga boribdi, lekin xo'rak olish esdan chiqibdi.
Qog'ozga “chuvalchang” deb yozib, qarmoqni suvga tashlabdi. Birozdan keyin qarmoqni ko'tarsa, qog'ozni orqa tomoniga “baliq” deb yozib qo'yilganmish.

Haydovchilar uchun:
Ko'p gaz bossang benzin ketar.
Ko'p tormozda rezina ketar.
Bu issiqda yuraversang,
Bir kun tochna “toming” ketar!

Toshkentni sayyohat qilib qaytgan xitoylikdan so'rashibdi:
— Xo'sh, Toshkent qanday shahar ekan?
Xitoylik debdi:
— Chiroyli shahar! Odam ham juda kam ekan.

Bir bola yo'lda ketayotgan ekan, behosdan quduqqa tushib ketibdi. U erda 1 dan 5 gacha bo'lgan sonlar yozilgan tugmachalar bor ekan. 1 ni bossa bolani ust-boshi echilibdi. 2 ni bossa bolani yuvintirib qo'yishibdi. 3 ni bosgan ekan quritib qo'yishibdi. 4 ni ham bosgan ekan, yangi kiyimlar kiydirib qo'yishibdi. Oxiri 5 ni bosib quduqdan sakrab chiqib qolibdi.
Yo'lda davom etib ketayotgan bola do'stini uchratib qolibdi. Bo'lgan voqeani aytib bersa, do'sti sal shoshqaloq ekan. Gaplarni oxirigacha eshitmay quduqqa yugurib kelib sakrabdi. 1-tugmani bossa uni ham kiyim-boshi echilibdi. Keyin u darrov 5 ni bosibdi. Shunda tepaga uchib chiqib ketganini bilmay qolibdi.

<< < 473 474 475 476 477 478 479 > >>

Tavsiya qilamiz

Bosh sahifa